Almaniya kəşfiyyatı internet izləmədə Amerikaya yardım edib
Tarix: 22.07.2013 | Saat: 23:56:00 | E-mail | Çapa göndər


«Der Spiegel»: «Amerika kəşfiyyatının ay ərzində əldə etdiyi 500 milyon informasiyanın 180 milyonu Almaniyadakı «XKeyscore» proqramı vasitəsilə əldə edilib»

Amerika kəşfiyyatının üzvü Edvard Snoudenin açıqladığı sənədlər bir çox ölkənin xüsusi xidmət orqanlarının vətəndaşların telefon və internet dinləməsini həyata keçirdiyini üzə çıxardı. Amerika Milli Təhlükəsizlik Agentliyinin ölkə xaricində insanların telefon danışıqları ilə yanaşı, internet əlaqəsini də daimi olaraq nəzarətdə saxlamasının ortaya çıxması özü ilə bərabər, bir çox suallar da doğurdu.

Məsələn, dünya mediası belə bir suala cavab axtardı ki, Amerika kəşfiyyatı Almaniya və ya Fransa xüsusi xidmət orqanlarının xəbəri olmadan bu ölkələrin vətəndaşlarını necə dinləyib, bu ölkələrdə internetə, sosial şəbəkələrə, elektron məktublaşmaya necə nəzarət edə bilib? Snoudenin sonradan açıqladığı sənədlərdən sonra məlum oldu ki, Amerika kəşfiyyatının dinləmə əməliyyatından bir çox ölkənin kəşfiyyatı xəbərdar olub və bu işdə amerikalılarla əməkdaşlıq edilib. Almaniyanın «Der Spiegel» jurnalı ələ keçirdiyi yeni sənədlərlə iki ölkənin kəşfiyyat orqanı arasındakı gizli əlaqənin üstünü açıb. Amerika və Almaniyanın kəşfiyyat orqanlarının izləmə əməliyyatında müəyyən qədər əməkdaşlıq etmələri əvvəlcədən də bəlli idi. Amma yeni sənədlər sübut edir ki, iki ölkə kəşfiyyatı xüsusilə internet-izləmədə çox sıx işbirliyi içində olublar. Almaniyanın federal kəşfiyyat xidməti olan BND-nin internet izləməni həyata keçirən casus proqram təminatında Amerika kəşfiyyatına yardım etdiyi üzə çıxıb. «Der Spiegel» iddia edir ki, bunu sübut edəcək kifayət qədər ciddi sənədlərə malikdir. Həmin sənədlərdən birində qeyd edilir ki, Almaniyanın Konstitusiyanı müdafiə təşkilatında quraşdırılan «XKeyscore» proqramının əsas məqsədi terrorizmə qarşı mübarizə sahəsində Amerika Milli Kəşfiyyat Agentliyinə yardım etmək olub. Proqramın həyata keçirilməsinə nəzarəti isə BND həyata keçirib. Yeni sistemin 2008-ci ildə gizli şəkildə təqdimatı olub. Təqdimatda yeni sistemin casus aləti kimi çox səmərəli olduğu qeyd edilib. Həmin sistem açar sözü tutan kimi əməliyyata başlayır. Eyni zamanda bu sistem bir neçə gün ərzində izlənən şəxs və ya setdəki informasiyanı toplamaq imkanına malikdir. Amerika kəşfiyyatının ay ərzində əldə etdiyi 500 milyon informasiyanın 180 milyonu Almaniyadakı «XKeyscore» proqramı vasitəsilə əldə edilib. Amerika Milli Kəşfiyyat Agentliyinin keçmiş şefi Maykl Heyden 11 sentyabr hadisələrindən sonra bildirmişdi ki, Avropadakı tərəfdaşları ilə geniş əməkdaşlığa başlayıblar. Almaniyanın sosial-demokrat və yaşıllar partiyaları indi amerikalıların qanun qarşısında cavab vermələrini tələb edirlər. Bu iki partiya rəhbərliyi hesab edir ki, Amerika kəşfiyyatı Almaniya vətəndaşlarının şəxsi həyat toxunulmazlığını pozub və onların özəl həyatına gizli şəkildə müdaxilə edib. Amma xristian-demokratlar həmin vaxt hakimiyyətdə olan bu partiyaları «məsuliyyətsiz ikiüzlülük»də ittiham edir.
Anar




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info