Soyuqqanlı olmasın insanlar
Tarix: 11.03.2019 | Saat: 15:05:00 | E-mail | Çapa göndər


Yağış yağır
nur kimi,
bir payız gecəsində...
Yadıma
mavi göylərin
qərib ulduzları düşür,
bir ucqar dağ kəndində.
İnsanları görürəm,
hərəsi bir biçimdə -
hərəsi bir rəngdə.
Onsuz da insanların
Taleyi də özləritək
müxtəlifdi əzəldən,
biri bahar rəngində -
biri payız rəngində.
Kaş bircə
istəyim odur,
soyuqqanlı
daşa dönməsin insanlar
Xatirəsi yaşasın
hər insanın
bu dünyada,
başdaşı üstündə deyil,
xoş bir söhbət şəklində.


Ürəklərin dili
Bir dənizdi ürəyin,
dalğaları
duyğuların – hisslərin.
Sərhədində durmusan,
bir sevgi dənizinin.
Danışırsan
dalğalarla səhər-axşam,
Məhəbbət dilində -
Sevgi dilində.
Ancaq bircə bilmədiyin,
quşların dilidi sənin.
O dili təkcə dünyada,
Körpələr bilir sanki
böyüyüncə unudurlar,
Mələklərin dilini.
Kaş öyrənə biləydik,
O dili öyrənə-öyrənə
həm məhəbbət dilini –
həm sevgi dilini.
Onda bəlkə biryolluq,
tapa bilərdik dünyada
Könüllərin dilini –
ürəklərin dilini.
Həqiqətin dilini.

Dünyam

Səhər-axşam yol gedirəm,
Yol üstəyəm anam dünyam.
Ot üstündə, kol üstəyəm,
Leyləyimsən sonam dünyam.

Solan deyil yaraşığın,
Məskənisən hər aşığın.
Tükənməyəcək işığın,
Sərvətindi inam dünyam.

Şairlərin söz dastanı,
Aşıqların yüz dastanı,
Ürəklərin göz dastanı,
Məhvərindi iman dünyam.

Söz yazanın çox olubdu,
Hər sözü bir ox olubdu.
Dərdin mənə yoluxubdu,
Dərdlərimə həyat dünyam.

Bağçaların gül bitirir,
Uşaqların dil öyrənir.
Birin gedir, yüzün gəlir
Ha çalxalan-dolan dünyam.


Göyə uçan dünya

Yuxudayam elə bil,
yuxu kimi görürəm
qoca dünyanı.
Dağları özündən
uca dünyanı.
Qorxuram bir quş kimi,
alıb qanadlarına
uça birdən-birə
bu dəniz,
uça dünyanı.
Sirrini
bir sehir kimi
sirdaşına verməyib,
istəyir qanad açıb
uça gözlərimdən
uça inanın...
Ona görə də
çox sevirəm,
sehir dolu-sirr dolu
qoca dünyanı
dərdləri dərdimə
həyatım kimi,
hər gecə yuxularımda
quş olub
göyə uçan dünyanı.


Yox olaydı kədərim

Min il ömür istəsəm də,
bircə gündü qədərim.
Bir kəpənək ömrü qədər,
uzanacaq səfərim.
Olmayacaq bir gündə
səhərimdən xəbərim.
Çalınacaq geci-tezi
ulduzlarda zəfərim.
Hərəmizin bir yolu var,
bu da mənim qədərim.
Çəməndə bir gül kolu var,
O da mənim gözəlim.
Kaş nəfsimin qədərini,
işlərimin dəyərini,
Nəfsimin əməllərini,
özüm bir gün biləydim.
Texnik olub
bir stəkanı
kipləşdirməyə nə var!?
Çətin olan nəfsinin
qədərini bilməkdi,
O da mənim ilan kimi
dilimdəki
zəhərimdi-zəhərim.
Dərdi dərdimdən ağır,
hər insan övladı mənim
həm dostumdu əzəldən,
həm də dərdi betərim.
Dərdi dərdimdən
betərim.
Allah ona da yar olsun,
Mənə də bir günlərim
yox olardı ah,
kədərim...

Еlsevər Məsim




 
Bölməyə aid digər xəbərlər
19.10.2019
Azərbaycan kinosunun inkişafına ayrılan vəsait 5 dəfə artırılır
19.10.2019
“Maşın“ı türkiyəli apardı
18.10.2019
Nizami Gəncəvinin “Yeddi gözəl” əsəri özbək dilində Daşkənddə çapdan çıxıb
18.10.2019
Tələbələr “YARAT”ın təşəbbüsü ilə təşkil olunan sərgini ziyarət ediblər
18.10.2019
İmadəddin Nəsiminin yaradıcılığına həsr olunmuş rəsm müsabiqəsinə qeydiyyat başa çatıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Prezident: Gələn ilin büdcəsi həm sosial, həm investisiya yönümlü olmalıdır
2 Mitinqi yox, Türk Şurasının nailiyyətini təbliğ edin...
3 Vasim Məmmədəliyev vəfat edib
4 Gələn il əmək pensiyaları bir daha artırılacaq
5 “Xoşbəxtlikdən, Azərbaycanın qolu sayılmadı“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info