Türk Hava Yolları “Böyük köç”ə hazırlaşır
Tarix: 13.03.2019 | Saat: 12:18:00 | E-mail | Çapa göndər


Bakı – 12 mart, 2019-cu il. Türk Hava Yolları türk aviasiya tarixinin ən böyük dəyişimi üçün artıq hazırdır. İstanbul hava limanına böyük köç 5 aprel 2019-cu il tarixində, gecə saat 03:00-da başlayacaq. Qlobal aviasiya tarixində unikal olan bu hadisə ümumilikdə, 45 saat davam edəcək və 6 aprel tarixində saat 23:59-dək yekunlaşdırılacaq. Köçürüləcək avadanlıqların ümumi ölçüsü 33 futbol meydançası qədərdir. Böyük köçü plana uyğun olaraq uğurla həyata keçirmək üçün Atatürk və İstanbul hava limanlarında 6 aprel tarixində saat 02:00-dan 14:00-dək olan bütün planlaşdırılmış sərnişin uçuşları təxirə salınacaq. “Bütün dünyanın şahidlik edəcəyi bu köçdən sonra biz yeni bir günə başlayacayıq. Bu gündən etibarən qarşımızda yeni səhər, yeni dönəm açılır. Bu dönəmdən Türk Hava Yollarının təyyarələri yeni evlərindən – İstanbul hava limanından enib və qalxacaq. Mən ümid edirəm ki, bu addım həm ölkəmizə, həm də şirkətimizə böyük uğur gətirəcək” - deyə Türk Hava Yollarının İdarə Heyətinin və İcraiyyə Komitəsinin sədri İlker Aycı bildirib. Qeyd edək ki, Atatürk hava limanının İstanbul hava limanına köçürülməsinin birinci mərhələsi 29 oktyabr 2018-ci il tarixində artıq baş tutub. Atatürk hava limanından ediləcək son səfərin tarixi məlum oldu. Atatürk aeroportundan baş tutacaq son uçuş İstanbul – Sinqapur reysi olacaq. Köçdən sonra, 6 aprel saat 14:00-dan etibarən bütün uçuşlar İstanbul hava limanından həyata keçiriləcək. Yeni aeroportdan baş tutacaq ilk uçuş isə İstanbul - Ankara reysi olacaq. Daha sonra İstanbul hava limanından baş tutacaq uçuşların sayı plana uyğun olaraq mərhələlərlə artırılacaq.

Hava limanı kodları dəyişir

Köçün birinci mərhələsindən sonra İstanbul hava limanında fəaliyyət göstərən milli avia şirkətin daşıyıcısının əlavə sərnişin təyyarəsi ISL kodu ilə göstərilib. Böyük köçdən sonra IATA kodları dəyişiləcək və 6 aprel tarixində saat 03:00-dən sonra Atatürk Aeroportunun kodu olan IST kodu İstanbul hava limanına veriləcək. Yük və VİP uçuşları həyata keçirəcək olan Atatürk hava limanı ISL kodunu istifadə edəcək.




 
Bölməyə aid digər xəbərlər
19.11.2019
Erməni ekspert: “Belə davam edərsə, Paşinyan yaza qədər hakimiyyətdən qovulacaq”
19.11.2019
Sərksyan istintaqa çağırılır...
18.11.2019
Tbilisidə aksiyanın dağıdılması zamanı biri polis olmaqla 3 nəfər yaralanıb
18.11.2019
“Ermənistanda işsizliklə bağlı sosial proqramlar iflasa uğrayıb”
18.11.2019
Azərbaycan vətəndaşları Türkiyədə 900-dən çox daşınmaz əmlak əldə edib

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10945

1 Bölgə müəllimləri yeni layihələr reallaşdırırlar
2 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
3 Prof. Aziz Sancar’dan Özbekistan’a çikarma: Hayalim Türk Birliğini görmek
4 Bakıda Milli Qəhrəman Albert Aqarunovun heykəlinin rəsmi açılışı olub
5 “Siqaretdən, alkoqollu və enerjili içkilərdən uzaq durun, təbiətdə çox olun, çox gəzin”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info