“A problem of modernity - armenianism“ kitabı Avropada nəşr olub
Tarix: 15.03.2019 | Saat: 16:47:00 | E-mail | Çapa göndər


Türkiyədə uzun illərdir elmi-pedoqoji və ictimai-siyasi fəaliyyətlə məşğul olan, Dünya Azərbaycanlılarının Əlaqələndirmə Şurasının üzvü, tarixçi, professor Aygün Attarın “A problem of modernity - armenianism” ("Erməniçilik: müasir dövrün problemi") kitabı ingilis dilində çapdan çıxıb. Davamlı Sülh və İnkişaf üzrə Beynəlxalq Fondun (IFSPD) Baş Assambleyasının Direktorlar Şurasının 17-ci geniş iclası çərçivəsində Fondun yaradılmasının 10-cu ildönümünə həsr olunan mərasimdə həmin kitabın da təqdimatı keçirilib. Kitab Birləşmiş Millətlər İqtisadi və Sosial Şurası tərəfindən (ECOSOC) xüsusi müşavirlik statusu ünvanına sahib olan IFSPD-nin dəstəyi ilə nəşr edilib. Baş Assambleyanın iclasında Türkiyə Cümhurbaşqanlığının sözcüsü İbrahim Kalın, Türkiyənin Xarici İşlər Nazirinin müavini Yavuz Selim Kırar, Türkiyə Cümhurbaşqanlığının Təhlükəsizlik və Xarici Siyasət Şurasının üzvü, ISFPD-nin sədr müavini Dr.İsmayıl Safi, bir sıra ölkələrin nüfuzlu diplomatları, beynəlxalq təşkilatların təmsilçiləri, mədəniyyət və elm xadimləri iştiak edib. Kitab haqqında məlumat verən Dr.İsmayıl Safi professor A.Attarın qələmə aldığı elmi əsərin sadəcə Türkiyə və Azərbaycan üçün deyil, eyni zamanda dünyanın elmi və siyasi ictimaiyyəti üçün əhəmiyyətli mənbə olduğunu qeyd edib. O, bildirib ki, 24 aprel qondarma erməni soyqırımının əsl mahiyyəti, bu cür təbliğatın qarşısının faktlarla alınması və arxiv sənədlərinin təqdimatı baxımından “A problem of modernity - armenianism” kitabı çox qiymətlidir. Beynəlxalq Fondun tarixi faktlara söykənən kitabı ingilis dilində çap etdirməsi çox yaxşı haldır. İ.Safi əlavə edib ki, bu əsərin 12-si Avropa ölkəsi olmaqla, 35 ölkənin kitabxanasına təqdim edilməsi nəzərdə tutulur. O həmçinin bildirib ki, professor A.Attarın bu kitabı elmi uğurdur və erməni diasporuna vurulmuş böyük zərbə kimi qiymətləndirilməlidir. Kitabın sadəcə Avropada deyil, Amerikada da böyük rəğbətlə qarşılanacağına əminliyini ifadə edib və Azərbaycan Prezidenti cənab İlham Əliyevin “bir millətin iki diasporu olmaz” tarixi sözünü xatırladaraq, Avropa və Amerikada fəaliyyət göstərən Türk diasporunun təmsilçilərinə kitabın həmin ölkələrdə geniş yayılması üçün çağırış edib.
Əsərdə 1917-ci ildə Çar Rusiyasında baş vermiş bolşevik inqilabının Qafqaza, o cümlədən Azərbaycanın ictimai-siyasi həyatına təsiri, bolşeviklərin ermənilərdən Azərbaycana qarşı istifadə etmələri, saxta “erməni məsələsi”nin siyasi mahiyyəti, ermənilərin Azərbaycan torpaqlarında məqsədli məskunlaşdırılmasının bütövlükdə Qafqaz bölgəsi üçün yaratdığı fəsadlar və XX əsrin əvvəllərində Anadolu bölgəsində, eləcə də Naxçıvanda erməni silahlı dəstələrinin insanlığa qarşı törətdiyi ağır cinayətlərdən bəhs olunur.
Kitabda Xocalı soyqırımı haqqında da geniş bəhs edilib, qədim Azərbaycan torpaqları - İrəvan, Zəngəzurla bağlı ətraflı məlumat və sənədlər əks olunub.
Kitabın Azərbaycanda Dövlət İdarəçilik Akademiyası və Beynəlxalq Mətbuat Mərkəzində, eləcə də Türkiyədə təqdimatı keçirilib, Ankara Milli Kitab Yarmarkasında imza günü təşkil edilib.
2018-ci ildə İstanbulda nəşr edilən kitabın Türk dilində olan ilk buraxılışı qısa zamanda satıldığı və Türkiyə ictimaiyyətində böyük maraqla qarşılandığı üçün təkrar nəşr edilib. Xatırladaq ki, A.Attar kitabını prezident İlham Əliyevin 2018-ci ildə keçirilmiş prezident seçkilərindən sonra Türkiyəyə səfəri zamanı R.T.Ərdoğana və Azərbaycan Prezidentinə şəxsən təqdim etmişdi. Sonda onu da qeyd edək ki, IFSPD Baş Assambleyasın 17-ci geniş iclasında Prof.Dr. Aygün Attar Fondun İdarə Heyətinin üzvü seçilib və bu Azərbaycan diasporunun böyük uğuru kimi qiymətləndirilib.

Fuad




 
Bölməyə aid digər xəbərlər
17.10.2019
Eşitmə və nitq pozuntusu olanlar üçün işarət dili ünsiyyət dili kimi rəsmi şəkildə tanınacaq
16.10.2019
Prezident: Əhalinin mütləq əksəriyyəti Azərbaycan rəhbərliyini, bizim apardığımız siyasəti birmənalı şəkildə dəstəkləyir
16.10.2019
Prezident: Əsas vəzifə iqtisadi artımı daha da yüksək rəqəmlərə qaldırmaq və islahatları davam etdirməkdir
16.10.2019
Azərbaycan və Qətər hökumətləri arasında Sərmayə üzrə Birgə İşçi Qrupunun ilk iclası keçirilib
16.10.2019
70 saylı Masallı şəhər və 71 saylı Masallı kənd seçki dairələrində seminarlar keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10917

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info