“Ticarət mərkəzləri öz təhlükəsizlik məsələlərinə bir daha nəzər yetirməlidir”
Tarix: 27.03.2019 | Saat: 17:56:00 | E-mail | Çapa göndər


“Dünən baş verən dəhşətli yanğın bir daha onu göstərir ki ticarət mərkəzləri öz təhlükəsizlik məsələlərinə bir daha nəzər yetirməlidir. Yanğın təhlükəsizliyinə dair texniki bazanın normalara uyğun olmasına, siqnalizasiya sisteminin, yanğın sensorlarının, yanğın dolablarının, yanğın hidrantların, yanğınsöndürən balonların, ehtiyyat çıxışın, təxliyyə planın və şərti işarələrin, yanğın su çəninin olması və daim işlək və saz vəziyyətdə saxlanılmasına nəzarət etməlidir”. Bu barədə təhlükəsizlik üzrə ekspert Elmar Nurəliyev bildirib. O qeyd edib ki, dəfələrlə deyilməsinə baxmayaraq yenədə insanlar yol qırağında harda gəldi maşını park edir: “Bu da öz növbəsində belə fövqaladə hadisə zamanı yanğınsöndürən maşınların hadsiə yerinə girməsinə maneə olur. Hətta görürsən yolun qırağında olan su hidrantının qabağında saxlayıb maşını gedib. Söhbət insanların həyatından gedir, bu qədər məsuliyyətsizlik olmaz”. Ekspert bildirib ki, ticarət mərkəzlərinin rəhbərləri yanğın təhlükəsizliyi təlimatlarına əməl olunmasında maraqlı olmalıdır: “Mərkəzin tikintisindən tutmuş sonrakı təyinatına qədər bütün təhlükəsizlik tədbirləri nəzərə alınmalıdır. Bina fasadının asan yanan materiallardan olması, içəridə satılan mal-material, məişət cihazları, geyim, elektronika və tikinti materialları ani bir qığılcımda necə böyük yanğına səbəb ola bilər. Ona görə ticarət mərkəzi özü yanğın təhlükəsizliyi qaydalarına, binanın yanğın təhlükəsizliyinə dair standartlara cavab verməsinə əmin olmalıdır və orada olan icarədarlardan da yanğın təhlükəsizliyi qaydalarına ciddi riayyət edilməsini tələb etməlidir. Yəni mərkəzdə yeri icarədara müqavilə ilə verdim “daha mən onun yanğın təhlükəsizliyi qaydalarına əməl edib-etməməsinə qarışmıram” deməməlidir. Yeni tikilən ticarət məkanlarında bu qaydalara riayət olunduğu görünsə də, bəzilərində bunlara əməl olunmur. Ticarət mərkəzinin içərisində xüsusi ayrılmamış yerdə siqaret çəkəndən tutmuş , kustar üsulla düzəldilmiş elektrik və qaz cihazları ilə yemək-çay qızdıranlara rast gəlmək olar. Bu da öz növbəsində yanğın təhlükəsi yaradan amillərdir. Peşəkar şəxslərə etibar edib obyektin təhlükəsizliyini təmin etməklə baş verə biləcək faciələrdən qorunmaq olar.
Daha sonra ticarət mərkəzlərində işçilərdən ibarət yanğın qrupları fəaliyyət göstərməsi məqsədəuyğundur. Bu qruplar müvafiq dövlət qrumları tərəfindən xüsusi hazırlıq kursu keçmiş və fövqaladə vəziyyətdə davranış qaydalarını bilən şəxslər olur. Onlar fövqaladə vəziyətdə yanğın söndürmə və xilasetmə qrupu gələnə qədər vəziyyətə nəzarət edər və həm insanların təhlükəsiz təxliyyə edilməsinə həm də yanğının vəziyyətə uyğun söndürülməsinə kömək edər. Bu qrupun üzvlərinin motivasiya üçün digər eyni ştatlı işçilərdən maaşlarında az da olsa artım olur ki onlar da özlərində məsuliyyət hiss edirlər. Bilirlər ki, fövqəladə vəziyyətdə bunlar nə edəcəklər. Hesab edirəm ki, bu cür qrupların olması vacibdir.
Nəinki ticarət mərkəzlərində, heç şəhərin digər yerlərində olan, bazarlarda olan mağazaların da demək olar ki, çoxu mallarını sığortalamayıb. Bu da o deməkdir ki, belə gözlənilməz hadisələr zamanı insanlar böyük ziyan çəkirlər”.

Fuad




 
Bölməyə aid digər xəbərlər
24.11.2020
Azərbaycanda virusa görə iş saatı azaldılır?
23.11.2020
Şəhid ailələri və müharibə əlillərinə ev verilib
23.11.2020
Qarabağ regional ədliyyə idarəsi təsis olunub - Fikrət Məmmədov
23.11.2020
BNA hava şəraitinə görə sürücü və piyadalara müraciət etdi
23.11.2020
Nobel mükafatçısı 3 yaşlı Xədicəyə yardım ayırdı

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11858

1 “Türkvizyon“ gələn il Şuşada keçiriləcək
2 Mədəniyyət Nazirliyi “Xristian irsimizi tanıyaq” layihəsini təqdim edir
3 Сирийская террористка: мы помогали армянским оккупантам воевать в Карабахе
4 “Azərbaycançılıq ideyası - dünya azərbaycanlılarının istinad mənbəyi” adlı kitab nəşr olunub
5 “İncəsənət videomühazirələri” adlı yeni layihəyə başlanılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info