“Milli şura”nı boykot edən müxaliflərin sayı durmadan artır
Tarix: 26.07.2013 | Saat: 00:03:00 | E-mail | Çapa göndər


Mövsüm Səmədov: “Azərbaycan İslam Partiyasının “milli şura”da
iştirakı mümkünsüzdür”


Əli Əliyev: “Siyasi partiyalar hansısa dövlətin Azərbaycana qarşı
layihəsində yer almamalıdır”


Azərbaycan maraqlarını satan və xarici qüvvələrin əlaltısına çevrilməyə həvəslə razı olan “milli şura” adlı müxalif quruma qarşı müxalifətin öz daxilində narazılıqlar və etimadsızlıq artır. Ona görə də əvvəllər “milli şura”da fərdi şəkildə də olsa, təmsil olunmağa qərar vermiş şəxslər indi həmin qurumu tərk edirlər.

Bəzi siyasi partiyalar Azərbaycan İslam Partiyasının (AİP) sədri Mövsüm Səmədovun “milli şura” üzvlüyündən imtina etməsi və partiyanın seçkilərdə iştirakı ilə bağlı qərarını müsbət qarşılayıb. Bu barədə partiya sədrləri AİP-in qərargahında keçirilən tədbirdə öz mövqelərini bəyan ediblər. VİP sədri Əli Əliyev bildirib ki, “milli şura” Rusiyanın layihələrindən biridir və İslam Partiyasının da bu layihədə yer alması yolverilməz olardı: “Əgər partiya sədrinin “milli şura” ilə bağlı açıqlaması olmasaydı, mən bu tədbirdə iştirak etməyəcəkdim. Amma sizin partiyanın “milli şura”dan çıxması təqdirəlayiq haldır. Çünki özündə islami dəyərləri birləşdirən bir partiya hansısa dövlətin Azərbaycana qarşı layihəsində yer almamalıdır”. ADP sədri Sərdar Cəlaloğlu “milli şura”nın demokratik dəyərlərlə formalaşmadığını vurğulayıb. Onun sözlərinə görə, İslam Partiyasının bəzi üzvlərinin “milli şura”da təmsil olunması İslam Partiyasının “milli şura”nı dəstəkləməsi kimi qəbul edilə bilməz: “Bu baxımdan partiya sədri Mövsüm Səmədovun bəyanatı və seçkilərdə iştirak niyyəti bütün bunlara aydınlıq gətirdi”. Yaşıllar Partiyasının sədri Mayis Güləliyev qeyd edib ki, “Yaşıllar” və digər siyasi partiyalar həmişə İslam Partiyasının yanında olub: “Təəssüf ki, sizin tərəfdaş olduğunuz “milli şura”ya daxil olan partiyalardan isə heç kim sizin bugünkü tədbirinizə qatılmayıb. Azərbaycanda özünü ciddi və ya aparıcı siyasi qurumlar adlandıranlar əslində cəmiyyətə birbaşa aidiyyəti olan problemlərə heç bir reaksiya vermirlər. Belə olan halda, yəni həqiqəti müdafiə etməməklə cəmiyyətdə demokratiya bərpa etmək olmaz”.Qeyd edək ki, AİP sədri Mövsüm Səmədov partiyasının “milli şura”da iştirakın mümkünsüzlüyü və partiya tərəfindən prezident seçkilərində namizədliyinin irəli sürülməsinə razılıq verdiyini bəyan edib.
Onu da qeyd edək ki, Azərbaycan İslam Partiyası prezident seçkilərinə öz namizədi ilə qatılacaq. Bu barədə partiyanın sədr müavini Akif Heydərli deyib. Onun sözlərinə görə, AİP prezident seçkilərində iştirak etmək barədə qərar qəbul edib və artıq seçki qərargahının formalaşdırılmasına başlanılıb: “Bizim Azərbaycan İslam Partiyasının sədri Mövsüm Səmədovla martın 20-də 11 saylı cəzaçəkmə müəssisəsində 4 saatlıq görüşümüz olub. Görüşdə aparılan müzakirələrin nəticəsi olaraq, biz onun namizədliyini irəli sürmüşük. Partiya sədrinin seçkidə iştirakı mümkün olarsa, onun namizədliyi qeydə alınarsa, biz seçkilərə öz namizədimizlə qatılacağıq. Yaxın günlərdə partiyanın platforması elan olunacaq və seçki qərargahımız müəyyənləşəcək”.

İlkin




 
Bölməyə aid digər xəbərlər
18.09.2018
Paşinyanın oğlunun hərbi xidmət piarından yararlanmaq cəhdi nə vəd edir...
18.09.2018
Çində Azərbaycan haqqında daha çox informasiya veriləcək
17.09.2018
Azərbaycanlılar Avropada yeni media orqanı təsis ediblər
17.09.2018
“Türkmənistan TANAP-a iqtisadi böhrandan çıxmaq üçün yeganə çıxış yolu kimi baxır”
17.09.2018
Azərbaycan Cümhuriyyətinin ədliyyə nazirləri

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Əfsanəvi İndoneziya batikaları
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info