Tianeti qəsəbəsinə qaz xətti çəkilib
Tarix: 26.07.2013 | Saat: 00:29:00 | E-mail | Çapa göndər


“SOCAR CORCİA QAZ” Gürcüstanın yüksək dağlıq Tianeti qəsəbəsinin qazlaşdırılmasını davam etdirir. İndiyədək 11 kilometr uzunluğunda qaz kəməri çəkilib və 305 abonentə təbii qaz verilişi təmin olunub.

Qazlaşdırmanın ilkin mərhələsinin başa çatması münasibəti ilə keçirilmiş tədbirdə iştirak edən Gürcüstan baş nazirinin müavini, energetika naziri Kaxa Kaladze və Azərbaycan Respublikası Dövlət Neft Şirkətinin Gürcüstan nümayəndəliyinin rəhbəri Mahir Məmmədov qəsəbə sakinlərindən birinin evində qaz sobasını alovlandırıblar.
Kaxa Kaladze SOCAR-a ölkənin qazlaşdırılmasında fəal iştirakına və keyfiyyətli işinə görə təşəkkürünü bildirib. O, Msxeta-Mtianeti bölgəsinin yüksək dağlıq ərazisi olan Tianetinin qazlaşdırılması prosesinin ilkin mərhələsinin başa çatdırılmasını təqdirəlayiq hal kimi qiymətləndirib və əmin olduğunu vurğulayıb ki, SOCAR əksər bölgələrdə olduğu kimi, burada da başlanmış işi uğurla yekunlaşdıracaq. ARDNŞ-in Gürcüstan nümayəndəliyinin rəhbəri Mahir Məmmədov görülmüş işlər barədə məlumat verərək deyib ki, Msxeta-Mtianeti bölgəsində 9.200 abonentə təbii qaz verilişi təmin olunub, 260 kilometr uzunluğunda qaz kəməri çəkilib. Bölgənin Tianeti rayonuna qaz çəkilişinə bir müddət əvvəl başlanılıb və ilkin mərhələ uğurla başa çatdırılıb. Qəsəbədə yaşayan 1.200 ailənin 305-i təbii qazla təmin olunub.
M.Məmmədov bildirib ki, bu ilin sonunadək daha 300 ailə qazla təmin olunacaq və 2014-cü ilin axırlarında Tianeti qəsəbəsinin qazlaşdırılması tam başa çatdırılacaq.




 
Bölməyə aid digər xəbərlər
19.02.2019
Böyük sənaye potensialı yaradılır: müasir zavodların yaradılması prioritetdir
19.02.2019
Qəzvin-Rəşt dəmir yolu Novruz bayramında istismara veriləcək
19.02.2019
Azərbaycan məhsulları “Prodexpo 2019” sərgisində medala layiq görülüb
19.02.2019
Strateji yol xəritələri üzrə görülən işlərin gedişi müzakirə edilib
19.02.2019
“Azexport” “Amazonla Qazan” təlimini davam etdirir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info