Prezidentin tapşırığına əsasən İ.Cəfərzadə müalicə üçün Almaniyaya yola salınıb
Tarix: 26.07.2013 | Saat: 15:16:00 | E-mail | Çapa göndər


“Nabran Holiday Village” istirahət mərkəzində bədbəxt hadisə nəticəsində ciddi xəsarət almış iki yaşlı İmran Cəfərzadə Prezident İlham Əliyevin tapşırığına əsasən, Berlinin ən yaxşı klinikalarından biri olan “Charite”də əməliyyat olunması üçün iyulun 26-da Almaniyaya yola salınıb. “Akvapark”da bədbəxt hadisə nəticəsində ciddi xəsarət almış azyaşlı İmran Cəfərzadəyə zəruri tibbi yardımın göstərilməsi üçün Heydər Əliyev Fondu tərəfindən təşkilati məsələlərin icrasına başlanılıb.
Almaniyadan Bakıya gəlmiş ixtisaslaşmış həkimlərdən ibarət ambulans təyyarə uşağı 28 gün davam edəcək diaqnostika üçün xəstəxanaya aparıb. Həmin vaxt ərzində Almaniyada bu sahənin ən yaxşı həkimlərinin bir neçə konsiliumu keçiriləcək. Azərbaycan Prezidenti İlham Əliyevin göstərişi ilə artıq həmin həkimlərlə danışıqlar aparılıb. İlkin olaraq 2-3 əməliyyat keçiriləcəyi istisna edilmir. Hazırda uşağın vəziyyəti stabildir. Uşaq uzun müddət hovuzda qaldığına görə onun ağciyərinə düşən su həkimlər tərəfindən çıxarılıb.
Heydər Əliyev Fondu İmran Cəfərzadənin üzərində əməliyyatın keçirilməsi üçün bütün xərcləri öz üzərinə götürəcək. Bundan əlavə, Azərbaycan Prezidentinin tapşırığına əsasən, ailənin uşağın müalicəsinə xərclədiyi bütün vəsait də dövlət tərəfindən ödəniləcək.
Azyaşlının anası Nuridə Cəfərova deyib: “Azərbaycanın Prezidenti İlham Əliyevə və onun xanımı Mehriban Əliyevaya minnətdarlığımızı bildiririk. Bütün Azərbaycan xalqına, o cümlədən Mərkəzi Klinik Xəstəxananın bütün işçi heyətinə təşəkkür edirik. Fəxr edirik ki, Azərbaycan kimi ölkədə yaşayırıq”.
Mərkəzi Klinik Xəstəxananın təcili yardım həkimi Azad Əbilov jurnalistlərə açıqlamasında xəstənin vəziyyətinin stabil olduğunu bildirib. Qeyd edib ki, xəstəyə lazım olan preparatlar vurulub, o, tam stabil halda tibbi təxliyə ilə Heydər Əliyev Beynəlxalq Aeroportuna çatdırılmış və alman həkimlərə təhvil verilib.




 
Bölməyə aid digər xəbərlər
19.11.2018
Mətbuat Şurası ilə Rusiya Jurnalistlər İttifaqı arasında əməkdaşlıq haqqında Memorandum imzalanıb
19.11.2018
“Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqə elan edildi
19.11.2018
Türkdilli dövlətlərin PR mütəxəssisləri Bakıya gələcəklər
19.11.2018
Qaradağ məktəbliləri “Ölkəmizi tanıyaq” tur-aksiya çərçivəsində yola salındılar
19.11.2018
KİV nümayəndələri “Mazımçay“ gömrük postundakı yeniliklərlə tanış olublar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info