“Azərbaycana olan maraq açıq şəkildə artır”
Tarix: 29.04.2019 | Saat: 16:38:00 | E-mail | Çapa göndər


Vüqar Yusifov: “Belarusla Azərbaycan arasında ticarət dövriyyəsinin artırılması üçün dəfələrlə iş adamları ilə birgə görüşlər keçirmişik”

Azərbaycan 4-cü dəfədir ki, Formula 1 yarışlarına ev sahibliyi etdi. Bu yarışların ölkəmizdə keçirilməsi xaricdəki soydaşlarımız tərəfindən də müsbət qarşılanıb. Belarus Azərbaycan İcmaları Konqresinin sədr müavini Vüqar Yusifov “Palitra”ya müsahibəsində bu haqda öz fikirlərini bildirib.

- Vüqar müəllim, öncə sizi tanımaq istərdik...

- 1994-cü ildən Belarusda yaşayıram. Belarus Dövlət Universitetinin Hüquq fakültəsində bakalavr və magistr dərəcələri üzrə təhsil almışam. Dünyanın bir çox ölkələrində çalışmışam. Hazırda ailəmlə Minskdə yaşayıram. Buranı həm də ikinci vətənimiz kimi qəbul etmişik. Biz çox çalışırıq və bununla da ölkəmizin ümumi inkişafına töhfə veririk. Tarixi vətənimizi unutmamışıq və unutmayacağıq. İki ölkənin biznesini birləşdirmək üçün çox səy göstəririk. Belarusla Azərbaycan arasında ticarət dövriyyəsinin artırılması üçün dəfələrlə iş adamları ilə birgə görüşlər keçirmişik.

- Bildiyiniz kimi, ölkəmizdə Formula 1 yarışları keçirilir. Xaricdən bu yarışların Azərbaycanda keçirilməsi necə görünür?

- Mən çox şadam ki, son illərdə Azərbaycanda Formula 1 də daxil olmaqla, bir çox beynəlxalq idman yarışları keçirilib. Bu cür fəaliyyətdən sonra biz digər ölkələrin vətəndaşlarından Azərbaycanı ziyarət etmək arzusunu eşidirdik. Hərçənd, əvvəllər burada hər kəs Gürcüstanı tərifləyirdi. Azərbaycan öz mövqeyini tədricən bərpa edir və müxtəlif ölkələrdən daha çox qonaqları cəlb edir. Azərbaycana olan maraq açıq şəkildə artır. Vəziyyəti dünya səviyyəsində dəyərləndirsək, çoxmilyonlu tamaşaçısı olan beynəlxalq yarışlardan sonra Azərbaycan xaricdə tanındı və bu ölkə ilə maraqlanmağa başladılar. Belə tədbirlərdən sonra Azərbaycanın qlobal siyasi arenada mövqeyi daha da gücləncək və ölkəmiz investorlar üçün daha maraqlı olacaq.

Vəziyyəti dünya səviyyəsində dəyərləndirsək, çoxmilyonlu tamaşaçısı olan beynəlxalq yarışlardan sonra Azərbaycan xaricdə tanındı və bu ölkə ilə maraqlanmağa başladılar. Keçmiş Sovet ölkələrindən az sayda respublika belə böyük miqyaslı turnirlər keçirə bilər


- Azərbaycanın beynəlxalq imicinin artmasında belə tədbirlərin nə kimi rolu var?

- Əlbəttə ki, bu çox müsbət haldır. Keçmiş Sovet ölkələrindən az sayda respublika belə böyük miqyaslı turnirlər keçirə bilər. Bütün bunlar, ümumiyyətlə, Azərbaycanın imicini daha da artırır. Son illərdə Bakı da daxil olmaqla, Azərbaycanın bir çox şəhərlərinin görünüşü çox ciddi şəkildə dəyişmişdir. Azərbaycana milyardlarla dollarlıq investisiya cəlb edildi. Bütün bu işlər dünya səviyyəsində Azərbaycanın mövqeyini gücləndirir.

- Belarusdakı elmi dairələrlə nə kimi əməkdaşlıq edirsiz?

- Dövlətlərarası münasibətlər və konqres səviyyəsində təcrübə mübadiləsi aparılır. Bakıda, eləcə də Minskdə müxtəlif elmi konfranslar keçirilib.


Fuad Hüseynzadə




 
Bölməyə aid digər xəbərlər
18.09.2019
“Gələcəkdə yəhudilik və xristianlıqla bağlı kadrların yetişdirilməsi də nəzərdə tutulur”
17.09.2019
Samir Mustafayev: “İdmanla daha çox məşğul olduqca, ürəkdə olan kiçik kapilyarlar daha yaxşı inkişaf edir”
17.09.2019
Əhalisi 1 milyon olan şəhərdə ən azı 2 insult mərkəzi qurulmalıdır
16.09.2019
Azərbaycan aşiqi Mariya Suvorovskaya “Üzümlüyün yanındakı ev“ adlı yeni kitabını təqdim edəcək
13.09.2019
Prezident təqaüdçüsü Rəşad Azadlı: “Hədəf qoymuşdum ki, Bakı Ali Neft Məktəbinin tələbəsi olum”

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10888

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Siyasi partiyaların bir araya gəlməsi müsbət qiymətləndiriləsi hadisədir”
4 Gömrükçülər 2 milyon manatlıq dərman preparatları aşkarlayıblar
5 “Bəzi belarus tələbə qızlar artıq Azərbaycana gəlin köçməyə hazırlaşırlar”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info