Moskva bazarlarında kütləvi yoxlamalar
Tarix: 31.07.2013 | Saat: 22:48:00 | E-mail | Çapa göndər


Moskvanın Qərb inzibati dairəsinin prefekturası 2015-ci ilin yanvarın 1-dək Matveyev bazarını bağlamağa qərar verib. Qeyd edək ki, iyulun 27-də qeyd olunan bazarda polislə satıcılar arasında baş vermiş münaqişə nəticəsində bir əməliyyatçı ağır yaralanıb. “İTAR-TASS”ın verdiyi xəbərə görə, bu barədə “İzvestiya” qəzetinə prefekturanın mətbuat katibi Olqa Veldina bildirib.
Qeyd edək ki, Matveyev bazarı ilə birlikdə daha 4 bazarın ləğv edilməsi nəzərdə tutulub və beləliklə 2015-ci ilə dairənin ərazisində cəmi üç - Doroqomilov, Kuntsev və Krılatski bazarları qalacaq.
“Biz açıq bazarların bağlanması barədə federal proqram çərçivəsində addımlayırıq. Ticarət obyektlərinə qarşı hazırda çox sərt tələblər irəli sürülür. Bu tip köşk qalamaları ləğv olunacaq”- deyə Olqa Veldina bildirib.
O da qeyd edilir ki, Moskva bazarlarında həyata keçirilən profilaktik əməliyyat tədbirləri çərçivəsində 1000-dən çox insan saxlanılıb. “İTAR-TASS”ın verdiyi xəbərə görə, kriminalistik məlumat bazasında yoxlanılması məqsədilə Rusiya paytaxtının polis şöbələrinə 530 şəxs gətirilib. Onlardan barmaq izləri götürülüb, bir neçə şəxs barəsində inzibati xətalara yol verdikləri üçün protokollar tərtib olunub.
Baş Polis İdarəsinin mətbuat xidmətinin yaydığı məlumata görə, ötən gün isə Moskvanın qərbindəki 3 bazarda 470 şəxs saxlanılıb. Qeyd edək ki, əməliyyat zamanı qafqazlı və orta asiyalı görkəmində olan bütün şəxslər saxlanılır. Qeyd edək ki, ötən şənbə Moskvanın “Matveyevski” bazarında polis şübhəli şəxsi - Maqomed Maqomedovu saxlamaq istəyərkən 20-25 nəfər onlara hücum edib. Nəticədə polis əməkdaşlarından biri başından ağır zərbə alıb. O, ağır kəllə-beyin travması ilə xəstəxanaya yerləşdirilib.
Bu hadisədən sonra Moskva Baş Polis İdarəsinin rəisi Anatoli Yakunin tərəfindən bütün paytaxt bazarlarında profilaktik əməliyyat tədbirlərinin həyata keçirilməsi göstəriş verilib.




 
Bölməyə aid digər xəbərlər
16.11.2018
«Rosbalt»: «Ermənistandan güclü şantaj və oğurluq qoxusu gəlir»
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Davamli dil siyasəti dövlətin əsas prioritet istiqaməti kimi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info