“Təcrübi biliyə qabaqcadan sahib olmaq bir avantajdır”
Tarix: 07.05.2019 | Saat: 14:27:00 | E-mail | Çapa göndər


Bayramov Xəlil Sahib oğlu Dövlət Gömrük Komitəsinin Akademiyasında İqtisadiyyat ixtisası üzrə 4-cü kursda təhsil alır. Oxuduğu müddətdə Akademiya tərəfindən bir neçə yerli və beynəlxalq tədbirlərə, seminar və konfranslara göndərilib. 2018-ci ilin yayında SOCAR-AQŞ LLC-nin yay təcrübə proqramı üzrə müsabiqədən keçərək Logistika departamentində iki aylıq təcrübə keçmək haqqı qazanıb. Təcrübədən sonra şirkət tərəfindən iş təklifi alıb. Hazırda öz buraxılış işinin mövzusuna uyğun olaraq, Azərbaycan Respublikası İqtisadiyyat Nazirliyinin İqtisadi İslahatlar Elmi Tədqiqat İnstitutunda (İİETİ) Regionların davamlı inkişaf problemləri şöbəsində təcrübə keçir.

- Sizi bu qurumda necə qarşıladılar? Nə kimi işlər görürsünüz?

- Təcrübə yerində istər şöbədəki işçilər, istərsə də digər şöbənin işçiləri biz tələbələri mehribancasına qarşıladılar və təcrübə ərzində verdiyimiz sualları ətraflı və dolğun şəkildə cavablandırırlar. Şöbədə görülən işlərdə yaxından iştirak edirik və işçilərin qarşısında qoyulan tapşırıqların yerinə yetirilməsində onlara kömək edərək biz də cəlb olunuruq. Bununla da, real iş mühitində çalışmağı, situasiyaya adaptasiya olunmağı və qoyulan tapşırıqların öhdəsindən vaxtında gəlmək kimi praktiki bacarıqları öyrənirik.

- Bizə bir günlük iş planınızı təsvir edərsinizmi?

- Qeyd etdiyim kimi, gün ərzində şöbə tərəfindən bizə verilən tapşırıqları yerinə yetiririk. Məsələn, arayış və hesabatların hazırlanması, statistik məlumatların yığılması, aktual mövzularla bağlı araşdırmaların aparılması, elmi işlərin yazılma qaydalarını öyrənmək və bir sıra tərcümə işləri. Təcrübə gününün sonunda isə gün ərzində yerinə yetirdiyimiz işləri gündəlikdə qeyd edirik.

- Sizcə, tələbə olaraq bu təcrübənin sizin üçün hansı müsbət tərəfləri olacaq?

- Düşünürəm ki, təcrübə keçdiyim yerdə elmi araşdırmaların aparılması və dissertasiyaların yazılmasını öyrənməyimin gələcəkdə doktorantura pilləsində təhsil alarkən mənə çox yardımı dəyəcək. Bundan əlavə, magistratura və karyera həyatında da bir sıra elmi araşdırmalar aparmağa ehtiyac yaranacaq və bu təcrübi biliyə qabaqcadan sahib olmaq bir avantajdır.

- Akademiyada tədris zamanı aldığınız nəzəri biliklər təcrübədə köməyinizə yetirmi?

- Əlbəttə. İİETİ-də araşdırmalar iqtisadiyyat yönümlü olur və nəzərə alsaq ki, “İqtisadiyyat” ixtisası üzrə təhsil alıram, təcrübə yerində görülən işlər yad gəlmir, kitablarda oxuduqlarımıza real iş mühitində şahid oluruq. Araşdırma metodlarına əvvəlcədən bələd olmağımız prosesdə geriyə qalmamağımıza yardımçı olur.

- Yaxşı mütəxəssis olmaq üçün, sizcə, nəzəri biliklər, yaxud təcrübə daha çox önəmlidir?

- Məncə, bu işdən asılı olaraq dəyişə bilər. Amma ümumi götürsək, bu ikisini bir-birindən ayırmaq olmaz. Təcrübə nəzəri biliyin ardıdır, nəzəri öyrənilənləri real olaraq tətbiq etmək deməkdir. Yaxşı mütəxəssis isə nəzəri biliyə sahib olmalı və iş mühitində zaman-zaman təcrübə toplamalıdır ki, öz işini yüksək potensialla yerinə yetirsin.




 
Bölməyə aid digər xəbərlər
18.09.2019
“Gələcəkdə yəhudilik və xristianlıqla bağlı kadrların yetişdirilməsi də nəzərdə tutulur”
17.09.2019
Samir Mustafayev: “İdmanla daha çox məşğul olduqca, ürəkdə olan kiçik kapilyarlar daha yaxşı inkişaf edir”
17.09.2019
Əhalisi 1 milyon olan şəhərdə ən azı 2 insult mərkəzi qurulmalıdır
16.09.2019
Azərbaycan aşiqi Mariya Suvorovskaya “Üzümlüyün yanındakı ev“ adlı yeni kitabını təqdim edəcək
13.09.2019
Prezident təqaüdçüsü Rəşad Azadlı: “Hədəf qoymuşdum ki, Bakı Ali Neft Məktəbinin tələbəsi olum”

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 В Великобритании перешли на систему образования СССР
3 Prezident Bakı Metropoliteninin “Xətai” stansiyasında görülən işlərlə tanış olub
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info