“İranla əlaqələri yaxşılaşdırmağa hazırıq”
Tarix: 01.08.2013 | Saat: 22:49:00 | E-mail | Çapa göndər


İran və Britaniya xarici işlər nazirləri arasında telefon danışığı olub

İran və Böyük Britaniya xarici işlər nazirləri arasında telefon danışığı olub. Görüş İranda prezident seçkilərindən sonra beynəlxalq əlaqələr və ikili münasibətlər mövzusunda görüşmək hədəfi ilə reallaşıb. Uilyam Heyq İranla əlaqələri yaxşılaşdırmağa hazır olduqlarını və iranlı həmkarı ilə görüşmək istəyində olduğunu bildirib:
“Böyük Britaniya İranla ikitərəfli əlaqələri addımbaaddım yüksəltməyə hazırdır. Bunun üçün bu ilin sentyabr ayında Nyu-York şəhərində BMT Baş Assambleyasının sessiyası çərçivəsində ikitərəfli görüşün keçirilməsini təklif edirik”. Böyük Britaniya XİN rəhbəri həmçinin Qərb ölkələrinin İranın nüvə proqramı ilə bağlı narahatlığını da Əli Əkbər Salehinin diqqətinə çatdırıb və problemin həlli üçün təcili addımların atılmasının zəruri olduğunu vurğulayıb. Sonda tərəflər İran və Böyük Britaniya xarici siyasət idarələrinin diplomatlarının BMT Baş Assambleyasının sessiyasından əvvəl ikitərəfli əlaqələrin inkişaf etdirilməsi və gücləndirilməsi məqsədilə görüşünə zəmin hazırlamaq üçün mütəxəssislər səviyyəsində danışıqlara başlamaları qərarlaşdırılıb. Bu arada İran Hollandiyaya nota verib. Hollandiyanın İrandakı səfirliyinin müvəqqəti işlər vəkili bu ölkənin Xarici İşlər Nazirliyinə çağırılıb. “İRİB”in məlumatına görə, buna səbəb İranın Hollandiyadakı səfirliyinin telefon danışıqlarının dinlənilməsi ilə bağlı xəbərlərin yayılmasıdır. İran XİN holland diplomatdan məsələ ilə bağlı açıqlama tələb edib və Hollandiya rəsmilərindən mövzuya rəsmi münasibət bildirməsini istəyib. Diplomat da İranın tələblərini öz ölkəsinin diqqətinə çatdıracağını və rəsmi Tehranı məlumatlandıracağını vurğulayıb. İranın Rusiyadakı səfiri Mahmudrza Səccadi isə bildirib ki, İranla Rusiya arasında “Anti-2500” hava hücumundan müdafiə sistemi ilə bağlı heç bir razılaşma əldə edilməyib. Onun sözlərinə görə, rəsmi Kreml Tehrana iki ölkə arasında bağlanmış müqaviləyə uyğun olaraq təhvil verməli olduğu “S-300” hava hücumundan müdafiə sistemi əvəzinə, “Anti-2500” hava hücumundan müdafiə sistemi təklif etməyib: “İran belə bir şeyi qəti şəkildə qəbul etməyəcək və bununla bağlı hansısa görüş də keçirməyəcək”. Qeyd edək ki, İranın hava məkanının müdafiəsi üçün satılması nəzərdə tutulmuş “S-300” hava hücumundan müdafiə sistemi 2007-ci ildə iki ölkə arasında imzalanmış müqaviləyə əsasən, Tehrana verilməli idi. Ancaq rəsmi Moskva 2010-cu ildə bu sistemi İrana təslim etməkdən boyun qaçırıb. Bu səbəbdən İran müqaviləni birtərəfli qaydada pozduğuna görə Rusiyanın “Rosoboroneksport” şirkətini beynəlxalq məhkəməyə verərək 4 milyard dollar təzminat ödənilməsini istəyir.
Cavidan




 
Bölməyə aid digər xəbərlər
20.09.2018
Paşinyanın növbəti iftirası: siyasi imicini itirmiş şoumen
19.09.2018
Pakistan məhkəməsi Nəvaz Şərifin həbsdən buraxılmasına qərar verib
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info