“Milli şura”dakı qrupların hər ikisi kimə desən işləməyə hazırdırlar”
Tarix: 02.08.2013 | Saat: 18:17:00 | E-mail | Çapa göndər


Əli Əliyev: “Xarici dairələrə xidmət edən qurum və şəxsə münasibət barışmaz olmalıdır”

“Milli şura” adlı ziddiyyətlər və “razborkalar qurumu” Tiflisdəki görüşlə özünün fəaliyyət “zirvə”sinə çatdı və bir daha əyan oldu ki, bu qurum və onda təmsil olunan qruplar effektli siyasi fəaliyyət və seçki hazırlıqları üçün yararsızdır. Bunu həmin qurumun təmsil olunduğu müxalif düşərgənin mənsubları da bildirirlər. Sözügedən mövzuda qəzetimizə fikirlərini bildirən ekspert və siyasilər də bu fikirdədir. Vətəndaş və İnkişaf Partiyasının sədri Əli Əliyev “Palitra”ya açıqlamasında belə qeyd etdi: “Tiflis görüşü bir daha sübut etdi ki, “milli şura” yekcins və mütəşəkkil deyil, orada müxtəlif qruplar və şəxslər bir-birilərilə ciddi konflikt və amansız rəqabətdədir. Onların maraqları üst-üstə düşmür. Məsələn, İsa Qəmbərin son açıqlamalarından belə bəlli olur ki, “milli şura”da Rüstəm İbrahimbəyovun Bakıya gəlişini istəyənlər də olub, istəməyənlər də. Bunların hər ikisi bəllidirlər. Üstəgəl, Saakaşvilinin son açıqlaması maraq doğurur. O da “milli şura”nı Rusiyadakı dairələrlə bağlayır. Bu da bizim partiyamızın neçə aylardır, Azərbaycan ictimaiyyətinə bu barədə bildirdiyi mesajı təsdiq edir. Bu barədə bəzi rus ekspertlərinin fikirləri də dediklərimizi müəyyən mənada təsdiqləyir. Bütün dəlillər və arqumentlərin hamısı “milli şura”nın və orada təmsil olunanların Azərbaycan xalqının mənafeyinə xidmət etmədiyini ortaya qoyur. Hesab edirəm ki, xarici dairələrə xidmət edən hər hansı quruma və şəxslərə münasibət birmənalı olaraq mənfi və barışmaz olmalıdır. Burada heç bir güzəşt yoxdur və olmamalıdır. “Milli şura” layihəsi Azərbaycan cəmiyyətinə yox, xarici maraqlara xidmət edir, ona görə də məhvə və puç olmağa məhkumdur. Bunu həmin qurum daxilindəki proseslər, cəmiyyət arasında bu quurmun nüfuzsuzluğu, ona olan mənfi münasibət də sübut edir”.
Maraqlıdır ki, Tiflis görüşünə qədər Müsavat Partiyasının rəhbərliyi, funksionerləri cidd-cəhdlə Rüstəm İbrahimbəyova qarşı aşağılayıcı ifadələr işlədirdilər. Tiflis göüşündən sonra isə müsavatçılar İbrahimbəyovla bağlı tamamilə müsbət fikirlər söyləməyə başladılar. Bəs bu mövqe dəyişkənliyinin arxasında nə durur? Ə.Əliyev bu barədə bildirdi ki, Tiflis görüşündən sonra müsavatçılar qəti əmin olublar ki, İbrahimbəyovun Bakıya gəldiyi gün olmayacaq: “Ona görə də ümumilikdə ictimai rəydə uduzmamaq üçün yalandan Rüstəm İbrahimbəyovu tərifləyirlər. Bununla həm də onun tərəfdarlarına elektorat kimi göz dikiblər. İndi Müsavat Rüstəm İbrahimbəyovu ölkəyə gələ bilmədiyi üçün özü üçün “zərərsiz” görür. Ona görə də onun ünvanıa təriflər yaağdırırlar ki, müxalif elektoratı öz ətrafına cəlb etsinlər”.

“Tiflis görüşü bir daha sübut etdi ki, “milli şura” yekcins və mütəşəkkil deyil, orada müxtəlif qruplar və şəxslər bir-birilərilə ciddi konflikt və amansız rəqabətdədir”

Amma buna baxmayaraq, Müsavatın nəzarəti altında olan qəzet və digər bəzi müxalif mətbu orqanlar indiyə qədər də antirüstəm təbliğatı aparmaqdadır, Tiflis görüşünün uğursuz olduğunu bildirməkdədir. Bu məsələyə toxunan Ə.Əliyev qeyd etdi ki, Müsavat “milli şura” daxilində korporativ maraq güdür. Ona görə də onlar İbrahimbəyovu indi də aşağılayırlar. Ümumiyyətlə, “milli şura”dakıların bir-birilərinə qarşı bu cür qarşılıqlı təhqir kampaniyaları sosial şəbəkələrdə, hər yerdə davam edir. “Milli şura”da əsas iki qrup bir-birilərinə qarşı durublar. Bunlar İbrahimbəyov olmayacaqsa, boykotu əsas tutanlar, bir də müsavatçılardır. Bu qrupun hər ikisi öz şəxsi maraqlarını hər şeydən üstün tutaraq, kimə desən işləməyə hazırdırlar. Amma “milli şura” layihəsi xarici və antiazərbaycan maraqlara əsaslandığı üçün seçkilərdə uğursuzluqla üzləşəcək”.

İlkin AĞAYEV




 
Bölməyə aid digər xəbərlər
02.06.2020
Milli Məclisdə Kanada parlamentarisinin Dağlıq Qarabağa qanunsuz səfəri pislənildi
02.06.2020
Kevin Hern Azərbaycanın Respublika günü ilə bağlı bəyanat verib
01.06.2020
Asiya İnkişaf Bankının təşəbbüsü ilə Prezident İlham Əliyevlə bu bankın rəhbərləri arasında videokonfrans keçirilib
01.06.2020
ABŞ-ın Nebraska ştatının qubernatoru Azərabycan Günü elan edib
31.05.2020
Azərbaycan dünyada iqtisadi, siyasi və hərbi cəhətdən regionun ən qüdrətli dövləti kimi qəbul edilir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərbaycanda daxili turizmin 2025-ci ilə qədər inkişaf perspektivləri”
2 Azərbaycan filminə ABŞ-dan sponsorluq təklifi gəldi -VIDEO
3 Yaponiya turistlərə gündəlik 185 dollar verəcək
4 Badımcan sırdağı - VİDEO
5 ATƏT Parlament Assambleyasının sədri Prezident İlham Əliyevi təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info