Avstraliyada ümumi federal seçkilərdə sağ koalisiya qalib gəlib
Tarix: 19.05.2019 | Saat: 13:50:00 | E-mail | Çapa göndər


Avstraliya Seçki Komissiyası (AEC) ölkənin federal parlamentinə seçkilərlə əlaqədar bülletenlərin 75 faizini artıq hesablayıb. AZƏRTAC xəbər verir ki, ilkin məlumatlara görə parlamentdə yerlərin əksəriyyətini hakim Liberal-Milli Koalisiya (LMK) qazanıb.
AEC-in son məlumatına əsasən, LMK Nümayəndələr palatasının yeni tərkibində ən azı 74, Leyboristlər 66, müstəqil deputatlar 3 və “Yaşıllar”, “Mərkəz Alyansı” və Katterin Partiyası isə hərəyə bir yer əldə ediblər. Parlamentdəki daha 5 yerin taleyi ölkənin qərb dairələrindəki səslərin hesablanmasından sonra məlum olacaq. Vaxt fərqinə görə burada seçkilər qismən gec başa çatıb. Xatırladaq ki, Avstraliyada partiyanın və ya partiyalar koalisiyasının seçkilərdə qələbəsi üçün parlamentin aşağı palatasındakı 151 yerdən 76-sını qazanmaq lazımdır. Bu nəticə həmin partiyanın liderinə Baş nazir vəzifəsini tutmaq və öz fraksiyasından olan deputatlarla hökuməti formalaşdırmaq imkanı yaradır. AEC-in məlumatına görə, bütün səslərin hesablanmasından sonra hakim LMK çox güman ki, lazım olan miqdarda mandat əldə edərək hökuməti formalaşdıracaq. Bundan sonra isə həyata keçirməyə başladığı proqramları – miqrasiya proqramının müasirləşdirilməsi, əhalinin daha az gəliri olan hissəsinin vergi yükünün azaldılması, qitənin yol infrastrukturunun inkişafı və digər layihələri davam etdirəcək.
Ekspertlərin rəyinə görə, səsvermənin nəticələrini hakim koalisiyanın, xüsusən də Baş nazir Skott Morrisonun uğuru hesab etmək olar. Məhz bir ildən az müddətdə hakimiyyətdə olan S.Morrison fövqəladə dərəcədə fəal seçki kampaniyası apararaq, seçiciləri səslərini onun partiyasına verməyə inandıra bilib.
LMK-nin əsas rəqibi hesab edilən, ölkənin böyüklüyünə görə ikinci partiyası olan Leyboristlər Partiyasının seçki kampaniyası isə uğursuz alınıb. Ekzitpolların müxalifətin qalib gələcəyi barədə verdiyi proqnozlara baxmayaraq, onlar müxalifətdə qalıblar. Bu partiyanın lideri Bil Şorten isə partiyasının seçkilərdə məğlubiyyətini etiraf edərək, səsvermənin nəticələrinin rəsmən elan edilməsindən sonra sədr vəzifəsindən istefa verəcəyini bildirib.




 
Bölməyə aid digər xəbərlər
16.06.2019
ABŞ İrana qarşı müqavimət göstərmək üçün bütün variantları nəzərdən keçirir
16.06.2019
Fransada “sarı jiletlilər” nümayişlərinin 31-ci həftəsi
16.06.2019
Türkiyə Silahlı Qüvvələri 77 PKK terrorçusunu zərərsizləşdirib
16.06.2019
Almaniya 2019-cu ildə Misir və BƏƏ-yə 1 milyard avro dəyərində silah satıb
16.06.2019
Pompeo İranı ittiham edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info