CASCFEN Yevlaxda ifadə azadlığı ilə bağlı konfrans keçirib
Tarix: 05.08.2013 | Saat: 22:25:00 | E-mail | Çapa göndər


Yevlax şəhərində Orta Asiya və Güney Qafqaz Söz Azadlığı Şəbəkəsinin (CASCFEN) Prezident yanında Qeyri-Hökumət Təşkilatlarına Dövlət Dəstəyi Şurasının ayırdığı maliyyəsi ilə gerçəkləşdirdiyi “Söz azadlığı mədəniyyətinin təbliği” layihəsi çərçivəsində konfrans
keçirilib.

Konfransı giriş sözü ilə açan layihənin koordinatoru, CASCFEN sədrinin müavini Nadir Azəri bildirib ki, tədbirdə Yevlax şəhər İcra Hakimiyyətinin, müxtəlif dövlət qurumların təmsiçiləri, şəhərin fəal gəncləri və KİV nümayəndələri iştirak edir. Konfransda çıxış edən CASCFEN sədri, Mətbuat Şurası İdarə Heyətinin üzvü Azər Həsrət isə öncə təşkilat haqqında danışıb. O, Azərbaycanda söz və ifadə azadlığı ilə bağlı dünya standartlarına cavab verən qanunvericilik bazasının olduğunu bildirib, bu istiqamətdə dövlət tərəfindən görülən işlərdən söz açıb. Azər Həsrət fürsətdən istifadə edərək yaradılmış şəraitə görə, Yevlax Şəhər İcra Hakimiyyətinə təşəkkür edib. Layihə barədə konfrans iştirakçılarına geniş məlumat verən CASCFEN sədri bu istiqamətdə Tərtərdə və Yevlaxda tədbirlərin təşkilini regionlarımızda da KİV-in, söz azadlığının inkişafına böyük diqqətin verilməsinin təzahürü kimi dəyərləndirib. Yevlax Şəhər İcra Hakimiyyətinin İnformasiya təminatı və təhlili sektorunun müdiri Ramin Qələndərov qonaqları salamlayıb, Prezidentin tapşırıq və tövsiyələri əsasında rayonda görülən quruculuq-abadlıq işlərindən, söz və mətbuat azadlığının vəziyyətindən danışıb. O qeyd edib ki, CASCFEN tərəfindən həyata keçirilən layihə region üçün əhəmiyyətlidir. Sonra Azər Həsrət CASCFEN-in Yevlax üzrə təmsilçisi Zülfiyyə Əliqızına qurumun işindəki fəallığına görə təşkilatın diplomunu təqdim edib. Bundan başqa, CASCFEN-in 100-cü üzvü olduğu üçün təşkilatın fəalı Türkan Fikrətqızına xatirə diplomu təqdim edilib. Çıxışlardan sonra söz əsas məruzəçilərə verilib. CASCFEN İdarə Heyətinin üzvü, «Kaspi» qəzetinin müxbiri Lalə Musaqızı söz və ifdadə azadlığı, bunun ayrı-ayrı ölkələrdə necə həyata keçirilməsi və ölkəmizdə bununla bağlı atılan addımlar haqqında ətraflı məlumat verib. Təqdimatla müşayiət olunan çıxışında məruzəçi onu da bildirib ki, bəzən insanlar söz və ifadə azadlığını anarxiya kimi başa düşürlər. Bu isə yolverilməzdir. CASCFEN İdarə Heyətinin üzvü, Bakı Slavyan Universitetinin müəllimi Nüşabə Hüseynli isə sosial şəbəkələrdə cərəyan edən proseslər barədə geniş bəhs edib. O, sosial şəbəkələrdə yaradılan qruplar və paylaşılan informasiyalar zamanı əməl edilməsi vacib olan məqamlara toxunub, konfrans iştirakçılarına bununla bağlı tövsiyələrini çatdırıb. Konfransda yerli “Kür” qəzetinin, həmçinin Yevlaxda fəaliyyət göstərən El TV-nin nümayəndələri də iştirak edib. Tədbir zamanı iştirakçılara CASCFEN-in eyni adlı layihə çərçivəsində çapdan çıxmış “İfadə azadlığı: fikir və söz azadlığı” adlı kitabı paylanıb, mövzuyla bağlı ətraflı müzakirələr aparılıb.
Anar




 
Bölməyə aid digər xəbərlər
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info