Fabreqas azərbaycanlı bərbəri Fransaya dəvət edib
Tarix: 31.05.2019 | Saat: 15:11:00 | E-mail | Çapa göndər


Dedi, istəsən bilet alım sənə, gəl saçımı düzəlt qayıt. Ya da ki, gəl Fransada mən sənə salon, şərait qurum, qal işlə

"Çelsi" və "Arsenal" komandalarınin üz-üzə gəldiyi Avropa Liqasının final görüşü Bakıda keçirildiyi üçün ölkəmizə futbol camiəsinin bir çox ulduzları təşrif buyurub.
"Çelsi"nin sabiq futbolçusu Sesk Fabreqas haqda maraqlı məlumat aldım. Onun "Abşeron" Hoteldə çalışan saç ustasına Fransada iş təklif etdiyini öyrəndim.
Məsələni araşdırmaq üçün həmin bərbər, yəni İkram Yəhyayev ilə əlaqə saxladım.

- İkram bəy, eşitdiyimə görə, "Monako"nun futbolçusu Sesk Fabreqasın saç düzümünü siz düzəltmisiniz və çox bəyənib...

- Fabreqas mənim işlədiyim "Abşeron" Hoteldə qalırdı. Dünən gəldi yanıma. Saat 11:45 üçün yer saxlamışdıq. Saçını düzəltdim getdi. Təxminən 2 saat sonra zəng etdi ki, bəs SPA-da olduğu üçün saç düzümü dağılıb və yenidən həmin ustanın yanına gəlmək istəyirəm. Saçını "ukladka" etdim. Çox bəyəndi. Səhv eləmirəmsə, dostu Falkaonu da dəvət etmək istədi. Sadəcə, dünən gəlməyi alınmadı deyə, hər halda, bu gün gələcək.

- Fabreqasın sizə Fransada iş təklif etdiyi doğrudur?

- Bəli. Şərait xoşuma gəlsə gedərəm.

- Sizə nə dedi? Şəxsi ustası kimi işləməyi, yoxsa Fransada gəlib hər hansısa bir salonda işləməyinizi, özünün də müştəri olacağını dedi?

- Sözün açığı, o, mənə iş təklif etdi. Dedi, istəsən bilet alım sənə, gəl saçımı düzəlt qayıt. Ya da ki, gəl Fransada mən sənə salon, şərait qurum, qal işlə.

- Bəs nə fikirləşirsiniz?

- Mövzunun nə dərəcədə real olduğunu bilmirəm. Çünki belə təkliflər edən çox olub. İstər futbolçu, istər müştəri. Hotelin ərəb qonaqlarından da onlarla birgə getməyimi istəyənlər olub, "Orada salon açaq, işlə" kimi təkliflər almışam. Fabreqasın təklifinin də ciddiliyi görsəm və yenidən təklif etsə, gedərəm.

- Bəs yerli futbolçulardan yanınıza gələn olur?

- Bəli. "Qarabağ"ın futbolçularının da saçını düzəltmişəm. Abdullah Zubir, Con Delarj, Mahir Mədətovun da saçını düzəltmişəm.

Röya Kərimli
Sport7.az




 
Bölməyə aid digər xəbərlər
16.09.2020
“Azərbaycan öz məmləkətimizdir“
16.09.2020
Sığorta bazarını necə inkişaf etdirmək olar?
14.09.2020
Səfir: Malayziya Azərbaycanla bütün mümkün birgə layihələri alqışlayır
07.09.2020
“İzmirdə Azərbaycan həqiqətlərini mümkün olduğu qədər yaymağa çalışırıq“
07.09.2020
İranlı türk rejissor: “İranda türk dilində çəkilən filmlərə baxan çox azdır”

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır
2 Jurnalistlər üçün onlayn formatda üçüncü təlim keçirilib
3 Prezident İlham Əliyev: Biz daxili tələbatı nə qədər mümkünsə, yerli məhsullar hesabına təmin etməliyik
4 “Yanar dağ” qoruğu Dövlət Turizm Agentliyinin tabeliyinə verilib
5 “Xınalıq”, “Keşikçidağ”, “Atəşgah məbədi” Dövlət Turizm Agentliyinin tabeliyinə keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info