Azərbaycan Parisdə UNESCO-nun sessiyasında təmsil olunur
Tarix: 06.06.2019 | Saat: 16:19:00 | E-mail | Çapa göndər


Parisdə UNESCO-nun baş qərargahında “Mədəni özünüifadə müxtəlifliyinin qorunması və təşviqi haqqında” Konvensiyanın Tərəflərinin Konfransının 7-ci sessiyası işə başlayıb.
Mədəniyyət Nazirliyindən Trend-ə verilən məlumata görə, sessiyanın açılışında Konfransın sədri (Burkina-Faso), 4 sədr müavinləri (Almaniya, Serbiya, Salvador, Fələstin) və məruzəçi (Kamboca) seçilib.
Azərbaycan Respublikasının nümayəndə heyətinin rəhbəri Mədəniyyət nazirinin müavini Sevda Məmmədəliyeva Konvensiyanın tətbiqi üzrə ümumi debatlarda çıxış edərək, UNESCO-nun dünyada sülhün təşviqində rolu məsələsinə toxunub, multikulturalizm mərkəzi olan Azərbaycanın mədəni özünüifadə müxtəlifliyi sahəsində uğurla gördüyü işlərdən danışıb.
1992-ci ildən UNESCO-nun üzvü olan ölkəmizin bu təşkilatın fəaliyyət dairəsinə aid bütün sahələrdə geniş əməkdaşlıq əlaqələri qurduğuna toxunan S.Məmmədəliyeva müxtəlif mədəniyyətlərin və dinlərin mehriban birgəyaşayışını və harmoniyanı formalaşdıran Azərbaycan modelindən söz açıb. Ölkəmizdə yaşayan 15-dən çox etnik qrupun nümayəndələrinin mədəni dəyərlərini yaratmaq və istifadə etmək hüququnun Konstitusiya ilə təmin olunduğu xüsusi vurğulanıb. Ölkəmizin sosial həmrəyliyə töhfə verən əsas amillərdən olan “fərqlilikdə birlik” ideyasının tətbiq edilməsinin nadir nümunəsi olduğu vurğulanıb.
Eyni zamanda, ölkəmizdə fəaliyyət göstərən katolik, pravoslav kilsələrdən, sinaqoqlardan, müxtəlif etnik azlıqların dilində tamaşalar qoyan teatrlardan, televiziyada yayımlanan verilişlərdən, keçirilən mədəni tədbirlərdən də danışılıb.
2013-cü ildə Azərbaycan və UNESCO arasında imzalanmış əməkdaşlıq haqqında çərçivə sazişinə toxunan nazir müavini, Azərbaycan-UNESCO Etimad Fondu tərəfindən Afrikada təhsil, mədəniyyətlərarası dialoq, elm, innovasiya sahələrində həyata keçirilən layihələr haqqında məlumat verib.
S.Məmmədəliyeva sessiya çərçivəsində Banqladeş və Burkina Fasonun mədəniyyət nazirləri ilə görüşüb. Görüşlərdə ölkələrimiz arasında mədəni əməkdaşlıq məsələləri müzakirə olunub. Nümayəndə heyətimizin rəhbəri italiyalı ekspert Pietro Laureano ilə mədəni irsin qorunması sahəsində də fikir mübadiləsi aparıb.
İyunun 7-dək davam edəcək sessiya çərçivəsində mədəni sahibkarlığın gücləndirilməsi, sənət adamlarının statusuna yenidən baxılması, ticarət axınlarının balanslaşdırılması kimi mövzular ətrafında müzakirələr aparılacaq. Sessiyanın sonunda 2019–2023-cü illər üçün “Mədəni özünüifadə müxtəlifliyinin qorunması və təşviqi haqqında” Konvensiyanın Hökumətlərarası Komitəsinə seçkilər keçiriləcək.
Qeyd edək ki, Azərbaycan Şərqi Avropa qrupundan öz namizədliyini bu Komitəyə irəli sürüb.
Trend-in ən mühüm və maraqlı xəbərlərini "Telegram"da izləyin




 
Bölməyə aid digər xəbərlər
18.10.2019
Avropadakı diaspor təşkilatları Vətənimizə qarşı təxribatçı çağırışlara etiraz edir
18.10.2019
Heydər Əliyev Fondu ilə UNİSEF arasında Anlaşma Memorandumu imzalanıb
18.10.2019
Avropada icazəsiz aksiya təşkilatçılarını və iştirakçılarını pul cəriməsi və həbs gözləyir
18.10.2019
Yenilənmiş Azərbaycana yeni müxalifət lazımdır: radikal və dağıdıcı müxalifətdən qurtuluşun zamanı yetişib
18.10.2019
Minsk Qrupu ermənilərə təsir etməlidir ki, qanunsuz, cinayətkar fəaliyyətlərinə son qoysunlar

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info