“İranla birbaşa görüş keçirməyə və dialoqa hazırıq”
Tarix: 07.08.2013 | Saat: 22:27:00 | E-mail | Çapa göndər


“ABŞ İranla birbaşa görüş keçirməyə və dialoqa başlamağa
hazırdır”.

İRNA”nın məlumatına görə, bunu ABŞ Dövlət Departamentinin sözçüsünün müavini Mariya Harf bildirib. Onun sözlərinə görə, İranda yeni hökumətin iqtidara gəlməsi bu ölkənin nüvə məsələsi ilə bağlı anlaşılmazlıqlarının aradan qaldırılması üçün bir fürsətdir: “İran ciddi olaraq ABŞ-la görüş keçirməyə hazır olduğu zaman belə bir addım atacağıq”. Fransanın xarici işlər naziri Loran Fabius isə bildirib ki, İran prezidenti Həsən Ruhaninin andiçmə mərasimindən sonra Fransa ilə İran arasında yeni münasibətlərin yaranacağına ümid edir. Fransalı nazir bəyanatında bildirib ki, Fransa İranın yeni prezidenti Ruhaninin andiçmə mərasimini yeni münasibətlərin başlanğıcı kimi görməyi arzu edir. Fransalı diplomat İran səfiri Əli Əhani ilə Parisdə keçirilən görüşü zamanı bildirib ki, İranda keçirilən prezident seçkiləri İran xalqının dəyişikliklərə əzmli olduğunu nümayiş etdirib. Fabius Fransanın İranın yeni hökuməti ilə işləməyə hazır olduğunu vurğulayıb və Tehranı nüvə proqramına dair beynəlxalq narahatlıqlara cavab olaraq konkret tədbirlər görməyə çağırıb. Avropa Birliyinin Xarici işlər və təhlükəsizlik siyasəti üzrə ali nümayəndəsi Ketrin Eşton İranın yeni prezidentinə məktub yazıb. K.Eşton məktubunda H.Ruhanini İran prezidenti seçilməsi münasibətilə təbrik edib, İranla “altılıq” ölkələri arasında nüvə müzakirələrinin tezliklə başlayacağına ümidvar olduğunu bildirib: “Mən sizə bu məktubu yazmaqla bildirmək istəyirəm ki, İranın nüvə məsələsinin həlli yolunun tezliklə tapılması üçün rəsmi Tehranla “altılıq” ölkələri arasında danışıqları davam etdirməyə hazır olmalıyıq. Biz ən qısa zamanda sizin vasitəçiliyinizlə yaxşı müzakirələr keçirəcəyimizin mümkün olacağını planlaşdırırıq”.




 
Bölməyə aid digər xəbərlər
21.07.2019
ABŞ-ın dövlət katibi Türkiyəyə “S-400“ sazişindən məyusluğunu bildirib
20.07.2019
İstanbulda keçirilən əməliyyat zamanı 217 cinayətkar saxlanılıb
20.07.2019
ABŞ-da isti hava altı nəfərin ölümünə səbəb olub
20.07.2019
23 avqustda İran enerji birjasında neft satacaq
20.07.2019
Ərbildə türkiyəli diplomatı qətlə yetirən terrorçu dəstənin başçısı tutulub

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info