Dağlıq Qarabağın azərbaycanlı icması erməni “nazir“in açıqlamalarına cavab verdi
Tarix: 08.06.2019 | Saat: 11:50:00 | E-mail | Çapa göndər


Azərbaycan Respublikası Dağlıq Qarabağ bölgəsinin azərbaycanlı icması İctimai Birliyinin rəhbəri Tural Gəncəliyev Azərbaycanın işğal olunmuş ərazilərində yaradılmış qondarma rejimin “xarici işlər nazirliyinin” şərhi ilə bağlı bəyanat verib
Birlikdən Trend-ə daxil olan bəyanatda bildirilir ki, Azərbaycanın işğal olunmuş ərazilərində yaradılmış qondarma qurumun “xarici işlər nazirliyi” ermənilərə qarşı ölkəmizdə guya ksenofobiya aşılanması və dünya erməniliyinin düşmən kimi təqdim edilməsi ilə bağlı yenidən cəfəng və əsassız iddialar irəli sürüb:
"Qondarma rejim UEFA Avropa Liqasının Bakıda keçirilən final oyununa toxunaraq, Arsenal klubunun erməni futbolçusu Mxitaryan və erməni azarkeşlərin Bakıya gələ bilməməsini bu məsələ ilə əlaqələndirməyə cəhd edib.
Avropanın əsas futbol qurumu olan UEFA-nın prinsiplərinə zidd olaraq mötəbər idman yarışını siyasiləşdirməklə, qarşı tərəf yenidən özünü ifşa etdi.
Erməni və ya erməni əsilli idmançılar Azərbaycanda keçirilən mötəbər idman yarışlarında dəfələrlə iştirak etmişdir. Hətta, erməni parlamentarilər və digər erməni nümayəndə heyətləri ölkəmizə səfərlər etmiş və heç bir problemlə üzləşməmişdir.
Ermənistan anlamır ki, problemin kökündə duran əsas məsələ onun Azərbaycana qarşı davam etdirdiyi hərbi işğal və təcavüz siyasətidir. Ermənistan-Azərbaycan münaqişəsinin ən böyük soyqırımını törədən, yüzlərlə dinc sakini, qadın, uşaq və qocaları qətl edən Ermənistan tərəfi törətdiyi dəhşətləri unudaraq, futbol yarışı ətrafında ucuz şou düzəltməklə ifşa olunduğunu anlamırmı?! Azərbaycanlı dinc əhaliyə qarşı Xocalı soyqırımını törədən Ermənistan hansı əsasla ölkəmizi ermənilərə qarşı ksenofobiya aşılamaqda ittiham edir?
Ermənistanın həyata keçirdiyi hərbi təcavüz nəticəsində bilavasitə irqi ayrıseçkilik, etnik təmizləmə və diskriminasiya qurbanı olaraq qondarma qurumun diqqətinə çatdırıram ki, Azərbaycanda guya ermənilərə qarşı ksenofobiya aşılanmasını iddia etməzdən öncə, qarşı tərəf mono-etnik Ermənistan ilə müxtəlif etnik azlıqların, o cümlədən on minlərlə erməninin azad və firəvan şəkildə yaşadığı ölkəmiz arasında olan fərqi düzgün dərk etməyə çalışsın. Bunu görmək üçün “silahlanmış gözə” malik olmağa ehtiyac yoxdur, sadə statistik rəqəmləri və digər göstəriciləri müqayisə etmək kifayət edər".
İcma sədri bildirib ki, azərbaycanlılara qarşı ksenofobiya və etnik nifrət dövlət səviyyəsində məhz Ermənistanda təbliğ olunur və bunun nəticəsidir ki, azərbaycanlılar 30 ilə yaxındır ki, etnik təmizləməyə məruz qaldıqları torpaqlarına qayıda bilmir:
"Qondarma rejim Azərbaycanın Dağlıq Qarabağ bölgəsinin erməni icmasını da əsarət altında saxlamaqda davam edir. Onlar anlamalıdır ki, bölgənin, ilk növbədə Ermənistanın gələcək inkişafı işğalçılıq siyasətinə son qoyulması, beynəlxalq hüququn fundamental prinsiplərinə hörmətlə yanaşılmasıdan asılıdır.
Beynəlxalq ictimaiyyət Azərbaycana qarşı güc tətbiqi, etnik təmizləmə, ümumiyyətlə işğaldan irəli gələn nəticələrin legitimliyini heç vaxt tanımayacaq. Bu mövqe sonuncu dəfə öz ifadəsini Fransanın Serji-Pontuaz şəhər məhkəməsinin qərarında tapmışdır. Sözügedən məhkəmə bu ölkənin Arnuvil şəhəri ilə Azərbaycanın işğal olunmuş Xocavənd rayonunun inzibati bölgələrindən biri arasında imzalanmış “saziş”in ləğvinə dair qərar verərək, onun qanunsuz olduğunu, hüquqi qüvvəyə malik olmadığını və Fransanın beynəlxalq öhdəliklərinə ziddiyyət təşkil etdiyini bildirmişdir.
Bir daha bəyan edirəm ki, münaqişənin yeganə həlli yolu – Ermənistanın işğalçı qoşunlarının torpaqlarımızdan çıxarılması, oradan qovulmuş azərbaycanlıların geri dönməsi, ölkəmizin beynəlxalq səviyyədə tanınmış sərhədləri çərçivəsində Azərbaycanın Dağlıq Qarabağ bölgəsinin hər iki icmasının birlikdə sülh şəraitində yaşaması ilə mümkündür".




 
Bölməyə aid digər xəbərlər
26.06.2019
Avropa Şurasının yeni Baş katibi seçilib
26.06.2019
Strasburqda Azərbaycanda aparılan islahatlara həsr olunmuş tədbir keçirilib
26.06.2019
NATO-nun mənzil qərargahında Azərbaycan Silahlı Qüvvələri Günü qeyd edilib
26.06.2019
Azərbaycan Ordusunun zabiti beynəlxalq forumda sertifikata layiq görülüb
25.06.2019
Azərbaycanlı deputat AŞ PA-nı Ermənistana qarşı sərt addımlar atmağa çağırıb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10817

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


27.06 01:11 Psixi sağlamlıq uğrunda mübarizə ortaq məsuliyyətimizdir. Vətəndaş cəmiyyətini müdafiə edəcək, insan hüquqlarının universallığı və qanunu uğrunda mübarizə aparacaq güclü bir Avropaya ehtiyacımız var. Psixi xəstələrin adekvat müalicəsi təmin olunmalıdır. Azərbaycanda insan hüquqlarına əsaslanan yanaşmanın təmin edilməsi üçün əlimizdən gələni edirik. Məqsədimiz irəliyə doğru getmək, hüquqlara riayət edilməsini təmin etməkdir. AZƏRTAC xəbər verir ki, bu fikirləri “Psixi sağlamlıqla bağlı məcburiyyətlərə son qoymaq: insan hüquqlarına əsaslanan yanaşmaya zərurət” adlı məruzənin müzakirələri zamanı AŞPA-dakı nümayəndə heyətimizin üzvü Naqif Həmzəyev deyib. O, Birləşmiş Millətlər Təşkilatının (BMT) Əlillərin hüquqlarının müdafiəsi üzrə Konvensiyasına uyğun olaraq psixi xəstələrin hüquqlarına riayət edilməsi zərurətinə toxunub. Dinindən, sosial vəziyyətindən asılı olmayaraq hər kəsin bərabər olduğunu qeyd edib. Buna görə də hər bir insanın, uşaq və qadınların bərabərliyi üçün mübarizə aparmağın vacibliyini söyləyib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info