Yeni arxeoloji materiallar aşkarlanıb
Tarix: 07.08.2013 | Saat: 23:22:00 | E-mail | Çapa göndər


Ağdam rayonunun Eyvazlı kəndi yaxınlığındakı İsmayılbəy təpəsində - Neolit-Eneolit dövrü yaşayış məskənində arxeoloji qazıntı zamanı yeni tarixi materiallar aşkarlanıb. AMEA-nın Arxeologiya və Etnoqrafiya İnstitutunun Qarabağ neolit-eneolit ekspedisiyasının rəisi, tarix üzrə fəlsəfə doktoru Xəqani Alməmmədov bildirib ki, qazıntı zamanı bizim eradan əvvəl V minilliyin birinci yarısına aid mədəni təbəqə - 9 tikinti qalığı, 1 kiçik gil heykəl, 100-dən çox böyük həcmli sapand daşı, sümükdən bizlər, 3 ədəd böyük saxsı qab aşkar edilib.
Dairəvi və düzbucaqlı formada olan tikililərin əksəriyyəti öz orijinal formasını saxlayıb. Düzbucaqlı formada olan 2 tikili divarının qalınlığı 1-1,5 metr, hündürlüyü 2-2,5 metr, hər birinin sahəsi 100 kvadratmetrdir. Dairəvi formada olan digər tikili qalığının hündürlüyü 1,7 metr, diametri 5,4 metrdir.
Qarabağ Neolit-Eneolit ekspedisiyası Qarabağ düzündə yerləşən Qafqazın ən qədim erkən oturaq əkinçi maldar tayfalarına məxsus yaşayış məskənlərinin öyrənilməsi məqsədilə 2010-cu ildə yaradılıb. 2012-ci ildə Prezident yanında Elmin İnkişafı Fondunun ayırdığı qrant əsasında Qarabağ düzündə yerləşən müxtəlif dövr arxeoloji abidələrin elektron qeydiyyatına və xəritələşdirilməsinə başlanılıb. Qafqazın ən qədim erkən əkinçi maldar tayfalarına məxsus yaşayış yerlərindən olan İsmayılbəy təpə yaşayış yerində Qarabağ Neolit-Eneolit ekspedisiyası tərəfindən qazıntılara 2012-ci ildən başlanılıb. Həmin il 200 kvadratmetr sahədə aparılmış qazıntı zamanı 8 tikili qalığı, 1 qəbir, 1 böyük həcmli gil qazan aşkar edilib. Bu yaşayış məskənində aparılan arxeoloji ekspedisiyalar həm qədim tariximizin öyrənilməsi, həm də Qarabağın tarixini saxtalaşdırmağa çalışan ermənilərə cavab baxımından mühüm əhəmiyyətə malikdir. Ümumilikdə, 1,5 hektar sahəni əhatə edən İsmayılbəy təpə Neolit-Eneolit dövrü yaşayış məskənində arxeoloji qazıntılar sentyabrın ortalarınadək davam edəcək.




 
Bölməyə aid digər xəbərlər
22.04.2019
“Jest dili üzrə tərcümə olimpiadası”na start verilib
22.04.2019
Masallıda “Erkən nikahların qarşısı alınmalıdır” mövzusunda tədbir keçirilib
22.04.2019
Astara rayonunda “Psixi sağlamlığımızı qoruyaq” adlı tədbir keçirilib
22.04.2019
Qazaxda inşa olunan elektrod zavodu istehsala hazırdır
20.04.2019
Salyanda Nəsiminin 650 illik yubileyi qeyd edilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info