İyunun 15-i xalqımızın bəlalardan qurtuluşunun carçısıdır
Tarix: 15.06.2019 | Saat: 08:57:00 | E-mail | Çapa göndər



Uzaqgörən siyasətçi, dahi lider, görkəmli dövlət xadimi Heydər Əliyev... Kiçikdən-böyüyə hər kəsin sevgisini qazanmış fenomen şəxsiyyət... Onun həyat fəaliyyətinə dair cildlərlə kitablar yazılsa da, nə qədər danışılsa da yetərli olmaz.
Bütün ömrünü xalqına, vətəninə həsr edən ümummilli lider Heydər Əliyevin tək amalı Azərbaycanın tərəqqisi, xalqın xoşbəxt, firavan yaşaması idi. Ulu Öndər qarşısına çıxan bütün çətinlikləri qətiyyətlə dəf edərək məqsədinə nail oldu. Müasir, müstəqil və gündən-günə inkişaf edən Azərbaycanın parlaq gələcəyinin başlanğıcı məhz 1993-cü il iyunun 15-də qoyuldu. Həmin gün xalqımızın bəlalardan qurtuluşunun carçısıdır. Tariximizə də məhz Milli Qurtuluş Günü kimi həkk olundu.
Hərc-mərcliyin, özbaşınalığın hökm sürdüyü, iqtisadi, siyasi, sosial cəhətdən acınacaqlı vəziyyətdə olan Azərbaycanı yeganə olaraq Heydər Əliyev xilas edə bilərdi. Zəngin dövlətçilik təcrübəsi olan dahi şəxsiyyətin atdığı hər addım, apardığı hər islahat qısa zamanda öz bəhrəsini verdi. Azərbaycan səmasından qara buludlar çəkildi və günəşli günlər başladı.
Bu fikri AZƏRTAC-a müsahibəsində Azərbaycan Tibb Universitetinin daxili xəstəliklər kafedrasının assistenti, tibb üzrə fəlsəfə doktoru, həkim-terapevt Avtandil Verdiyev söyləyib.
“Ulu Öndər xalqın sağlamlıq məsələlərinə daim həssaslıqla yanaşıb. Heydər Əliyev səhiyyə sisteminin inkişafı ilə bağlı tədbirlərin həyata keçirilməsinə mövcud tibbi obyektlərin abadlaşdırılması, yeni səhiyyə müəssisələrinin yaradılması, əhalinin kütləvi dispanser qeydiyyatına alınması və sahə həkimlərinin işinin fəallaşdırılması məsələlərindən başlayıb. Uzaqgörən siyasətçi ölkəmizdə sağlamlıq zonaları və istirahət evlərinin yaradılmasına, abadlaşdırma işlərinin aparılmasına, mövcud səhiyyə ocaqlarının profilinin genişləndirilməsinə daim ciddi əhəmiyyət verirdi. Onun hakimiyyəti illərində ölkəmizdə səhiyyənin qanunvericilik bazası gücləndirildi, müvafiq sahəyə dair bir sıra qanunlar qəbul edildi. Bununla yanaşı, Azərbaycan ərazisində QİÇS və vərəm xəstəliklərinin yayılmasının qarşısını almaq üçün milli proqramlar hazırlandı. Ona görə də ölkəmizdə səhiyyənin inkişafı və əhalinin sağlamlığının qorunması sahəsində mühüm nailiyyətlər əldə etmək mümkün oldu.
Bu gün ulu öndər Heydər Əliyevin siyasi kursunun Prezident İlham Əliyev tərəfindən sədaqətlə davam etdirilməsi digər sahələr kimi səhiyyə sistemində də uğurlara yeni vüsət verib. Ölkəmizdə səhiyyə ocaqlarının maddi-texniki bazası daha da möhkəmləndirilir, yeni xəstəxanalar tikilir, köhnələri təmir olunur. Tibb müəssisələri müasir avadanlıqlarla təchiz edilir. Həkimlərin biliklərinin təkmilləşdirilməsi, kadr hazırlığı da unudulmur.
Artıq bu gün Azərbaycan səhiyyəsi sürətli inkişaf dövrünü yaşayır. Ölkəmizdə əvvəllər əlacı olmayan bir sıra xəstəliklər müalicə edilir, mürəkkəb əməliyyatlar icra olunur”, - deyə həkim-terapevt qeyd edib.




 
Bölməyə aid digər xəbərlər
21.02.2020
DTX Neftçala rayonunda vəzifəli şəxslərlə bağlı keçirilən əməliyyat barədə məlumat yayıb
21.02.2020
Azərbaycanda II Beynəlxalq “Kibertəhlükəsizlik həftəsi” keçiriləcək
21.02.2020
Səfərbərlik və Hərbi Xidmətə Çağırış üzrə Dövlət Xidmətinin rəisi İsrail səfiri ilə görüşüb
21.02.2020
Xocalı soyqırımının 28-ci ildönümü ilə əlaqədar Dənizli şəhərində silsilə tədbirlər keçiriləcək
21.02.2020
Bakı Şəhər İcra Hakimiyyətində Xocalı faciəsinin ildönümünə həsr olunan tədbir keçirilib

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info