Səfir: Azərbaycanın iştirakçısı olduğu enerji və nəqliyyat layihələri bütün region ölkələrinin inkişafına böyük töhvə verir
Tarix: 15.06.2019 | Saat: 10:59:00 | E-mail | Çapa göndər


ABŞ-da böyük nüfuza malik Con Batçelor Şou radio proqramı Azərbaycan Respublikasının ABŞ-dakı səfiri Elin Süleymanovdan müsahibə götürüb.
Trend-in məlumatına görə, jurnalist Con Batçelor Mərkəzi Asiyaya səfəri ərəfəsində Azərbaycanın bu region ölkələri üçün inkişaf modeli olmasına dair fikirlər səsləndirib.

Müsahibədə Azərbaycan və Mərkəzi Asiya ölkələrinin ortaq tarixə və mədəniyyətə malik olmasına toxunan səfir E.Süleymanov regionun ümumi inkişafı üçün birgə əməkdaşlığın vacibliyini vurğulayıb. Ölkəmizin iştirakçısı olduğu enerji və nəqliyyat layihələrinin bütün region ölkələrinin inkişafına böyük töhvə verdiyini qeyd edib. Azərbaycanda innovasiyalara imza atmış ASAN Xidmətin artıq Əfqanıstan və Mərkəzi Asiya ölkələrində tətbiqinə başlanılmasının bu təcrübənin səmərəli olmasından xəbər verdiyini və ölkələr arasında bu və digər istiqamətlərdə təcrübə mübadiləsinin əhəmiyyətindən danışıb.
Ramsfeld Fondunun Mərkəzi Asiya və Cənubi Qafqaz Qrupunun (CAMCA) növbəti illik iclasının Özbəkistanda keçiriləcəyinə toxunan səfir bu təsisatın ölkələrin dövlət və özəl sektorları arasında əməkdaşlığın inkişafına vurğu etməsi və iştirakçı tərəflərin faydalanmasından bəhs edib.
Daha sonra diqqəti ölkəmizə yönəldən C.Batçelor Azərbaycanın Ermənistanla uzun müddətdir ki münaqişədən əziyyət çəkməsini xatırladıb, 31 may tarixində Ermənistan silahlı qüvvələri tərəfindən Azərbaycan ordusunun mayoru Adil Ömərovun snayper ilə qətlə yetirilməsinə diqqət çəkib.
Səfir münaqişə tərəfinin kim olmasından asılı olmayaraq, insan ölümünün faciəvi bir hal olduğunu, qətlə yetirilmiş mayorun ailəsi kimi, bütün Azərbaycan xalqının bu itkidən kədərləndiyini bildirib, Ermənistan tərəfinin bu kimi hallara son qoymalı olduğunu vurğulamyıb. Xüsusilə, son hadisələr fonunda - ATƏT-in Minsk Qrupunun həmsədrlərinin Azərbaycanda sülhün tezləşdirilməsi üçün danışıqlar apardığı zamanda Ermənistan tərəfindən belə bir addımın atılmasının qəbuledilməzliyini vurğulayıb.
Ermənistan tərəfinin sülh üçün ya hazır olmadığını, ya da bunu istəmədiyini qeyd edən səfir, Ermənistanın inkişafı və erməni xalqının rifahı üçün sülhün vacibliyi və cəmiyyətin buna hazır olması, etimad quruculuğu tədbirlərinin yaradılmasının əhəmiyyətini qeyd edib. Lakin son baş verən hadisənin Ermənistan tərəfinin tam əksinə fəaliyyət göstərdiyinə sübut olduğunu vurğulayıb, bu təxribatın davamlı olmayacağına ümidini ifadə edib.
Müsahibənin tam versiyası ilə BURADAN tanış olmaq mümkündür.




 
Bölməyə aid digər xəbərlər
23.02.2020
Prezident İlham Əliyevin İtaliyaya dövlət səfəri başa çatıb
23.02.2020
İranda korovavirus qurbanlarının sayı 5 nǝfǝrǝ çatıb
22.02.2020
Prezident Müqəddəs Taxt-Tacın dövlət katibi ilə görüşüb - YENİLƏNİB
22.02.2020
Prezident İlham Əliyev Vatikanda Papa Fransisk ilə görüşüb - YENİLƏNİB
22.02.2020
Neftçalanın sabiq icra başçısı və digərləri barəsində həbs qətimkan tədbiri seçilib

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info