Polis Akademiyasında Milli Qurtuluş Günü münasibətilə tədbir keçirilib
Tarix: 15.06.2019 | Saat: 17:31:00 | E-mail | Çapa göndər



Daxili İşlər Nazirliyinin Polis Akademiyasında Milli Qurtuluş Günü münasibətilə tədbir keçirilib.

DİN-dən AZƏRTAC-a bildiriblər ki, tədbir iştirakçıları əvvəlcə akademiyanın həyətində ümummilli lider Heydər Əliyevin xatirəsinə ucaldılmış abidənin önünə gül dəstələri qoyaraq əziz xatirəsini ehtiramla yad ediblər. Dövlət himninin səsləndirilməsi ilə başlayan tədbirdə daha sonra Ulu Öndərin zəngin həyat yolundan və fəaliyyətindən bəhs edən sənədli film nümayiş etdirilib.
Tədbirdə çıxış edən Polis Akademiyasının rəisi, polis general-mayoru Nazim Əliyev Ulu Öndərin Vətən və xalq qarşısındakı əvəzsiz xidmətlərindən danışaraq bildirib ki, ölkəmizin son 50 illik tarixi dahi siyasətçi, görkəmli dövlət xadimi Heydər Əliyevin adı ilə sıx bağlıdır. Ümummilli liderin dövlət müstəqilliyimizin möhkəmləndirilməsi sahəsində gördüyü işlərdən bəhs edən akademiyanın rəisi dahi rəhbərin bütün həyatını xalqının xilasına, tərəqqisinə və xoşbəxtliyinə həsr etdiyini bildirib.
Qeyd edilib ki, 1993-cü ilin yayında Azərbaycan parçalanmaq, vətəndaş müharibəsi təhlükəsi ilə üz-üzə qaldığı bir vaxtda Ulu Öndərin ali hakimiyyətə qayıdışı ölkəmizə sabitlik və təhlükəsizlik, eləcə də cəmiyyətimizə rifah gətirdi. 15 iyun - Milli Qurtuluş Günündən başlayan sürətli inkişaf yolu bu gün ölkə Prezidenti cənab İlham Əliyevin rəhbərliyi ilə uğurla davam etdirilir.
DİN-in Şəxsi Heyətlə İş İdarəsinin rəisi, polis polkovniki Rahib Qarayev müstəqilliyin formal olaraq bəyan edilməsindən sonra ölkəmizdə qanunçuluğun, hüquq qaydalarının, insan hüquq və azadlıqlarının qorunmasında ciddi problemlərin yarandığını, xüsusən 1992-ci ilin mayında AXC-Müsavat cütlüyünün hakimiyyəti silahlı yolla qəsb etməsindən sonra sonuncuların siyasi səriştəsizliyi, qətiyyətsizliyi nəticəsində Azərbaycan dövlətçiliyi üçün ciddi təhlükə yarandığını, bunun xaosa, etnik separatizmə, vətəndaş qarşıdurmasına gətirib çıxardığını xatırladıb, həmin dövrü xarakterizə edən, özünün də şahidi olduğu bir sıra neqativ faktlar, mənfi tendensiyalar barədə təəssüratlarını bölüşüb. O, Ulu Öndərin ali hakimiyyətə qayıdışından sonra ölkədə sabitliyin, əmin-amanlığın bərpası istiqamətində kompleks tədbirlərin həyata keçirildiyini, bütün sahələrdə əsaslı islahatlara başlanıldığını, ictimai-siyasi stabilliyin bərqərar olduğunu xüsusi vurğulayıb.
Daha sonra çıxış edənlər Ulu Öndərin ideyalarını uğurla həyata keçirən, onun layiqli davamçısı olan Prezident İlham Əliyevin respublikamızın davamlı inkişafı üçün gördüyü böyük quruculuq işlərindən, ölkəmizin beynəlxalq nüfuzunun yüksəlməsindən söz açıblar.




 
Bölməyə aid digər xəbərlər
21.07.2019
XV Avropa Gənclər Yay Olimpiya Festivalının təntənəli açılış mərasimi keçirilir
21.07.2019
İranda qum qasırğası 13 kəndin yolunu bağladı
21.07.2019
Hindistanda daşqınlar nəticəsində ölənlərin sayı 62-yə çatıb
21.07.2019
Birləşmiş Ərəb Əmirliklərində xurma festivalı keçirilir
21.07.2019
Siqaret kötükləri təbiəti məhv edir və bitkilərə ziyan vurur

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info