“Xəzər-Lənkəran” komandası Topaz Futbol Festivalının mini-futbol üzrə regional turnirinin qalibi olub
Tarix: 16.06.2019 | Saat: 20:14:00 | E-mail | Çapa göndər



İyunun 16-da Astara Olimpiya İdman Kompleksində “Topaz Futbol Festivalı-2019” çərçivəsində mini-futbol üzrə regional turnir keçirilib.
AZƏRTAC-ın bölgə müxbiri xəbər verir ki, regional turnirdə Astara, Lənkəran, Masallı və Lerik rayonlarını təmsil edən 8 komanda qələbə uğrunda mübarizə aparıb.

Turnirin açılış mərasimində çıxış edən “Cənub” Regional Futbol Federasiyasının prezidenti Sakin Məmmədzadə, Astara Rayon Gənclər və İdman İdarəsinin rəisi Ərçə Əliyev yarış iştirakçılarına qələbə sevincləri arzulayaraq, ölkəmizdə idmanın inkişafı sahəsində görülmüş işlərdən, idmançılarımızın beynəlxalq yarışlarda qazandığı uğurlardan danışıblar.
Diqqətə çatdırılıb ki, “Topaz Futbol Festivalı”nın keçirilməsində məqsəd Azərbaycanda futbolun inkişafına dəstək vermək, futbol həvəskarlarının asudə vaxtlarını səmərəli keçirmələrinə şərait yaratmaq, paytaxtla yanaşı, bölgələrdə də mini-futbolun kütləviliyini təmin etməkdir.
Gərgin idman mübarizəsi şəraitində keçən turnirin finalında “Xəzər-Lənkəran” və “Masallı” komandaları qarşılaşıblar.
Final görüşündə daha inamlı oyun nümayiş etdirən “Xəzər-Lənkəran” komandası rəqibinə 2:1 hesabı ilə qalib gələrək regional turnirin qalibi olub. Astaranın “Ərçivan” komandası isə turnirdə üçüncü yeri tutub.
Qaliblərə diplom, medal və hədiyyələr təqdim edilib.
Tədbir çərçivəsində, həmçinin məktəblilərin ifasında konsert və nümunəvi çıxışlar təqdim olunub.
İdmanın futbol növünə aid hərəkətləri ən yaxşı yerinə yetirən uşaq, yeniyetmə və gənclərə idman dəstləri, top və digər futbol ləvazimatları hədiyyə edilib.
Qeyd edək ki, “Topaz Futbol Festivalı-2019” çərçivəsində ölkəmizin 6 bölgəsini əhatə edən turnirin qalibləri iyulun 13-14-də Bakıda keçiriləcək final yarışlarında qarşılaşacaqlar.
Mini-futbol üzrə növbəti regional yarışlar iyunun 22-23-də Gəncə, iyunun 29-30-da Qaxda və iyulun 6-7-də isə Sumqayıtda keçiriləcək.




 
Bölməyə aid digər xəbərlər
23.02.2020
“Real“ uduzub, “Barselona“ yenidən liderliyə yüksəlib
23.02.2020
Azərbaycan taekvondoçuları 9 medal qazanıblar
22.02.2020
“Barselona”dan darmadağın - Messidən poker
22.02.2020
İngiltərə Premyer Liqası: “Çelsi” “Tottenhem”i məğlub edib
22.02.2020
Həmyerlimiz İsveçdə ən yaxşı taekvondo hakimi adına layiq görülüb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info