“Krasnoyarskda hər zaman öz birliyimizi qoruyub saxlamağa çalışırıq”
Tarix: 09.07.2019 | Saat: 18:45:00 | E-mail | Çapa göndər


Taleh Mahmudov: “Bu gün bütün diasporumuz ümummilli ideyamız, yəni azərbaycançılıq ideyası ətrafında cəmlənib”

Azərbaycan diaspor təşkilatları arasında azərbaycançılıq ideologiyasının necə inkişaf etməsi önəmli məsələdir. Müsahibimiz Krasnoyarsk Deputatlar Şurasının millət vəkili, Krasnoyarsk diyarı Azərbaycan Milli-Mədəni Muxtariyyətinin sədri Taleh Mahmudov bildirdi ki, Krasnoyarskda Azərbaycanla bağlı keçirilən bütün təbirləri məhz azərbaycançılıq ideyasına əsaslanır.

-Azərbaycançılq ideologiyası nə dərəcədə bütün dünyada yaşayan azərbaycanlıların, Azərbaycanla bağlılığı olan soydaşlarımızın və həmvətənlərimizin söykəndiyi milli birlik platformasına çevrilib?

- Azərbaycançılıq hər bir azərbaycanlının milli özünüdərkinə, milli müəyyənliyinə, özünü digər toplumlardan fərqləndirməsinə imkan verir. İdeologiya olaraq azərbaycançılıq mühüm funksional elementlərlə zəngindir və bunların da mahiyyəti ölkəni mənəvi və fiziki baxımdan zəiflətmək cəhdlərindən qorumaqdır. Azərbaycançılıq ideologiyası, eyni zamanda xaricdə yaşayan soydaşlarımızın hüquq və azadlıqlarının qorunması sahəsində Azərbaycan dövlətinin qarşısında duran vəzifələri müəyyənləşdirən konsepsiya kimi nəzərdə tutulur. Bu ideologiya dünya azərbaycanlılarının vahid ideya ətrafında birləşməsi üçün mayakdır. Milli diasporun birliyi yolunda azərbaycançılıq ideyası önəmli rol oynayır. Biz də Krasnoyarsk diasporu olaraq bu yolda uğurla addımlayırıq.
-Gördüyünüz işlərdə azərbaycançılığı neçə təbliğ edirsiz?
- Bu gün bütün diasporumuz ümummilli ideyamız, yəni azərbaycançılıq ideyası ətrafında cəmlənib. Məhz buna görə də Krasnoyarskda hər zaman öz birliyimizi qoruyub saxlamağa çalışırıq. Krasnoyarksda Azərbaycanla bağlı keçirilən bütün təbirlərimiz azərbaycançılıq ideyasına əsaslanır. Bu ideologiyanın başlıca mənbəyi və ilkin mərhələsi Azərbaycanda milli düşüncəli gənclər formalaşdırmaq, millət, vətən nədir anlatmaq, vətənin müdafiəsinə hər zaman hazır olmaq, lazım gələrsə canından keçmək öyrədilməlidir. Biz də burada böyüyən gənc azərbaycanlılara daimi olaraq bu ideyanı aşılayırıq.
- Diasporla İş üzrə Dövlət Komitəsinin sədri Fuad Muradov bildirib ki, Azərbaycana və azərbaycançılıq ideyalarına xidmət edən istənilən layihə fərdi və təşkilat səviyyəsində Azərbaycan Diasporuna Dəstək Fondu tərəfindən maliyyələşdiriləcək. Siz bu istiqamətdə nələri düşünürsüz?
- Diasporla İş üzrə Dövlət Komitəsinin tabeliyində Azərbaycan Diasporuna Dəstək Fondunun yaradılması müsbət haldır. İnanırıq ki, Fond Azərbaycan diaspor təşkilatlarının fəaliyyətinə dəstək vermək, onların maddi-texniki bazasını möhkəmləndirmək, milli-mənəvi dəyərlərimizi inkişaf etdirmək, azərbaycançılıq ideyasının təbliği baxımdan diasporumuza lazımi dəstək verəcək. Gələcəkdə azərbaycançılıqla bağlı keçiriləcək layihələrə Fondun dəstək göstərməsi diasporun ideoloji işini daha da gücləndirəcək. Bu baxımdan qarşıdakı illərdə Krasnoyarskdakı diaspor olaraq Azərbaycan Diasporuna Dəstək Fondu ilə əməkdaşlıq çərçivəsində layihələr icra etmək mümkündür.
Fuad Hüseynzadə




 
Bölməyə aid digər xəbərlər
18.09.2019
“Gələcəkdə yəhudilik və xristianlıqla bağlı kadrların yetişdirilməsi də nəzərdə tutulur”
17.09.2019
Samir Mustafayev: “İdmanla daha çox məşğul olduqca, ürəkdə olan kiçik kapilyarlar daha yaxşı inkişaf edir”
17.09.2019
Əhalisi 1 milyon olan şəhərdə ən azı 2 insult mərkəzi qurulmalıdır
16.09.2019
Azərbaycan aşiqi Mariya Suvorovskaya “Üzümlüyün yanındakı ev“ adlı yeni kitabını təqdim edəcək
13.09.2019
Prezident təqaüdçüsü Rəşad Azadlı: “Hədəf qoymuşdum ki, Bakı Ali Neft Məktəbinin tələbəsi olum”

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 В Великобритании перешли на систему образования СССР
3 Prezident Bakı Metropoliteninin “Xətai” stansiyasında görülən işlərlə tanış olub
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info