Yaponiya hökumətinin dəstəyi ilə Qaxın 2 kəndində su təchizatı layihəsi icra olunub
Tarix: 12.07.2019 | Saat: 19:35:00 | E-mail | Çapa göndər



Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində Qax rayonunda sayca 8-ci layihənin icrası başa çatıb. İyulun 12-də rayonun Güllük kəndində “Su təchizatı sisteminin tikintisi” layihəsinin başa çatması münasibətilə keçirilən tədbirdə Yaponiyanın ölkəmizdəki səfirliyinin birinci katibi, rayon rəhbərliyi, ictimaiyyət nümayəndələri və kənd sakinləri iştirak ediblər.

AZƏRTAC-ın bölgə müxbiri xəbər verir ki, tədbirdə Qax Rayon İcra Hakimiyyəti başçısının müavini Elbrus Tağıyev Yaponiyanın Azərbaycandakı səfirliyi ilə rayon icra hakimiyyəti arasında əməkdaşlığın 2003-cü ildən uğurla davam etdiyini bildirib. Diqqətə çatdırıb ki, qrant yardımı proqramı çərçivəsində Qax rayonunda indiyədək 8 layihə reallaşdırılıb. Bu layihələr məktəb və tibb məntəqələrinin tikintisi, tullantıların idarə olunması və su təchizatı sahələrini əhatə edib. O, əməkdaşlığın gələcəkdə də davam etdiriləcəyinə əminliyini bildirib.
Yaponiyanın ölkəmizdəki səfirliyinin birinci katibi Usui Takaaki Azərbaycanla ölkəsi arasında dostluq əlaqələrinin dərin köklərə malik olduğunu, Yaponiya hökumətinin maliyyə dəstəyi ilə həyata keçirilən bu layihələrin insanların yaşayış səviyyəsini daha da yaxşılaşdırmaq məqsədi daşıdığını deyib.
Diqqətə çatdırılıb ki, Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində indiyədək Azərbaycanda bu layihə də daxil olmaqla, ümumi dəyəri 20 milyon ABŞ dolları olan 235 layihə üzrə qrant müqaviləsi imzalanıb. İcrası yenicə başa çatan bu layihə üzrə işlər Yaponiyanın ölkəmizdəki səfirliyi ilə “Azərbaycan icma inkişafı üzrə araşdırmalar, təlim və resurs mərkəzi” İctimai Birliyi arasında imzalanan müqavilə əsasında yerinə yetirilib. Layihənin ümumi dəyəri 89,1 min dollar təşkil edib. Layihə çərçivəsində Baydarlı kəndində də sakinlərin su təchizatı yaxşılaşdırılıb.
Su təchizatı sisteminin açılışını bildirən rəmzi lent kəsildikdən sonra mərasim iştirakçıları layihə çərçivəsində görülən işlərlə tanış olublar.




 
Bölməyə aid digər xəbərlər
19.07.2019
Yerlər dolduğu üçün Bakıda bəzi hotellər satışı dayandırdı
18.07.2019
Zaqatalada 1250 arıçıya subsidiya veriləcək
18.07.2019
Qubada gənclər üçün “İncəsənət sosial inkişafda vasitə kimi” təlim proqramı keçirilib
17.07.2019
Zaqatala və Balakəndə yeni yem emalı və toxum təmizləmə məntəqəsi inşa edilib
17.07.2019
Silahlı Qüvvələr sıralarından ehtiyata buraxılan gənclərlə Lerikdə görüş keçirilib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10832

1 “4-cü qrupa hazırlaşan hər bir abituriyentin arzusu həkim olmaqdır”
2 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
3 Dünya brendi olmağı hədəfləyən azərbaycanlı gənc
4 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
5 “Ermənistana qarşı iqtisadi sanksiyalar tətbiq olunmalıdır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info