“Ermənistana qarşı iqtisadi sanksiyalar tətbiq olunmalıdır”
Tarix: 16.07.2019 | Saat: 12:23:00 | E-mail | Çapa göndər


Namiq Əliyev | Tarix üzrə fəlsəfə doktoru

“Azərbaycan dövləti daimi olaraq narkotik vasitələrin qanunsuz dövriyyəsinə qarşı ardıcıl mübarizə aparır və bu gün də bu proses davam edir”. Bunu SİA-ya açıqlamasında “Palitra” qəzetinin baş redaktoru Namiq Əliyev deyib. Onun sözlərinə görə, lakin Dağlıq Qarabağ və onun ətrafı ilə birlikdə 20 faiz ərazimizin Ermənistan tərəfindən işğalı ilə bağlı olaraq, bu zonaya nəzarət edə bilmirik: “Məhz işğal nəticəsində Azərbaycanın İranla dövlət sərhədinin 132 kilometrlik hissəsi nəzarətsiz bölgəyə çevrilib. Orada nəinki narkotik tərkibli bitkilər becərilir, hətta yayılan məlumatlara görə, yeni növ narkotiklərin istehsalı üçün laboratoriyalar da açılıb. Buradan Avropaya və digər ərazilərə narkotik vasitələr göndərilir. Əldə edilən gəlirlərdən terrorçu qrupların yaradılmasında, onlara təlim keçirilməsində istifadə edilir. Onu da vurğulamaq lazımdır ki, işğal altındakı ərazilərdən narkotik vasitələrin qanunsuz istehsalı və tranziti üçün istifadə edilməsi beynəlxalq terrorizmin genişlənməsinə də münbit şərait yaradır. Bu faktlar Azərbaycan dövlətinin beynəlxalq təşkilatlara göndərdiyi hesabatlarda da öz əksini tapıb. Dəfələrlə yüksək səviyyəli görüşlərdə, beynəlxalq konfranslarda nəzarətsiz bölgədə narkotik vasitələrin istehsalı və taranziti ilə bağlı məsələlər dövlətimizin rəsmi şəxsləri tərəfindən qaldırılıb. Lakin, təəssüflər olsun ki, hələ də müvafiq beynəlxalq təşkilatlarda bu əməli ilə bağlı Ermənistanın əleyhinə heç bir ciddi qərar qəbul edilməyib. Beynəlxalq təşkilatların ikili standartlar siyasəti, digər sahələrdə olduğu kimi, bu sahədə də özünü qabarıq şəkildə göstərir”.

GÜLYANƏ




 
Müəllifin son yazıları

08.08.2019 “Tarixin sürprizlərinə hazır olmalıyıq”
26.07.2019 “Vizanın ləğvi Türkiyə ilə əlaqələrimizi daha da möhkəmləndirəcək”
22.04.2019 Tarixin ibrət dərsləri...
11.03.2019 İstedadlı şagirdləri necə qoruyaq?
07.01.2019 Şərhçilərin regionlar üzrə ixtisaslaşması zəruridir

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 Bakıdan avtobusla Naxçıvana gedənlərə şad xəbər
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info