Rüstəm İbrahimbəyov vətəndaşlıqdan imtina etməyibmiş
Tarix: 20.08.2013 | Saat: 18:43:00 | E-mail | Çapa göndər


Kinodramaturq Rusiyadakı evlərini itirmək istəmir

“Milli şura”nın namizədi, kinodramaturq Rüstəm İbrahimbəyovun siyasətə qatılmasının əsl məqsədi və ümumilikdə müxalifəti barmağına dolaması haqqında dəfələrlə mətbuatda yazılar gedib. Hətta tanınmış siyasətçilər bu barədə əsaslı analizlər apararaq radikal müxalifətin onun ardınca getməsini maddi maraqlara söykənmiş bir oyun kimi xarakterizə ediblər. Bütün deyilənlər get-gedə əsasını tapır. Belə ki, bu gün Rüstəm İbrahimbəyov barəsində “Facebook” sosial şəbəkəsində sensasiyalı xəbərlər yayılıb. Xəbərdə bildirilir ki, Rüstəm İbrahimbəyov Rusiya vətəndaşlığından çıxmaq üçün heç ərizə yazmayıb: “Rusiyanın paytaxtı Moskvada, müxtəlif ünvanlarda Rüstəm İbrahimbəyova məxsus mənzillər olduğu üçün onun Rusiya vətəndaşlığından imtina etməsi həmin mənzillər üzərindəki hüquqlarını sual altına qoyduğundan Rüstəm bəy ağıllı tərpənib və vətəndaşlıqla bağlı heç hara ərizə-zad yazmayıb. Sadəcə “milli şura” daxilində biabır olmamaq üçün vaxtı uzadıb və zaman keçdikcə avtomatik başqa namizəd üzərində dayanılması üçün gözləyib. Nəticədə istədiyinə də nail olub – “milli şura” artıq alternativ namizəd barədə qərar verib. Rüstəm bəy də tam deyə bilər ki, mən çalışdım, amma vaxtımız az idi,deyə alınmadı.
Əgər bu deyilənlər doğru olmasaydı, Rüstəm İbrahimbəyov çoxdan ərizə yazıb, onun bir surətini də internetdə paylaşmışdı. Kimlərinsə Vladimir Putinə ünvanladığı müraciətlər isə hüquqi əsas sayıla bilməz, çünki vətəndaş özü öz imzası ilə müraciət etməlidir, Rüstəm İbrahimbəyov isə belə bir müraciət etməyib, ona görə də onun Rusiya vətəndaşlığından çıxarılması mümkün deyil”.
Yayılan xəbərin doğru olub-olmadığını isə artıq Müsavat Partiyasına yaxın olan mətbu orqanı dəqiqləşdirməyə çalışıb. Rüstəm İbrahimbəyov bildirib ki, onun Rusiya vətəndaşlığından imtina etməsi ilə bağlı ərizə yazmadığı barədə yayılan xəbər şayiədir.
Lakin açıqlamadan görünür ki, Rüstəm İbrahimbəyov yenə də hər şeyi “yola vermək”lə məşğuldur. “Ya bu gün, ya da sabah” prinsipləri ilə siyasətə qatılıb müxalifəti barmağına dolayan kinodramaturqun ərizəsinin mübarək üzünü çox güman ki, yaxın günlərdə nəinki mətbuat və ictimaiyyət, heç MSK da görməyəcək. Çünki, İbrahimbəyovun “ya bu gün, ya da sabah”larını çox görmüşük!
Tural




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info