Arif Hacılı “milli şura”nın çökdüyünü açıqladı
Tarix: 21.08.2013 | Saat: 16:35:00 | E-mail | Çapa göndər


“Milli şura”da yaşanan son olaylar artıq özünün pik həddinə çatıb. Qurumun keçirdiyi son sessiyada vahid namizədlik ətrafında yaranmış məlum narazılıq isə “milli şura” üçün biabırçı həddə çatıb. Təsadüfi deyil ki, AXCP-Müsavat qarşıdurmasının davam etdiyi bir vaxtda
Müsavat Partiyasının İcra Aparatının rəhbəri Arif Hacılının son açıqlaması da cəbhəçilər tərəfindən sosial şəbəkələrdə böyük aqressiya ilə qarşılanıb. AXCP-yə məxsus olan qruplarda müzakirəyə çıxarılan A.Hacılının fikirlərində müxalifətin məğlubiyyət etirafı yer alıb.
A.Hacılı qeyd edib ki, əslində yaranmış vəziyyəti "vaxt keçir kimi yox, vaxt artıq keçib" kimi də dəyərləndirmək olar: "Çünki artıq seçki kampaniyasının başlanmasından 11 gün keçib, amma biz hələ də namizəd məsələsi ilə əlaqədar yaranmış böhrandan çıxa bilməmişik. Hesab edirəm ki, bir neçə gün ərzində bu sualların hamısına cavab tapılacaq. Biz Müsavat Partiyası olaraq müxalifətin bu seçkilərdə birgə iştirakına nail olmaq üçün bütün güzəştlərə hazır olmuşuq və indi də hazırıq".
A.Hacılı qeyd edib ki, bu müzakirələrin nəticəsiz başa çatacağı halda Müsavat Partiyası müstəqil hərəkət edəcək: "Təbii ki, biz “milli şura”dakı qüvvələri seçkilərdə bu və ya digər şəkildə iştiraka razı sala bilməsək, onda müstəqil qərarlarımızı qəbul etmək üçün müzakirələrə başlamalı olacağıq".
Cəbhəçiləri bu fikirlərdə ən çox narahat edən məqam odur ki, A.Hacılı “milli şura”dakı qüvvələri seçkilərdə bu və ya digər şəkildə iştiraka razı sala bilməsək” deməklə AXCP sədri Əli Kərimlini nəzərdə tutub. Cəbhəçilər də isə Əli Kərimlinin seçkilərə qatılmamaq ideyasını müdafiə edirlər. Belə bir məqamda yenidən Müsavatın seçkiyə qatılmaq istəyi cəbhəçilərdə hiddət doğurub.
İstənilən halda vahid qurumda birləşdiklərini iddia edən müxalifət partiyalarının hələ də bu şəkildə “didişməsi” onların faciəsi kimi qəbul edilməlidir. Kinodramaturqun ardı ilə gedib sonda quyuya düşdüklərini anlayan radikalların bundan sonra hansı addımlar atacaqları isə maraq doğurur. Ehtimal etmək olar ki, AXCP seçki gününə qədər İbrahimbəyovun ətəyindən yapışacaq. Müsavat isə qalmaqallı şəkildə “milli şura”dan ayrılaraq seçkiyə partiya olaraq qatılacaq.
Tural




 
Bölməyə aid digər xəbərlər
15.02.2019
Elmar Məmmədyarov Almaniya Bundestaqının üzvü ilə görüşüb
15.02.2019
Qətərli və livanlı jurnalistlər Mətbuat Şurasında olublar
15.02.2019
“Əsas oxucu kütləsi sayılan gənclər bu gün internet mediaya daha çox üstünlük verirlər”
15.02.2019
“İnternet media vacib informasiya mənbəyinə çevrilib”
15.02.2019
Ermənistandan azərbaycanlıların qovulması və yəhudilərin köçü

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info