“Postsovet ölkələrində baş verən rəngli inqilablar heç bir iqtisadi inkişafa səbəb olmayıb”
Tarix: 08.08.2019 | Saat: 15:40:00 | E-mail | Çapa göndər


“İnqilabçılar” hakimiyyətə gəldikləri gündən indiyədək İrəvanda adicə zibiltoplama işini belə təşkil edə bilməyiblər

Bu gün Ermənistanda baş nazir Nikol Paşinyanın 2014-cü ilin gizli sənədi ilə bağlı verdiyi açıqlamalara şübhə ilə yanaşanlar yetərincədir. Hətta onların bir çoxu belə bir sənədin varlığına inanmırlar. Məsələn, «Vahid Ermənistan» partiyası baş nazirdən sənədin dərc edilməyəcəyi təqdirdə bunu, onun növbəti yalanı kimi dəyərləndirəcəklərini bildirib.
Ölkə jurnalistlərinin Paşinyanın mətbuat katibinə sənədin əldə edilməsi ilə bağlı müraciətləri də cavabsız qalıb. Belə ki, baş nazirliyin mətbuat katibi Nikolun bunu məqsədəuyğun hesab etmədiyini bildirib. Maraqlıdır ki, ermənilərin «Qolos Armenii» saytı bütün bunları, nədənsə, «kinsizliyin yüksəkliyi» kimi dəyərləndirir. Sayt daha sonra yazır: «Bu vaxta qədər postsovet ölkələrində baş verən rəngli inqilablar heç bir iqtisadi inkişafa səbəb olmayıb. Keçən il Ermənistanda baş vermiş kobud “rəng çirkinliyi” haqqında da bunu demək olar. Nikol Paşinyan son bir il yarım ərzində iqtisadiyyatdakı vəziyyətin daha da pisləşdiyinə görə, bəhanə axtarsa da, artıq yerli insanlar hər gün onun komandasının dövləti idarə edə bilməməsini müşahidə etməkdədirlər. Hətta «inqilabçılar» hakimiyyətə gəldikləri gündən indiyədək İrəvanda adicə zibil toplama işini təşkil edə bilməyiblər. Təbii ki bu, o qədər problemli məsələ olmasa da, bunun gündəlik olaraq mətbuata çıxarılması onların hansı səviyyəli şəxslər olduğundan xəbər verir. Doğrudur, onlar küçə hərəkatında Paşinyana yarınan pərgarlıq nümayiş etdirsələr də, ancaq dövlət idarəçiliyində naşıdırlar. Loru dildə desək, dövləti idarə etmək onlarlıq deyil. Təbii ki, bunu sadə erməni xalqından daha çox, Nikolun özü anlamağa başlayıb. Məhz belə olan halda, biçarə Nikol nə etməlidir? Bax bu halda, Paşinyan deyəsən, işə yarayan nəsə tapa bilib. Belə ki, 2014-cü ildə ölkədəki «cəsur insanlar» tərəfindən yazılmış «dövlətdəki həqiqi vəziyyəti izah edən gizli bir sənəd haqqında qorxunc bir rəvayət» xalqı sevən digər «cəsur insan» -Nikol Paşinyan tərəfindən ortaya qoyuldu».

“Onlar küçə hərəkatında pərgarlıq nümayiş etdirsələr də dövlət idarəçiliyində naşıdırlar. Loru dildə desək, dövləti idarə etmək onlarlıq deyil”

Məsələ bundadır ki, təəssübkeş baş nazir ailəsi ilə birlikdə Sevanda istirahət etdiyi dövrdə belə bu gizli sənədi xalqa faş edib-etməməsi ilə bağlı tərəddüddə bulunub.
Lakin nə qədər təəccüblü olsa da erməni saytı bütün bunları Nikolun növbəti bir hiyləsi kimi qələmə vermək istəyir. Onun bu yolla xalqı yenidən aldatmağa çalışdığını bildirirlər. Başqa bir məqam isə saytın dili ilə desək, Paşinyanın cəsarətliliyi ilə diqqət çəkir: «Hökumət başçısı dövlət qurumundan "Tam məxfi" başlığı ilə bir sənəd çıxarır, eyni zamanda, gizlilik səbəbiylə adını səsləndirə bilmədiyini şəxsi internet səhifəsində canlı olaraq elan edir».
Saytın etirafına görə, artıq ölkənin siyasi dairələrində gizli sənəd ətrafında ciddi ehtiraslar alovlanmaqdadır. Məsələ bundadır ki, Paşinyanın «məxfi sənəd»lə bağlı verdiyi açıqlamada sözarası «biz hər şeyi təzədən başlamalı olacağıq!» deməsi, onun hələ ki, xalqı qane etməyən hakimiyyətini hər vəhclə qorumasına hesablandığından xəbər verir.
Ağasəf Babayev




 
Bölməyə aid digər xəbərlər
17.09.2019
Məhkəmə Robert Koçaryanı həbsdə saxlayıb
17.09.2019
“Bu gün heç kim etibar edib Ermənistana borc vermək istəmir”
17.09.2019
“Politik.am”: “Paşinyanın xidmət edən oğlu İrəvan küçələrində gəzir”
17.09.2019
“Qraparak”: “Ermənistanda “istefalar paradı” başlaya bilər”
17.09.2019
Dündar Keşaplı Türkiyə Futbol Federasiyasını ziyarət edib

Şərh əlavə olunmayıb

    ,    
Ağasəf Babayev
Namiq Əliyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 Daxili İşlər nazirindən yeni təyinat
3 Prezident Bakı Metropoliteninin “Xətai” stansiyasında görülən işlərlə tanış olub
4 Masallı rayonunun Çaxırlı ərazisinin Kəlbəhüseynli kəndində səyyar görüş
5 5 mindən artıq müəllimin maaşı 1000 manatı ötüb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info