“RE:CYCLING” - köhnə qəhvə kapsullarından yeni velosiped
Tarix: 18.08.2019 | Saat: 22:08:00 | E-mail | Çapa göndər



Qəhvənin alüminium kapsullarda satışı üzrə ixtisaslaşan tanınmış İsveçrə şirkəti “Nespresso” yeni innovativ ekoloji layihəyə imza atıb. Layihə İsveçrənin “Nestle” şirkətlər qrupuna daxil olan bu markanı dünyada məşhur edən alüminium kapsullarının təkrar emalını nəzərdə tutur.

AZƏRTAC xəbər verir ki, hazırda kapsul istehsalçıları eksklüziv velosipedlər hazırlayan isveçli Cimmi Östholm ilə maraqlı bir ekolayihə həyata keçirirlər. Velosipedçi “RE:CYCLE” adı altında “Velosofiya” velosipedləri istehsal edir. Həmin velosipedlərin metal hissələri əridilmiş və 95 faizi təkrar emal edilən qəhvə kapsullarından hazırlanır.
Layihəyə əsasən, bu velosipedlərdən cəmi 1000-i bazara çıxarılacaq. Bundan əlavə, “Nespresso” şirkətinin layihə çərçivəsində çox təsirli və düşündürücü hədiyyəsi də nəzərdə tutulub. Satılmış hər bir velosipedin əvəzinə (1 velosipedin satış qiyməti 1290 avro olacaq) şirkət inkişaf etməkdə olan ölkələrdə bir məktəbli qıza velosiped hədiyyə edəcək.
Qeyd edilməlidir ki, alüminium həssas qəhvə ətrini qoruyub saxlamaq üçün mükəmməl örtük materialı olsa da, boksit mineralından əldə edilən bu yüngül metal tullantıya çevrildikdə ətraf mühitə son dərəcə ciddi zərər vurur. “Global2000” təbiəti mühafizə təşkilatından bildirilib ki, inanılmaz miqdarda xammal və enerjinin tələb olunduğu alüminium kapsullar çox praktik olmalarına baxmayaraq, mənfi ekoloji təsirə malikdirlər.
Məhz buna görə də, “Nespresso” layihələri vasitəsilə öz qəhvə kapsullarını yenidən emal etməyə və bununla da, ətraf mühit balansını yaxşılaşdırmağa, eyni zamanda şirkət üçün müsbət imic formalaşdırmağa çalışır. Əridilmiş kapsullardan hazırlanmış qələmlər və cib bıçaqları bu istiqamətdə atılan ilk addımlardır.




 
Bölməyə aid digər xəbərlər
21.09.2019
“Google” şirkəti dünyada ən güclü kvant kompüteri hazırlayıb
21.09.2019
70 minlik saatı oğurlandı
20.09.2019
İlan onunla şou göstərən oğlanı sancdı
20.09.2019
Messi geyim brendini yaratdı
20.09.2019
“Facebook” televizor vasitəsilə videoçat üçün qurğu təqdim edib

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10890

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info