İbrahim Kalın: “Menbiçdəki kimi hədəf azdırmaya imkan verilməyəcək”
Tarix: 11.09.2019 | Saat: 15:32:00 | E-mail | Çapa göndər


Mövlud Çavuşoğlu vә Yans Stoltenberq arasında telefon danışığı olub


Türkiyə Prezidenti Rəcəb Tayyib Ərdoğanın sədrliyi ilə hökümətin iclası keçirilib. Türkiyə Prezident Aparatının sözçüsü İbrahim Kalın jurnalistlərin gündəmə dair suallarını cavablandırdı. Kalın prezident Ərdoğanın toplantıdakı çıxışında Türkiyədəki ümumi siyasi vəziyyətdən, regiondakı təhlükəsizlik məsələlərindən, daxili, iqtisadi və siyasi müstəvidə atılacaq addımlardan bəhs etdiyini bildirib. Ərdoğanın Fırat çayının şərqində cərəyan edən proseslərin yaxından təqibinin davam ediləcəyini söylədiyini bildirən sözçü İdlibdəki prosesləri yaxından izlədiklərini qeyd edib. Kalın Suriyanın İdlib şəhərində çox mühüm bir vəzifə icra etdiklərini xatırladıb, bazar ertəsi günü Prezident Ərdoğanın rəhbərliyində Ankarada keçiriləcək üçtərəfli görüşdə bu məsələlərin müzakirə olunacağını söyləyib. TRT xəbər verir ki, iclasda təhlükəsizlik məsələsi ilə bağlı regionda baş verən hadisələrin də ətraflı şəkildə müzakirə olunduğundan xəbər verən Kalın Fırat çayının şərqindəki hadisələrin gündəliyin əsas məsələlərindən biri olduğunu ifadə edib. Kalın Amerika Birləşmiş Ştatları ilə əldə edilən razılaşma çərçivəsində təhlükəsiz bölgənin yaradılması istiqamətində sürətli addımlarla irəlilədiklərini, ilk dəfə nəzarət fəaliyyətinin həyata keçirildiyini, daha əvvəl də helikopterlərlə havadan nəzarətin aparıldığını, birgə əməliyyat mərkəzinin yaradıldığını xatırladıb. Kalın birgə əməliyyat mərkəzi ilə bağlı fəaliyyətlərin və koordinasiyanın davam edəcəyini söyləyib. Prezident Aparatının sözçüsü sözünə belə davam edib: "Türkiyə Milli Müdafiə Nazirliyi, kəşfiyyat təşkilatımız və başqa orqanlarımız təhlükəsiz bölgənin yaradılması, idarə edilməsi, təhlükəsizliyin təmin olunması, sahədəki proseslərin bizim mənbələrimiz tərəfindən müstəqil şəkildə təsdiq edilməsi üçün də ABŞ rəsmiləri ilə yaxından fəaliyyət göstərməyə davam edirlər. Burada daha əvvəl Prezidentimizin də, xarici işlər nazirimizin də ifadə etdikləri kimi, Menbiçdəkinə bənzər bir diqqət dağıtma, hədəf azdırma yoluna əl atılmasına imkan verilməyəcək. Təhlükəsiz bölgədə, Fırat çayının şərqində qoyduğumuz qaydalar çərçivəsində görülməli işlər məlumdur. Proses heç bir güzəştə yol verilmədən, qətiyyətlə, ardıcıl şəkildə həyata keçirilməli, sürətləndirililməlidir. Prezidentimizin sentyabrin 21-də Nyu-Yorkda BMT-də başlayacaq görüşlərində də əhəmiyyətli gündəm maddələrindən biri bu məsələ olacaq". İbrahim Kalın Diyarbəkirdə övladları separatçı terror təşkilatı PKK tərəfindən qaçırılan anaların göstərdikləri şücaətdən də bəhs edib. Sözçü xarici mətbuatın bu hadisəni görməməsini tənqid edib:"Xarici mətbuatın bu məsələyə laqeyd qalması son dərəcə diqqətçəkicidir. Kiçik hadisələri böyüdən beynəlxalq mətbuatın bu məsələdə sükut, bəlkə də bir növ qərəz nümayiş etdirməsi son dərəcə diqqətçəkicidir. Lakin bu, bizim qətiyyətimizə, həmrəyliliyimizə təsir göstərməyəcək". Onu da qeyd edək ki, Türkiyәnin xarici işlәr naziri Mövlud Çavuşoğlu NATO-nun baş katibi Yens Stoltenberq ilә telefon әlaqәsi saxlayıb. Bu barәdә diplomatik mәnbәlәrin yaydığı açıqlamada bildirilib. Açıqlamada görüşün tәfәrrüatları ilә bağlı әtraflı mәlumat verilmir.

Anar




 
Bölməyə aid digər xəbərlər
14.12.2019
Böyük Britaniyada parlament seçkilәrindә mühafizәkarlar qalib gәlib
14.12.2019
Pompeo İranı və müttəfiqlərini Bağdaddakı hərbi aviabazaya hücumda ittiham edib
13.12.2019
Andranik Migranyan: “Ermənistanda inqilab olmayıb“
13.12.2019
Əhməd Davudoğlu yeni partiyasını elan edib: Gələcək Partiyası
13.12.2019
Türkiyə: “ABŞ Senatının qərarını tanımırıq“

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11405

1 “Gəncliyimiz Prezidentin onlara etibar və həvalə etdiyi məsuliyyətin yükünü çiyinlərində daşımağa qadirdir”
2 AZSIĞORTA Mərkəzi Bank əməkdaşlarını sığortalayacaq
3 Azərbaycan idmançıları Moskvada dünya rekordunu qıraraq çempion olublar
4 “Azərbaycanın sığorta bazarında hələ görüləcək işlər çoxdur”
5 Naxçıvanın Daxili işlər naziri Fazil Ələkbərov Dünya Şotokan Karate Federasiyasının 1-ci vitse-prezidenti seçilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info