Məktəblərdə şagirdlər üçün konkret menyular tətbiq olunacaq
Tarix: 27.08.2013 | Saat: 21:21:00 | E-mail | Çapa göndər


Standartlaşdırma, Metrologiya və Patent üzrə Dövlət Komitəsinin təşkilatçılığı ilə “Təhsil müəssisələrində təhsil və tərbiyə alanların qidalanması üzrə dövlət standartı”nın tətbiqinə həsr olunan “Təhsil və tərbiyə alanların sağlamlığının etibarlı qorunması və möhkəmləndirilməsində keyfiyyət amili” mövzusunda
konfrans keçirilib.

Tədbirdə Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Texniki tənzimləmə və standartlaşdırma şöbəsinin müdiri Namiq Tağıyev çıxış edərək bildirib ki, məktəbəqədər təhsil müəssisələrində uşaqların qidalanmasında təhlükəsizlik təmin olunmalıdır. Qeyd olunub ki, elə bu standartın tətbiqində də əsas məqsəd uşaqların sağlamlığını qorumaqdır. “Azyaşlıların qidalanmasının optimallaşdırılmasında dövlət nəzarətinin rolu” mövzusunda çıxış edən xidmətin şöbə müdiri Mənsim Babayev isə bildirib ki, sentyabrın 2-dən etibarən onlar məktəblərdə monitorinqlər aparacaqlar. Bundan sonra konkret menyular tətbiq olunacaq və onun tətbiqinə nəzarət ediləcək. Məktəblərdə şagirdlərə təklif olunan qidalardan nümunələr götürülüb yoxlanılacaq. Komitənin xidmət rəisi Əbülfət İmanov jurnalistlərə açıqlamasında bildirib ki, təhsil müəssisələrində təhsil və tərbiyə alanların qidalanması üzrə dövlət standartının tətbiqinə sentyabrın 2-dən başlanacaq. Bu standartların tətbiqinin əsas məqsədi məktəblərdə göstərilən iaşə xidmətinin günün tələblərinə cavab verəcək şəkildə yerinə yetirilməsidir: “Qəbul olunan bu standartın bütün tələbləri yerlərdə mütəxəssislərimiz tərəfindən həyata keçiriləcək. Standartın tələbləri çox sərtdir və bu tələblərə sərt şəkildə də nəzarət ediləcək. Ən əsası da baytarlıq nəzarətindən keçməyən ət və digər kənd təsərrüfatı məhsullarının istifadəsi qadağan edilib”. Xidmət rəisi onu da əlavə edib ki, onlar Ədliyyə Nazirliyindən rəsmi qaydada reyestrdən çıxış aldıqdan sonra yoxlamaları həyata keçirirlər: “Nəzarət tədbirləri müəssisələrdə əsasən, bir ildən bir keçirilir. Lakin buna baxmayaraq şikayətlər daxil olduqda, həmin müəssisədə yoxlamanın nə zaman aparılmasından asılı olmayaraq, biz reyestrdən çıxarış alıb orada yoxlamalar aparırıq. Yoxlamalar standartda göstərilən şərtlərin yerinə yetirilmədiyi hallarda həyata keçirilir”. Ə. İmanovun sözlərinə görə, müəssisələrdə qidaların standartlara uyğun olmamasından narazı qalan şəxslər komitəyə və komitənin regionlardakı nəzarət idarələrinə müraciət edə bilərlər. Həmin müraciətlər əsasında dərhal müvafiq tədbirlər görüləcək.
Nigar




 
Bölməyə aid digər xəbərlər
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib
18.09.2018
Rektor: “İnstitutumuzda dövlətin qayğı və təminatı ilə hər cür şərait yaradılıb”
18.09.2018
Ucqar dağ kəndlərindəki uşaqlara məktəb ləvazimatları verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info