“Uğursuz siyasətin bütün məsuliyyəti Paşinyanın üzərinə düşür”
Tarix: 12.09.2019 | Saat: 15:13:00 | E-mail | Çapa göndər


«Daha 8 yeni zibil maşını İrəvana çatdırılıb. Yaxın gələcəkdə bizi daha 20 maşın və 4400-ə yaxın zibil qutusu gözləyir». Bu barədə Ermənistanın baş naziri Nikol Paşinyan şəxsi «Facebook» səhifəsində məlumat yayıb: “Onu da vurğulamaq istəyirəm ki, özünün mükəmməl idarəetmə bacarığını nümayiş etdirən İrəvan meri Ayk Marutyanın bundan sonra da bu bacarığının davamlı olacağına şübhə etmirəm”.
Ermənilərin ”1 in.am.” saytı Nikolun ölkədəki hər hansı bir hadisəni yenilik kimi qələmə verib xalqı sevindirməyə çalışdığını bildirsə də, eyni zamanda, Paşinyan komandasının «yaratdığı kədərli reallıqları» da ortaya qoymağa başladıqlarını etiraf edir. Sayt yazır: «Təsəvvür edirsinizmi, dərin problemlər məngənəsində çabalayan bir ölkənin baş naziri başqa işi yoxmuş kimi, şəhərin zibilyığma problemləri ilə məşğul olur. Ölkəyə gətirilən zibil qutularının sayını ətraflı şəkildə xalqa təsvir edir. Bu, əslində, Paşinyan hakimiyyətindəki çatışmazlığın əyani bir sübutudur. Bunu, təbii ki, başqa cür adlandırmaq çətindir».
Ölkədəki «məxməri inqilab»dan il yarım keçməsinə baxmayaraq , ölkədə hələ ki yararlı bir sistem yarada bilmədiyini xatırladan erməni saytı Nikol Paşinyanı İrəvanda zibiltoplama və digər bir çox problemlə məşğul olmağa məcbur olan yeganə «iş adamı» kimi təqdim edir. İrəvan və onun meri ilə bağlı problemə xüsusi diqqət ayıran sayt Paşiynanın ölkənin əsas şəhəri ilə bağlı hər hansı bir problemə cavabdeh olan həqiqi şəxs olduğunu da gizlətmir: «İrəvan meri rəsmi olaraq yerli bir idarəetmə orqanı olsa da, indi Ayk Marutyan və onun ətrafı yalnız Nikol Paşinyanın hazırkı yüksək olmayan reytinqi sayəsində hakimiyyətdə oturublur. Demək olar ki, bütün seçki kampaniyasına təkbaşına dözüb, «tab gətirən» Paşinyan cəmiyyəti seçimdən məhrum edərək «qara» və «ağ» kimi təhlükəli bir dilemma ilə üz-üzə qoydu. Bu gün İrəvanda müqəvva xərakteri daşıyıb, «şəhər meri» kimi təqdim edilən Ayk Marutyan isə, əslində, şəhərin meri yox, Nikolun müqəvva-müavinidir. Məhz buna görə də bu gün İrəvan küçələrində zibil yığnağı, nəqliyyatın işində narazılıqlar yaranıbsa, baxışlar şəhər merindən çox baş nazir Nikol Paşiyana yönəlir. Bu mənada, ölkədə baş verən hər şeyə, hətta bütün məmurların hərəkətsizliyinə görə cavab vermək məcburiyyətində qalan baş nazir təbii ki, öz reytinqini qoruyub saxlaya bilməz».
Sayt bütün bunlara rəğmən, Paşinyanın reallıqdan uzaqlaşmasını kədərli bir hal kimi təqdim edir. Sayta görə, əgər bu belə olmasaydı, Nikol yarıtmaz Ayk Marutyanı «mükəmməl idarəetmə keyfiyyətli» biri kimi təqdim etməzdi: «Aydın məsələdir ki, bu gün Paşinyanın bir il əvvəl səhv seçim etdiyini etiraf etməsi elə də asan deyil. Ona görə də, Nikol uğursuz siyasətinin tam məsuliyyətini daşımağa məhkumdur».
Ağasəf Babayev




 
Bölməyə aid digər xəbərlər
14.07.2020
Ermənistan silahlı qüvvələrinin artilleriya divizionunun idarəetmə məntəqəsi məhv edilib - VİDEO
14.07.2020
Ermənistan itkilərini etiraf etməyə davam edir, daha iki nəfərin adı açıqlanıb
14.07.2020
Müdafiə Nazirliyi: Ermənistanın pilotsuz aparatı və döyüş heyəti məhv edilib
14.07.2020
Ermənistanın iki yüksək rütbəli zabiti öldürüldü
14.07.2020
Rusiyada son gündə 6248 nəfər koronavirusa yoluxub

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11550

1 Tanınmış həkim COVID-19-dan tez sağalmağın yolunu göstərdi: Çoxlu qarpız yeyin...
2 Ənvər Məmmədxanlı yaradıcılığı beynəlxalq virtual aləmdə
3 Kitabxananın “Yaradıcı oxucularımız” layihəsi davam edir
4 Yeni Eranın Elmi “Alternativ Pisixologiya“ İnsanlığa Xidmət edir!
5 Heydər Əliyev Fondu daha bir şəhid ailəsinə dəstək oldu -VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info