Sosial parazitlik carçıları
Tarix: 28.08.2013 | Saat: 22:46:00 | E-mail | Çapa göndər


“Mən ictimai rəyə tüpürürəm”. Bu cür yanaşma və ifadələr onları söyləyən kəslərin bu gün cəmiyyətdə əsl statusunu, mənəvi-psixoloji səviyyəsini əslində büruzə vermiş olur. Bu cür insanlar hansı sahədə, vəzifədə çalışmalarından asılı olmayaraq, əslində bir əsl şou-biznes həyatı və meşşan məişəti yaşadıqlarını da ortaya qoymuş olurlar.
Belələri özlərinə çox ciddi imic verməyə, intellektual və VİP şəxslər kimi görünmələrinə baxmayaraq, mahiyyətcə, sosial parazitlikdən o yana getmirlər. Və bu cür ifadələrlə onu da ortaya qoymuş olurlar ki, əslində ictimaiyyətin, ictimai rəyin onların qeyri-etik davranışlarını, heç bir ədəb məsuliyyəti daşımayan ədabazlıqlarını ciddi qınağa çevirdiyinin fərqindədirlər. Buna görə də hiddətlənərək yuxarıda misal çəkdiyimiz formalarda ictimaiyyəti, cəmiyyəti aşağılayan, təhqir edən hədyanlarla çıxış edirlər. Bununla isə onlar özlərinin ifrat “individualist”liklərini və əxlaq, ədəb-ərkan, dəyər, məişət və sair baxımdan əsl “anarxist” olduqlarını da faş edirlər...
Amma bu zaman unudurlar ki, ictimai rəyə tüpürməklə, onlar əslində həm də özlərini inkar edirlər. Çünki ictimai rəyi formalaşdıran ictimaiyyət birinci növbədə elə onların öz ailələrindən, valideynlərindən, ən yaxın ətraflarından başlayır. Heç olmasa, bunu nəzərə alaraq zərrə qədər də olsa, ictimai məsuliyyət hiss etmək çox yerinə düşərdi. Amma belə görünür ki, ictimai məsuliyyət hissi belələrinə yaddır. Onlar üçün görünür, ən yaxınlarının və doğmalarının da qatıldığı mühit heç bir önəm daşımır. Ya da belə bir versiya da əsaslı ola bilər ki, bu cür şəxslər ümumiyyətlə, normal əhatədə və mühitdə tərbiyə almayıblar, ona görə də ictimaiyyətə, normalara, ədəb-əxlaqa bu cür nihilistcəsinə yanaşırlar... Amma hər halda, onlar anlamasa belə, normal düşüncəsi olan insanlarımız anlayır ki, bu cür fikirlər işlədənlər əslində elə ictimai rəydə parazitlik etməklə məşğuldurlar...
İlkin AĞAYEV




 
Bölməyə aid digər xəbərlər
03.07.2020
“Ayasofya ilə bağlı ittihamlar Türkiyənin suverenlik haqqına birbaşa hücumdur“
03.07.2020
“Sərəncam Prezidentin media üçün təklif etdiyi yeni baxış modelidir”
03.07.2020
Ön cəbhənin ağ xalatlı qəhrəmanları!
03.07.2020
Prezident daim tutarlı faktlar və məntiqi arqumentlərlə işğalçı ölkəni ifşa edib
30.06.2020
Təəssüflər olsun ki, Ermənistan atəşkəs arxasında gizlənərək təcavüzü davam etdirir

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11546

1 Tural Gəncəliyev: “Dağlıq Qarabağ xalqı” deyə bir anlayış yoxdur, sadəcə Azərbaycanın Dağlıq Qarabağ bölgəsinin əhalisi anlayışı var
2 Litvanın Birştonas şəhərində tar, kamança, qaval büstü qoyulacaq
3 “Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
4 Prezident və birinci xanım İçərişəhərdə aparılan bərpa işləri ilə tanış olublar-YENİLƏNİB
5 Azərbaycan Prezidentinin təşəbbüsünə verilən dəstək beynəlxalq ictimaiyyətin ölkəmizə böyük etimadının göstəricisidir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info