Hazırda dünyada işsizliyin səviyyəsi son 10 il ərzində ən aşağı səviyyədədir
Tarix: 04.10.2019 | Saat: 09:29:00 | E-mail | Çapa göndər



Hazırda dünyada işsizliyin səviyyəsi son 10 il ərzində ən aşağı səviyyədədir.
AZƏRTAC bildirir ki, bu barədə BMT Baş katibinin iqtisadi və sosial məsələlər üzrə müavini Lü Çjenmin Baş Assambleyanın Üçüncü Komitəsinin iclasında çıxışı zamanı deyib. Bununla yanaşı, o bildirib ki, dünyada hələ də yoxsul və aclıqdan əziyyət çəkən çoxlu insan var, həmçinin iqtisadi, gender və qeyri-bərabərliyin digər növlərinin miqyası sürətlə artmaqdadır.
"2008-ci ildə "Böyük resessiya" dövründən əmək bazarında nəzərəçarpan irəliləyişlər baş verdi. Beynəlxalq Əmək Təşkilatının məlumatına görə, dünyada işsizliyin səviyyəsi 2018-ci ildə 5 faiz, işsizlərin sayı isə 172 milyon nəfər təşkil edib. Sonuncu dəfə işsizliyin qlobal səviyyəsinin belə aşağı dərəcəsi 2008-ci ildə müşahidə edilib. Dünya səviyyəli maliyyə böhranının dağıdıcı təsirindən özünə gəlmək üçün əmək bazarına 10 il tələb olunub", - deyə Lü Çjenmin bəyan edib.
O, Üçüncü Komitənin nümayəndələrinə iqtisadiyyat və sosial inkişaf sahəsində son tendensiyalar barədə məlumat verib, iqlim dəyişməsi, münaqişələr və ticarət sahəsində gərginliyin artmasının Dayanıqlı İnkişaf Məqsədlərinə çatmaq yolunda əsas maneələr olduğunu vurğulayıb.
"İfrat yoxsulluğun miqyası azalmaqda davam edir, lakin hələ də 2030-cu ilədək bizi yoxsulluğun aradan qaldırılmasına aparacaq yolda deyilik. 2015-ci ildə yoxsulların payı qlobal miqyasda 10 faizə bərabər olub, 2018-ci ildə isə 8,6 faiz təşkil edib. Əgər biz öz səylərimizi artırmasaq, o zaman 2030-cu ilədək planetin yoxsul sakinləri əhalinin təqribən 6 faizini təşkil edəcək", - deyə BMT Baş katibinin müavini xəbərdarlıq edib.
BMT nümayəndəsinin sözlərinə görə, son illər aclıqdan əziyyət çəkənlərin sayı artır: 2015-ci ildə onların sayı 784 milyon nəfər, 2017-ci ildə isə 821 milyon nəfər təşkil edib.
BMT Baş katibinin müavini qeyri-bərabərliyin və ədalətsizliyin qapalı dairəsini parçalamağa və dünyada iqtisadi və sosial inkişafın tərəqqisi üçün yeni texnologiyalardan yararlanmağa çağırıb.
BMT Baş Assambleyasının Üçüncü Komitəsi sosial və humanitar mövzularla məşğuldur. Onun gündəliyində zəif insanların sosial vəziyyəti və insan hüquqları ilə bağlı maddələr üstünlük təşkil edir. Əsas altı komitənin hər birində BMT Baş Assambleyasına üzv ölkələrin hamısı - 193 ölkənin nümayəndəsi, həmçinin Fələstin və Müqəddəs Taxt-Tacdan (Vatikan) olan müşahidəçilər iştirak edir.




 
Bölməyə aid digər xəbərlər
17.10.2019
Aİ-yə üzv dövlətlərin liderlәri Brüsseldә görüşәcәklәr
16.10.2019
ABŞ Nümayəndələr Palatası Türkiyəyə qarşı sanksiyalara dair layihəsini təqdim edib
16.10.2019
Ərdoğan ABŞ nümayəndə heyətini məyus etdi
16.10.2019
Mövlud Çavuşoğlu TBMM-dә çıxış edib
16.10.2019
Ərdoğan “Sülh çeşməsi”nin sonaçatma vaxtını açıqladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10916

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info