Ata yurdum Gəncəni xoş xatirələrlə yad edirəm
Tarix: 10.10.2019 | Saat: 09:11:00 | E-mail | Çapa göndər



Ukraynanın ədəbiyyat sahəsində uğur qazanmış ən görkəmli azərbaycanlılarından biri də Qriqori Hüseynovdur. Bəlkə də onun adı Azərbaycanda və ya ata yurdu Gəncədə az tanınır, ancaq Ukraynada Hüseynov təkcə cəmiyyətin mədəni və intellektual elitası tərəfindən deyil, həm də görkəmli yazıçı kimi onun kitabları ilə böyüyən bir neçə ukraynalı nəsil tərəfindən tanınır. O, Ukrayna Prezidenti tərəfindən mədəniyyət, ədəbiyyat və incəsənət sahəsində ölkənin ən yüksək dövlət mükafatı - Taras Şevçenko adına Milli Mükafatı almış yeganə azərbaycanlıdır. Xarici ölkələrdə daxil olmaqla 20-yə yaxın ədəbi mükafatın qalibidir. 70 yaşlı soydaşımız AZƏRTAC-a müsahibəsində həm Gəncəni xatırlayıb, həm də həyat yolundan danışıb.

Ata yurdum Gəncəni xoş xatirələrlə yad edirəm

Soydaşımız uşaqlıq illərini xoş xatirələrlə xatırladığını və bununla bağlı 1999-2005-ci illərdə kitab yazdığını qeyd edib. Həmin kitab Ukraynada ilin ən yaxşı kitabı seçilib. Q.Hüseynovu məşhurlaşdıran “Stansiya pastoralları. Uşaqlığının etirafı” kitabı özünün uşaqlığından bədii şəkildə bəhs edir. Müəllif bildirir ki, Ukrayna oxucuları üçün bu kitab misilsizdir. Çünki burada ukraynalı oxucu üçün sadə və başa düşülən şəkildə İkinci Dünya müharibəsi, müharibədən sonrakı dövrdə adi ukraynalılarla azərbaycanlıların münasibətlərindən bəhs edilib.
“Kitabda ən çətin anlarda insanların bir-birlərinə necə kömək etməsi və ukraynalı anası və azərbaycanlı atasının sevərək ailə qurması haqqında fikirlər də yer alıb. Həmçinin, kitabda müharibədən əvvəl xalça istehsalçısı olan atası Camalın Vətəni Gəncəyə ilk səfərini ürəkdən xatırlayır. Düşünürəm ki, azərbaycanlılar üçün Gəncənin 50 il əvvəl necə göründüyü barədə oxumaq maraqlı olacaq, - deyə soydaşımız əlavə edib.

Azərbaycan icmalarının işində yaxından iştirak edirəm

40-dan artıq kitab müəllifi olan Q.Hüseynov hazırda yeni “Şərqdən külək” kitabını çap etməyə hazırlaşır. Kitabda keçən əsrin əvvəllərindən bu yana Ukraynada yaşayan Xivə xanlar sülaləsinin tarixi haqqında da məlumat verilir. 10-dan artıq kitabın müəllifi olduğunu vurğulayan Q.Hüseynov, həm də ictimai fəaliyyətlə məşğul olduğunu bildirib.
“Azərbaycan mənim ata Vətənimdir. Ukraynada Azərbaycan icmalarının işində, onların təşkilatlanmasında yaxından iştirak etməklə, Azərbaycanla bağlı tədbirlərə tez-tez qatılıram”, - deyə Q.Hüseynov əlavə edib. İkinci Dünya müharibəsi zamanı Ukraynanın alman faşistlərindən azad edilməsində azərbaycanlıların böyük xidmət göstərdiklərini deyən soydaşımız, onların bu qəhrəmanlığı haqqında kitab yazacağını da söyləyib.




 
Bölməyə aid digər xəbərlər
22.10.2019
Vilayət Eyvazovdan gənc zabitlərə tapşırıq: vətəndaşların müraciətlərinə həssas və operativ yanaşın
22.10.2019
Silahlı Qüvvələr sıralarından ehtiyata buraxılan gənclərlə Samuxda görüş keçirilib
22.10.2019
Bakıda 380 binanın dam örtüyünün təmirinə başlanılıb
22.10.2019
Yaxın günlərdə daha 121 şəhidin 177 vərəsəsinə birdəfəlik ödəmə veriləcək
22.10.2019
“Əldə etdiyimiz nailiyyətlər bizi qələbəyə daha da yaxınlaşdırır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Mitinqi yox, Türk Şurasının nailiyyətini təbliğ edin...
2 Prezident: Gələn ilin büdcəsi həm sosial, həm investisiya yönümlü olmalıdır
3 Gələn il əmək pensiyaları bir daha artırılacaq
4 “Polşada yeni müstəvidə və daha innovativ fəaliyyətə başlayırıq”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info