UNEC-də əməkhaqları artırılıb
Tarix: 10.10.2019 | Saat: 18:54:00 | E-mail | Çapa göndər


Azərbaycan Dövlət İqtisad Universitetində (UNEC) 2019/2020-ci tədris ilinin ilk Elmi Şurasının iclası keçirilib. İclasda universitetin İctimai Nəzarət Şurasının üzvləri də iştirak ediblər. UNEC-dən bildirilib ki, rektor, professor Ədalət Muradov Prezident İlham Əliyev tərəfindən ölkədə aparılan uğurlu sosial siyasətdən söz açıb. Rektor, bu siyasətin Azərbaycanda prioritet istiqamətlərdən birinə çevrildiyini vurğulayıb, davamlı olaraq həyata keçirilən sosial siyasətin ənənə halını aldığını diqqətə çatdırıb. Rektor universitetin əməkdaşlarının sosial durumlarının daha da yaxşılaşdırılması məqsədilə sentyabr ayından əməkhaqlarının 20 faiz, Zaqatala filialında çalışan əməkdaşların əməkhaqlarının isə orta hesabla 30 faiz artırılması barədə təkliflə çıxış edib.
Təklif səsə qoyularaq Elmi Şura üzvləri tərəfindən qəbul edilib. Qeyd olunub ki, bu artımdan sonra UNEC-də professorların orta aylıq əməkhaqqı 1882 manat, dosentlərin 1270, baş müəllimlərin 1086, müəllimlərin əməkhaqqı isə 950 manat təşkil edəcək. Bununla da 2014-cü ilin əvvəli ilə müqayisədə, ümumilikdə UNEC-də, eləcə də pedaqoji heyət üzrə əməkhaqqı 1,7 dəfə artmış olacaq. Göstərilən dövr ərzində professorların əməkhaqqı 2,1 dəfə artıb.

UNEC Biznes Məktəbinə yüksəkixtisaslı müəllimlərin cəlb edilməsi və onların fəaliyyətinin stimullaşdırılması məqsədilə həmin məktəbdə saathesabı qaydada dərs deyən pedaqoji heyət üzvlərinə ödənilən məbləğin bir saata görə 30 manatadək artırılması təklif olunub. Təklif Elmi Şura üzvləri tərəfindən qəbul edilib.
Elmi Şurada UNEC-də elmi-tədqiqatların keyfiyyətinin artırılması və eləcə də professor-müəllim heyətinin elmi-tədqiqat fəaliyyətinin daha da stimullaşdırılması məqsədilə onlara “Tədqiqatçı” statusunun verilməsi haqqında qərar qəbul edilib. Bildirilib ki, bu status verilən professor-müəllim heyəti üzvünün akademik vəzifələrinin qarşısına “tədqiqatçı” sözü əlavə ediləcək və həmin şəxslərin əməkhaqları əlavə olaraq 50 faiz artırılacaq. Beləliklə, “tədqiqatçı professor” statusu alan professorlar diferensial əməkhaqqı sisteminə görə ödənişlərlə birlikdə 5 min manatdan yüksək əməkhaqqı ala biləcəklər. İclasda yeni tədqiqat mərkəzlərinin yaradılması barədə qərar qəbul olunub. Qeyd edilib ki, Elmi Şuranın qərarı ilə UNEC-də Kölgə İqtisadiyyatı, Səhiyyə İqtisadiyyatı, Çin İqtisadiyyatı Tədqiqat mərkəzləri, İslam Maliyyə Mərkəzi yaradılıb.




 
Bölməyə aid digər xəbərlər
17.10.2019
“İbtidai sinif şagirdləri üçün dərsliklərin həftəlik dərs yükü çoxdur”
17.10.2019
BDU-da Beynəlxalq Türk Akademiyasının prezidenti ilə görüş keçirilib
17.10.2019
BDU-nun 100 illik yubileyi ADPU-da qeyd edilib
17.10.2019
Növbəti ildən STEAM layihəsində iştirak edən şagirdlərin sayı 20 minə çatdırılacaq
17.10.2019
Nazir: “2003-2018-ci illər ərzində 3200-dən artıq yeni məktəb binası tikilib və ya əsaslı təmir olunub”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10917

1 Aşqabadda MDB Dövlət Başçıları Şurasının geniş tərkibdə iclası keçirilib
2 “Xoşbəxtlikdən, Azərbaycanın qolu sayılmadı“
3 Vasim Məmmədəliyev vəfat edib
4 Kaliforniyada xəz dəri satışına və heyvanların sirklərdə istifadəsinə qadağa qoyulub
5 Kişi sağlamlığı üçün ən faydalı maddə - Pomidor, qreypfrut və itburnuda var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info