Rəsul Quliyev İsa Qəmbər və Əli Kərimliyə qəzəbləndi
Tarix: 04.09.2013 | Saat: 15:34:00 | E-mail | Çapa göndər


Uzun müddətdir ki, “milli şura” daxilində liderlər arasında intriqalar və narazılıq dolu söz çəkişməsi gedir. Hətta iş o yerə çatıb ki, qurumda iki deyil, bir neçə qütbləşmə yaranıb. AXCP sədri Əli Kərimli, Müsavat başqanı İsa Qəmbər, KXCP sədri Mirmahmud Mirəlioğlu, ACP lideri Rəsul Quliyev və b. siyasətçilərin sözlərinin düz gəlməməsi müxtəlif formada özünü göstərməkdədir. Onlar gah vahid namizədlik məsələsində prinsipiallıq göstərib öz maraqlarını qoruyurlar, gah hansısa ayrı-seçkilikdən gileylənib sərt fikirlər səsləndirirlər, gah da sanki müxalif düşərgədə mövqe savaşına qalxırlarmış kimi aşkar şəkildə müəyyən siyasi gedişlərlə nüfuzlarını artırmağa çalışırlar. Təsadüfi deyil ki, son günlərə kimi susmuş KXCP sədri Mirmahmud Mirəlioğlu da dilə gələrək “milli şura”da ayrı-seçkilikdən gileylənib.
Artıq ona daha bir “milli şura” lideri də qoşularaq qəzəb, giley-güzarını ortaya qoyub. Belə ki, lideri olduğu Açıq Cəmiyyət Partiyasının (ACP) “milli şura”nın vahid namizədi Cəmil Həsənlinin imzatoplama kampaniyasına buraxılmaması Rəsul Quliyevi də qəzəbləndirib. “Milli şura”nın üzvü olmasına baxmayaraq, qurum əleyhinə mövqe nümayiş etdirən eks-spiker AXCP və Müsavatı “milli şura”nı parçalamaqda suçlayıb.
Onun bununla bağlı açıqlamaları sosial şəbəkələrdə geniş müzakirə mövzusu da olub. R.Quliyev açıqlamasında “milli şura”nın hazırkı durumunu İctimai Palatanın zəifləmiş formasına bənzədib.
“İmzatoplama mərasimində təşəbbüsü 2 partiya- Müsavat və Xalq Cəbhəsi əllərinə alıb, o biri partiyaların - KXCP, ACP, ALP və o cümlədən “EL” hərəkatını bu işə cəlb etməyiblər. Faktiki olaraq “milli şura” adı altında İctimai Palatanın zəifləmiş formatı fəaliyyət göstərir. Bir sözlə, seçkiqabağı belə acınacaqlı vəziyyətin yaranmasının səbəbləri məlumdur, seçkilərdən sonra münasibət bildiriləcək. Bizim öhdəmizə düşən Cəmil müəllimi imkan daxilində təbliğ etməkdir və bu işi biz can-başla yerinə yetiririk. Sözsüz, bu iki partiya seçkilərin nəticələrinə görə məsuliyyəti də öz üzərlərinə götürüblər. Dialektikanın qanununa görə, səlahiyyət və məsuliyyət əkizdir, dəyişmək olmaz”.
Tural




 
Bölməyə aid digər xəbərlər
22.02.2019
Diaspor üzvləri Ümumavropa Qarabağ mitinqinə çağırış edib
21.02.2019
Levan Çixeidze: Gürcüstan parlamenti Xocalı soyqırımını rəsmən tanımalıdır
21.02.2019
Müxalifət mitinqlərlə bağlı məsuliyyətdən niyə qaçır?
21.02.2019
Валентина Терешкова: не любить Азербайджан невозможно!
21.02.2019
Ərəstun Mehdiyev: Azərbaycan dövləti Əfqanıstan müharibəsinin veteranlarına hərtərəfli qayğı göstərir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 Əsərləri dünyanın bütün elektron kitabxanalarında yer alan azərbaycanlı yazar
4 ABŞ-da atışma: xəsarət alanlar var
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info