“Azərbaycan BMT-nin çox məsuliyyətli üzvüdür“
Tarix: 29.10.2019 | Saat: 14:37:00 | E-mail | Çapa göndər


Azərbaycan BMT-nin çox məsuliyyətli üzvüdür.
Bunu Trend-ə özəl müsahibəsində BMT Baş Assambleyasının prezidenti Ticani Məhəmməd-Bande deyib.

O bildirib ki, Azəbaycan müxtəlif sahələrdə BMT-nin işinə öz töhfəsini verib və BMT agentlikləri Azərbaycanda çox yaxşı işləyir.
T.Məhəmməd-Bande Azərbaycanın BMT Dayanıqlı İnkişaf Məqsədlərinə (DİM) nail olunmasında töhfəsini vurğulayıb:
"Ölkə DİM-in reallaşdırılmasına yönəlib. Hər bir ölkənin irəliləyişi ümumi irəliləyişə töhfədir. Azərbaycanın Ermənistanla münaqişə vəziyyətində olmasına baxmayaraq ölkə sülh yolu ilə nizamlama tərəfdarıdır ki, bu da bütün dünya üçün irəliləyiş hesab olunur".
O deyib ki, Ermənistanla Azərbaycan arasında münaqişə dünyadakı çoxsaylı münaqişələrdən biridir və BMT bunun nizamlanmasında kömək göstərmək istəyir:
"İki ölkə lideri danışıqlara başlayıb və bu proses davam etməlidir. BMT bu cür münaqişələrin tez bir zamanda zorakılıq tətbiq olunmadan və ədalətli həll olunmasının tərəfdarıdır. Təşkilat bu prosesi dəstəkləməyə hazırdır".
Bakıda keçirilmiş Qoşulmama Hərəkatının 18-ci sammiti barədə danışan BMT Baş Assambleyasınını prezidenti bildirib ki, dünyaya yalnız kollektiv səylər vasitəsilə həll olunan problemlərin həlli üçün daha çox əməkdaşlıq, daha çox fəaliyyət lazımdır:
"Azərbaycanın sədr olduğu Qoşulmama Hərəkatında ən vacib amil odur ki, burada həm də BMT üzvü olan 120 ölkə iştirak edir. Bu, BMT-dən sonra ən böyük ölkələr qrupudur. BMT bütün dünyada sülhün təmin olunması məqsədi güdür. Qoşulmama Hərəkatı da bu istiqamətdə əməkdaşlıq üsullarını təmin etməlidir. Bu ideyanın formalaşması Hərəkatın Bakı sammitində vurğulanıb".
T.Məhəmməd-Bande qeyd edib ki, BMT münaqişələri zorakılıq olmadan həll etməyə çalışır:
"Ona görə də 2015-ci ildə BMT ölkələri ümumi məqsədlərimizin olduğu dünyanın yaradılması barədə razılıq əldə edib. Bizim 17 məqsədimiz var və bunlar Dayanıqlı İnkişaf Məqsədləri kimi tanınır. Sülh və təhlükəsizliyinin təmin olunmasının ən yaxşı yolu dünyada inkişafdır. Buna görə də DİM bütün dünya üçün çox vacibdir. Bütün ölkələr 2030-cu ilədək DİM-ə nail olmaq öhdəliyi götürüb".




 
Bölməyə aid digər xəbərlər
12.12.2019
“Hər zaman ulu öndərin təhsil siyasətini əsas götürmüşəm”
12.12.2019
Ən böyük vəzifəmiz Prezident İlham Əliyevin ətrafında sıx birləşərək, ona layiqli yardımçı olmaqdır
11.12.2019
Heydər Əliyevin qoyduğu özül müasir Azərbaycanın parlaq uğurlarının təməl daşıdır
11.12.2019
Azərbaycan Cənubi Qafqazda vacib iştirakçı statusunu qazanıb
11.12.2019
‘‘Ahıska türklәrini dәstәklәmәyә davam edәcәyik’’

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11401

1 Azərbaycan Prezidenti İlham Əliyev zəmanəmizin ən uğurlu liderlərindən biridir
2 Erməni deputat: “Ermənistana böyük sərmayə cəlb etmək mümkün deyil”
3 “Gəncliyimiz Prezidentin onlara etibar və həvalə etdiyi məsuliyyətin yükünü çiyinlərində daşımağa qadirdir”
4 “Azərbaycanın sığorta bazarında hələ görüləcək işlər çoxdur”
5 “Müsəlmanlar elə zəkatlarını versələr, İslam ölkələrində kasıb qalmaz“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info