İnternetin qiymətinin aşağı salınması nəzərdə tutulur
Tarix: 05.09.2013 | Saat: 23:17:00 | E-mail | Çapa göndər


Elmir Vəlizadə: “Mobil operatorlar problemi
yaxın vaxtlarda həll etməsələr, məhkəmə məsələsi yenidən gündəmə gələcək”


Yaxın zamanlarda Azərbaycanda internetin qiymətinin aşağı salınması nəzərdə tutulur. Bunu jurnalistlərə açıqlamasında rabitə və informasiya texnologiyaları nazirinin müavini Elmir Vəlizadə deyib. Onun sözlərinə görə, “İKT ili” çərçivəsində görüləcək işlər müvafiq tədbirlər planında nəzərdə tutulub: “Bununla əlaqədar olaraq işlər yerinə yetirilir, müəyyən təkliflər hazırlanır, hətta internet provayderlərlə görüşlər keçirilir.

Azərbaycanda İnternet Cəmiyyəti Assosiasiyası tərəfindən də müəyyən müzakirələr aparılır və təkliflər hazırlanır. Hər il olduğu kimi, bu il də qiymətin azalması siyasəti analiz ediləcək. Qiymətlər Azərbaycanda istifadə üçün daha da münasib olacaq. Çox yaxın zamanlarda assosiasiya tərəfindən yekun təkliflər bizə təqdim olunacaq və bundan sonra internetin qiymətinin aşağı salınması istiqamətində müvafiq addımlar atılacaq”. Elmir Vəlizadə onu da qeyd edib ki, mobil operatorlar tərəfindən “Mobil Nömrələrin Daşınması Sistemi”nin gecikdirilməsi problemi yaxın vaxtlarda həll edilməlidir. Bu məsələ yaxın vaxtlarda həll olunmasa, məhkəmə məsələsi yenidən gündəmə gələcək. Nazir müavininin sözlərinə görə, bir müddət öncə nazirlik mobil operatorlara xəbərdarlıq edib: “Mobil operatorlara xəbərdarlıq etmişdi ki, bu məsələ həll edilməsə, məhkəməyə müraciət ediləcək. Mobil operatorlar bu istiqamətdə addımlarını daha da sürətləndirməlidirlər. Bu istiqamətdə iş gedir. Müəyyən texniki məsələlər var ki, onların həllini tapmaması layihənin həyata keçirilməsini ləngidir. Amma bizim gözləntimiz ondan ibarətdir ki, mobil operatorlar problemi yaxın vaxtlarda həll edəcək”. Qeyd edək ki, BMT Baş Assambleyasının 67-ci sessiyası zamanı Azərbaycan hökumətinin təşəbbüsü ilə irəli sürülmüş “Trans-Avrasiya Super İnformasiya Magistralı” (TASİM) layihəsinin yaradılması çərçivəsində Avrasiya Bağlantı Alyansı (ABA) üzrə qətnamə qəbul edilib. Bu qətnamənin gələcək illərdə Azərbaycan üçün hansı əlavə imkanlar açacağı ilə bağlı suala aydınlıq gətirən rabitə və informasiya texnologiyaları nazirinin müavini Elmir Vəlizadə bildirib ki, bu qətnamənin qəbulu “Trans-Avrasiya Super İnformasiya Magistralı” layihəsinin həyata keçirilməsi ilə bilavasitə əlaqədardır. Onun sözlərinə görə, belə tip layihələrin region üçün əhəmiyyətini nəzərə alaraq regionlar ölkələrinin bura diqqətini artırmaq məqsədilə Avrasiya Rabitə Alyansının yaradılması təklifi irəli sürülüb: “BMT-də olan müzakirələr də göstərdi ki, belə bir alyansın yaradılması, müvafiq layihələrin həyata keçirilməsi dünyada gedən proseslərlə tam uzlaşır. İlk növbədə dünyanın bütün kommunikasiya infrastrukturunun gücləndirilməsi, vətəndaşların bu texnologiyalardan istifadə edərək öz hüquqlarının həyata keçirilməsi, informasiyanın əldə edilməsi üçün yeni imkanlar əldə etməsi üçün belə tipli layihələrə ciddi ehtiyac var. Azərbaycanın təşəbbüsü olan bu layihə BMT səviyyəsində artıq 3-cü dəfədir dəstəklənir. Bunun özü çox müsbət bir haldır”.
E.Vəlizadə qeyd edib ki, TASİM layihəsi regionda Avropadan Çinə qədər olan bir ərazini əhatə edir və 20-yə yaxın ölkənin ərazisindən keçəcək: “Layihə çərçivəsində Xəzəraltı əlavə kabel magistralının tikintisi gözlənilir ki, bu da Azərbaycan üçün önəmli məsələdir. Hazırda Qazaxıstan və Türkmənistanla bu istiqamətdə danışıqlar davam etdirilir. Bu layihədə Qazaxıstanın operatoru nəzərdə tutulan konsorsiumun əsas iştirakçılarındandır. Ona görə də adıçəkilən ölkə ilə bu danışıqlar daha intensiv şəkildə aparılır. Azərbaycanın təklifi ilə TASİM layihəsi çərçivəsində Xəzəraltı kabel magistralının yaradılması əhəmiyyətli addımlardan biri olacaq”.
Nigar Abdullayeva




 
Bölməyə aid digər xəbərlər
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10119

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info