“Ən böyük təhlükə odur ki, Azərbaycan tərəddüd etmədən hərbi əməliyyatlar həyata keçirəcək“
Tarix: 31.10.2019 | Saat: 00:01:00 | E-mail | Çapa göndər


Verelq.am saytı xəbər verir ki, Ermənistan Demokrat Partiyasının sədri Aram Sarkisyan bu ölkənin Xarici İşlər Naziri Zöhrab Mnaçakanyanın peşəkarlığından şübhələndiyini deyib: “Onun eşitmə problemləri var, çünki Mnaçakanyan bizim dediklərimizi dinləmir və gedən proseslərin mahiyyətini anlamır”.
Qondarma və separatçı Qarabağ rejimini daim dəstəkləyən açıqlamalarla çıxış edən Aram Sarkisyan daha sonra qəzəblə deyib: “Erməni siyasi arenasında bir qəzəb yaranıb. Türkdilli Dövlət Başçıları Şurasının Bakıda keçirilən iclasında Ərdoğanın bəyanatını, eləcə də həmin iclas zamanı İlham Əliyevin Ermənistana qarşı irəli sürdüyü digər “iddialar” arasında “Zəngəzurun Azərbaycandan qoparılması Türk dünyasını parçaladı” sözlərinin mahiyyətini xarici işlər naziri anlaya bilmir. Adi bir vətəndaş deyilənlərin dərin mahiyyətini başa düşə bilər, amma xarici işlər naziri deyil. Əliyev əslində Ermənistana ərazi iddiası edir və xarici işlər nazirimiz susur və hətta eşitməyinə şübhə edirəm. Niyə heç olmasa, bu məsələ ilə bağlı ATƏT-in Minsk Qrupu həmsədrlərinə müraciət etmir?”
Partiya sədri xüsusi olaraq vurğulayır ki, “bir neçə gündən sonra Bakıda daha bir mühüm hadisə baş verdi. Qoşulmama Hərəkatı Ölkələrinin (120 üzv ölkə) 18-ci Sammitinin Yekun Sənədində Ermənistan Silahlı Qüvvələri Azərbaycan ərazilərini işğal etdiyinə görə qınanır. Bu, bütün üzv ölkələrin iştirakilə yekdilliklə qəbul edilib. Bundan əlavə, iştirakçı dövlətlər münaqişənin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında həllini vacib sayıb. Düşünmürəm ki, 120 ölkənin verdiyi bəyanat Xarici İşlər Nazirliyinin gecikmiş reaksiyasına, xüsusən də müşahidəçi statusuna sahib olan Ermənistanın BMT-dən sonra ən hörmətli ikinci beynəlxalq təşkilatın konfransında iştirak etməməsinə dəyərdi”.
Erməni siyasətçi heab edir ki, bütün bunlar Xarici İşlər Nazirliyinin uğursuzluğudur: “Sual yaranır ki, səfirliklərimiz bu günə qədər nə ediblər? Azərbaycanın informasiya müharibəsində Ermənistana növbəti zərbə vurmaq üçün növbəti planlarını proqnozlaşdırmaq elə çətindir?”

Aram Sarkisyan vurğulayıb ki, “Ermənistan hakimiyyəti indiyə qədər Qarabağın qanuni müstəqilliyi faktını tanımayıb. Azərbaycana bundan daha böyük bir hədiyyə təsəvvür edə bilərikmi?”

Aram Sarkisyan təklif edib ki, münaqişənin həllinə dair Ermənistan tərəfinin tam konsepsiyasını diplomatik notada təkcə Minsk Qrupu həmsədrlərinə deyil, həm də BMT-yə üzv olan bütün ölkələrə təqdim etmək lazımdır. “Çünki heç kim məsələnin tarixini və hüquqi mahiyyətini xüsusi öyrənməməlidir. Onun sözlərinə görə, Qoşulmama Hərəkatı Zirvəsinin yekun Bəyanatı Ermənistanın Qarabağın müstəqilliyini əks etdirən sənədlə bağlı cavab addımı üçün əla imkan yaranıb. Demokrat Partiyasının lideri qeyd edib ki, əvvəlki hakimiyyətlər də bu təklifə laqeyd yanşıb. İndi də belədir. Yeni erməni hökmdarları da “prinsipial” bir sükut içindədir”.
A.Sarkisyanın fikrincə, “Ən böyük təhlükə odur ki, Azərbaycan yalanlarını beynəlxalq birliyə sırımaqla tərəddüd etmədən hərbi əməliyyatlar həyata keçirəcək. BMT-nin 4 qətnaməsinin tələblərini yerinə yetirilmədiyini iddia edən ölkə gec-tez buna gedəcək”. /konkret.az/




 
Bölməyə aid digər xəbərlər
20.11.2019
Rusiyada işsizlik səviyyəsi artır
20.11.2019
Paşinyan: “Münaqişəsinin həlli ilə bağlı Sarkisyanın, Köçəryanın və Ter-Petrosyanın düsturlarından istifadə etməyəcəyəm”
20.11.2019
Qazaxıstan Prezidenti Beynəlxalq Türk Akademiyasının işini yüksək qiymətləndirdi
19.11.2019
Sərksyan istintaqa çağırılır...
18.11.2019
Tbilisidə aksiyanın dağıdılması zamanı biri polis olmaqla 3 nəfər yaralanıb

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10948

1 Bölgə müəllimləri yeni layihələr reallaşdırırlar
2 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
3 Milli Qəhrəman ailələrinin ödənişsiz müayinə və müalicəsi kampaniyasına başlanılıb
4 Bakıda Milli Qəhrəman Albert Aqarunovun heykəlinin rəsmi açılışı olub
5 Prezident İlham Əliyev Pirşağı dəmir yolu stansiyasının açılışında iştirak edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info