Daşkənddə Məhəmməd Füzuli adına Azərbaycan Mədəniyyət, Təhsil və Tədqiqatlar Mərkəzinin açılışı olub
Tarix: 31.10.2019 | Saat: 14:38:00 | E-mail | Çapa göndər


Əlişir Nəvai adına Daşkənd Dövlət Özbək Dili və Ədəbiyyatı Universitetində dahi şairimiz Məhəmməd Füzulinin adını daşıyan Azərbaycan Mədəniyyət, Təhsil və Tədqiqatlar Mərkəzinin açılışı olub.
Özbəkistandakı Heydər Əliyev adına Azərbaycan Mədəniyyət Mərkəzinin (AMM) layihəsi əsasında yaradılan mərkəzə Azərbaycan dilinin, ədəbiyyatının, mədəniyyətinin təbliği məqsədilə ölkəmizə dair nəşrlər, əyani vasitələr hədiyyə edilib. Qeyd edək ki, mərkəzdə xalqlar arasında dostluq, mədəni-ədəbi əlaqələrə dair guşələr, habelə dövlət atributlarımıza və milli mədəniyyətimizə dair xüsusi stendlər yaradılıb. Mərkəzdə Azərbaycan ədəbiyyatının tanınmış nümayəndələrinin portretləri, dahi Füzulinin kitabları, əsərlərinə çəkilən miniatürlər yerləşdirilib.
AMM-nin direktoru Samir Abbasov Prezident İlham Əliyevin sərəncamlarına əsasən, Azərbaycan dilinə, ədəbiyyatına qayğı və diqqətin artırılması, bu istiqamətdə çoxsaylı layihələrin həyata keçirildiyini qeyd edərək yaradılan mərkəzin əsas fəaliyyətinin Azərbaycan dili və ədəbiyyatının öyrənilməsi və təbliği olacağını bildirib. O mərkəzdə azərbaycanlı alimlərin, şairlərin, yazıçıların iştirakı ilə görüşlərin, mühazirələrin, yubileylərin, açıq dərslərin, sərgi və seminarların təşkil olunacağını, burada yaradılan kitabxananın Azərbaycana dair yeni nəşrlərlə təmin ediləcəyini söyləyib.
Universitetin rektoru, professor Şuxrat Siracəddinov Məhəmməd Füzulinin yaradıcılığına Özbəkistanda böyük sevgi olduğunu, elm, təhsil və ədəbi əlaqələr sahəsində mərkəzin xalqlarımız arasında dostluq, əməkdaşlıq sahəsində bir körpü rolunu oynayacağını vurğulayıb. O, yaradılan mərkəz vasitəsilə universitetin müəllim və tələbələrinin Azərbaycanla, onun qədim tarixi, zəngin mədəniyyəti, ədəbiyyatı ilə yaxından tanış ola biləcəklərini və mərkəzin tədqiqatçılar, tərcüməçilər üçün yeni imkanlar açacağını söyləyib. Şuxrat Siracəddinov yaradılan mərkəzə görə AMM-yə təşəkkür edib. Açılış mərasimində iştirak edən alimlər mərkəzin iki ölkə arasında ədəbi əlaqələrin inkişaf etdirilməsi, Azərbaycan dilinin tədrisi, habelə Azərbaycan ədəbiyyatı və tarixinin öyrənilməsi üçün gözəl imkan açdığını bildiriblər və mərkəzin işinə uğurlar arzulayıblar. Sonda Samir Abbasov mərkəzə milli mədəniyyətimizi özündə əks etdirən Azərbaycan xalçası və suvenirlər bağışlayıb.




 
Bölməyə aid digər xəbərlər
16.11.2019
BMT-nin Sivilizasiyalar Alyansı ilə əməkdaşlıq müzakirə olunub
15.11.2019
Azərbaycanlı qonaqlar Özbəkistanda İçən-Qala dövlət qoruğunu ziyarət ediblər
15.11.2019
“CinemaPlus”da “Ford Ferrariyə qarşı”: VİDEO
14.11.2019
Musiqili Teatrda “Paris Notr-Dama ithaf” tamaşası təqdim olunub
14.11.2019
Odessada Nəsiminin 650 illik yubileyinə həsr olunmuş tədbir keçirilib

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10943

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
4 Prof. Aziz Sancar’dan Özbekistan’a çikarma: Hayalim Türk Birliğini görmek
5 Masallının Əmirtürbə kəndində şəhid Səfərəli Alışovun adı əbədiləşdirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info