Avropa Birliyinin 7 ölkəsi Suriyaya hərbi müdaxiləni dəstəkləyir
Tarix: 05.09.2013 | Saat: 23:51:00 | E-mail | Çapa göndər


Fransadan başqa BMT Təhlükəsizlik Şurasının mandatı olmadan Suriyaya hərbi müdaxiləni Avropa Birliyinin altı ölkəsi dəstəkləyir. Bu barədə “RİA Novosti” məlumat yayıb. Bu ölkələr arasında Danimarka, Xorvatiya, Rumıniya, Yunanıstan, Latviya və Kiprin adı var. Avropa Birliyi bəzi Qərb dövlətlərinin Suriyaya mümkün hərbi müdaxiləsi ilə bağlı mövqeyini yaxın günlərdə açıqlamalı olacaq.
Sentyabrın 6-7-də Vilnüsdə Avropa Birliyinə daxil olan 28 ölkənin xarici işlər nazirlərinin qeyri-rəsmi toplantısı keçiriləcək. Fransa hökuməti isə Suriyada kimyəvi silah tətbiqinə dair əldə etdiyi kəşfiyyat məlumatlarını ictimaiyyətə açıqlayıb. Fransanın Azərbaycandakı səfirliyinin yaydığı sənəddə fransız kəşfiyyatının mənbələri əsasında Suriyada kimyəvi silahla bağlı analiz öz əksini tapıb: “Suriyada dünyanın ən mühüm və operativ kimyəvi silah ehtiyatları saxlanır, bu ehtiyatlar uzun müddət Fransa kəşfiyyatı və tərəfdaşları tərəfindən monitorinq edilib. Suriyada ümumilikdə 1000 ton kimyəvi maddə və kimyəvi prekursorlar, o cümlədən bir neçə yüz ton kükürd ipriti, zarin qazı və bir neçə ton zəhərli VX var”. Sənəddə bildirilir ki, Bəşər Əsəd rejimi Şərqi Qutada artıq kimyəvi silah tətbiq edib. Fransa kəşfiyyatı aprelin 29-da Saraqebdə və aprelin ortalarında Dəməşq yaxınlığındakı Cobar qəsəbəsində zarin qazının tətbiq olunmasını isbatlayan bionümunələr və materiallara sahibdir. Fransa kəşfiyyatının analitikləri bildirir ki, avqustun 21-də Şərqi Qutada kimyəvi silah tətbiqi yalnız Əsəd rejiminin əmri ilə həyata keçirilə bilərdi və rejim izləri yox etmək üçün müfəttişləri bir neçə gün hadisə yerinə buraxmayıb: “Suriya müxalifəti kimyəvi maddələrdən istifadə edə bilməzdi. Çünki heç bir qruplaşmanın bu kimyəvi maddələrə, xüsusilə Şərqi Qutada tətbiq olunan miqdarda kimyəvi maddələrə çıxışı yoxdur”. Bu arada Cenevrədə İraq, İordaniya, Livan və Türkiyə xarici işlər nazirlərinin BMT-nin Qaçqınların İşi üzrə Ali Komissarlığının rəhbəri Antonio Quterrişlə görüşü olub. Görüşdə Suriyadan region ölkələrinə qaçqın axınının yaratdığı problemlər müzakirə olunub. Görüşdən sonra yayımlanan birgə bəyanatda Suriyada qaçqın axınının yaranma səbəblərinin aradan qaldırılmasına çağırılıb. Tərəflər sentyabrın 30-da regionda yaranmış humanitar böhranı aradan qaldırmağa maliyyə yardımı cəlb etmək üçün yüksək səviyyəli görüş keçirmək barədə razılığa gəliblər. Hazırda 2 milyonadək suriyalı qonşu ölkələrdə sığınacaq tapıb. Avqustun sonlarında 110 min suriyalı Misirdə, 168 min nəfər İraqda, 515 nəfər İordaniyada, 720 min nəfər Livanda, 460 min nəfər Türkiyədə sığınacaq tapıb. Hər gün qonşu ölkələrə orta hesabla 5 min suriyalı qaçqın gəlir. Livanda suriyalı qaçqınlar ölkə əhalisinin 18 faizini təşkil edir.




 
Bölməyə aid digər xəbərlər
17.01.2019
Dünyada robotlar işlədən ilk hotel onlardan imtina edir
17.01.2019
Şahmat ömrü uzadır
17.01.2019
Tereza Mey Böyük Britaniyanın baş naziri postunu qoruyub saxlayıb
16.01.2019
Britaniya deputatları “Brexit“ şərtlərinə dair sazişin əleyhinə səs veriblər
16.01.2019
Türkiyə ərazisində əlverişsiz hava şəraiti davam edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Çingiz Bayramov: “Azərbaycan bölgənin inkişaf etmiş ölkəsinə çevrilib”
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info