Elşən Həsənov: “Milli şura” daxilində baş verənlər insanların müxalifətə olan inamını daha da sarsıtdı”
Tarix: 06.09.2013 | Saat: 18:06:00 | E-mail | Çapa göndər


“Milli şura” özünün ən pis günlərini yaşayır desək, yanılmarıq. Müxalifətin inteqrasiyası adı və ümidi ilə yaranan bu birlikdə sular durulmaq əvəzinə, elə öz içlərindən kimsə tez-tez suyu bulandıraraq ortalığı qarışdırır. Ən maraqlısı isə budur ki, bu “missiya” hər dəfə bir liderin funksionerinin üzərinə düşür. Son günlərdə isə yenidən bu kontekstdə qalmaqallar çoxalaraq özünün pik nöqtəsinə çatıb. Qarşılıqlı ittihamlar yenidən alovlanaraq müxalifəti sözün həqiqi mənasında qınaq obyektinə çevirib.
Qurumdakı qütbləşmə, qalmaqal, mövqe savaşı və digər anormal prosesləri dəyərləndirən Azərbaycan Sosialist Partiyasının (ASP) sədri Elşən Həsənov “Palitra”ya verdiyi açıqlamada yaşanan son olayların təəssüf doğurduğunu bildirdi:

“Əgər bir binanın özülü düzgün qoyulmazsa, təbii ki, o haçansa uçulma təhlükəsi ilə üz-üzə qalacaq. “Milli şura”nın yaradılma xronologiyasına nəzər salsaq, hadisələrin necə, hansı istiqamət üzrə hərəkət etdiyini görərik ki, bu da bütün mənzərəni dəyərləndirməyə imkan verər. Hakimiyyətlə şəxsi ambisiyaları və umu-küsülərini siyasi müstəviyə çıxararaq, onu tənqid atəşinə tutan Rüstəm İbrahimbəyov kimi siyasətçi olmayan avantüristin arxasınca getmək ən böyük səhv sayıla bilərdi. Bundan başqa “milli şura”nın tərkibinə nəzər salsaq, orada bir-birinə əks qütblərdə dayanmış qüvvələrin bir masa arxasında oturmalarına təəccüblə baxmalı olursan. Faktiki olaraq uzun illər boyu didişmə vəziyyətində olan qüvvələrin “miili şura” adlı qurumda birləşərək mövcud olan hakimiyyəti hakimiyyətdən kənarlaşdırmaq arzusu Azərbaycanda qarşıdurma yaratmaq istəyindən savayı bir şey deyil. Müxtəlif maliyyə mənbələrindən qaynaqlanan, müxtəlif ideyalara qulluq edən və istiqamətləndirilən qüvvələrin istəyi yalnız bundan ibarət ola bilər”.
Elşən Həsənov onu da vurğuladı ki, ən-ənəvi müxalifətin artıq siyasi səhnədən kənarlaşmasının zamanı çatıb. Onlar bu cür didişmələrlə onsuz da müxalifətin cəmiyyətdə az olan hörmətini daha da yox etməyə çalışırlar: “Milli şura” kimi cəlbedici bir ideyanı avantürist ideyaya çevirən müxalifətin artıq siyasi səhnədən getməsi labüddür. Bu qurum daxilində baş verənlər insanların artıq bundan sonra müxalifətə olan inamını daha da sarsıtdı”.
Tural




 
Bölməyə aid digər xəbərlər
23.02.2019
Bakıda 24 yaşlı ana 2 övladı ilə birlikdə itkin düşdü
23.02.2019
Turistlər polisdən razılıq edirlər
22.02.2019
Kənd təsərrüfatının inkişafında yeni mərhələ: Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
Xocalı soyqrımını törədənlər beynəlxalq məhkəmə qarşisinda cavab verməlidirlər
22.02.2019
“Təbiət Mənim Evim” layihəsi baş tutub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info