Adana kababı necə hazırlanır?
Tarix: 07.11.2019 | Saat: 00:12:00 | E-mail | Çapa göndər



“Türkiyə mətbəxi” silsiləsindən bu gün sizə adını Türkiyənin cənub bölgəsində yerləşən və ölkənin altıncı böyük rayonu olan Adanadan almış kababı təqdim edirik.

Kabablar Orta Şərq coğrafiyasının vazkeçilməz yeməklərindəndir. Ərəbcədə "bişmiş, qızarmış" mənasını verən kabab, lüğəti mənasından başqa, qaz üzərində, atəşdə və ya qab içində susuz olaraq bişirilmiş ət yeməklərinə verilən ümumi addır.
Türkiyə mətbəxində kabablar özünəxas şəkildə təqdim edilir. Belə ki, Türkiyədə az qala hər rayona aid bir kabab var, amma ən məşhurları ölkənin cənub və cənub-şərqində olanlardır.
“Türkiyə mətbəxi” silsiləsindən bu gün sizə adını Türkiyənin cənub bölgəsində yerləşən və ölkənin altıncı böyük rayonu olan Adanadan almış kababı təqdim edirik.
Məşhur Adana kababını evdə özünüz hazırlayıb yemək istəyirsinizsə, deyək bizə hansı ləvazimat lazımdır?

350 qram çəkilmiş dana əti,
300 qram çəkilmiş qoyun əti,
1 diş sarımsaq,
2 ədəd quru soğan,
1 çay qaşığı qırmızı bibər,
1 çay qaşığı qara bibər,
1 yemək qaşığı acı bibər sousu,
yarım dəstə cəfəri,
azca quyruq və ya kərə yağı.

Sıra gəldi Adana kababını hazırlamağa.
Soğanları xırda-xırda doğrayın, suyunu süzüb dərin bir qaba tökün. Sarımsaqları əzin, cəfərini isə incə-incə doğrayın. Çəkilmiş dana və qoyun ətləri, soğan, sarımsaq, qırmızı və qara bibərlər, duz, acı bibər sousu və cəfərini üst-üstə töküb yaxşıca qarışdırın. Sonra qarışığı soyuducuya qoyub 2-3 saata qədər saxlayın.
Qəssabdan ala biləcəyiniz quyruq və ya kərə yağı ilə sobanı yağlayın. Sobanı 200 dərəcə isitdikdən sonra ətli qarışığından alıb ovcunuzla şişlərə və ya çöplərə keçirin. Sonra şişləri qızartma telinin üzərinə qoyun, təxminən 20-25 dəqiqə bişsin. Qızarıb-bişdiyinə əmin olduqdan sonra süfrəyə verə və yeyə bilərsiniz. Nuş olsun!




 
Bölməyə aid digər xəbərlər
08.11.2019
“Su böreyi” necə hazırlanır?
03.11.2019
Qaraciyər paştetinin hazırlanması
01.11.2019
Naxçıvan mətbəxi - Qatıq aşı
29.10.2019
Məşhur Ordubad qayğanağı
23.10.2019
Naxçıvan mətbəxində “Doldurma kabab“

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10942

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Prezidentdən Bayraq Günü paylaşımı - Video
3 “Türkiyə qəzetlərində və xəbərlərdə Azərbaycan alimləri təriflənir”
4 Cəlil Məmmədquluzadənin “Seçilmiş əsərləri” Bolqarıstanda çap olunub
5 238 nəfər daxili işlər orqanlarında xidmətə qəbul olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info