Gömrük Akademiyasının məzunu: “Akademiyada əldə etdiyim biliklər köməyimə çatır”
Tarix: 08.11.2019 | Saat: 13:08:00 | E-mail | Çapa göndər


Məmmədzadə Günel Ərşad qızı Dövlət Gömrük Komitəsinin Akademiyasının “Hüquqşünaslıq” ixtisasının bu ilki məzunlarından biridir və hazırda Dövlət Gömrük Komitəsinin Hava Nəqliyyatında Baş Gömrük İdarəsinin Terminal-1 Beynəlxalq Hava Limanı gömrük postunun sərnişin şöbəsinin inspektoru vəzifəsində çalışır.

- Günel, hazırda gömrük xidmətində çalışırsınız. Hansı işləri yerinə yetirirsiniz?

- Malların gömrük sərhədindən keçirilməsi zamanı gömrük nəzarətinin həyata keçirilməsi, qadağan olunmuş və ya dövriyyəsi məhdudlaşdırılmış malların ölkəyə qanunsuz keçirilməsinin qarşısının alınması, ölkəmizə xaricdən gələn sərnişinlərin yaşıl və qırmızı kanala daxil olması, baqajlarına baxış keçirilməsi və qanunvericilik aktlarında nəzərdə tutulmuş digər vəzifələri yerinə yetirirəm.

- Akademiyada qazandığınız biliklər iş vaxtı köməyinizə çatırmı?

- Təbii ki, tələbəlik həyatı və iş həyatı bir-birindən çox fərqlidir, lakin icra etdiyim vəzifələrin bir çoxunun nəzəriyyəsini bilmək, yəni dörd il ərzində Akademiyada əldə etdiyim biliklər praktiki fəaliyyətim zamanı köməyimə çatır. Təbii ki, iş həyatı tamam fərqli yeni bilikləri də tələb edir, bunlar da yalnız təcrübə əsasında formalaşır.

- Gömrük xidmətində çalışmağınızda Akademiyanın rolu barədə nə deyə bilərsiniz?

- Məzun olduqdan sadəcə bir ay sonra mən və digər tələbə yoldaşlarım gömrük əməkdaşı kimi müxtəlif struktur bölmələrdə işlə təmin olunduq. Gömrük əməkdaşları sırasına daxil edildiyimizə görə Akademiyanın rəhbərliyinə və Dövlət Gömrük Komitəsinin sədri Səfər Mehdiyevə minnətdarlığımızı bildiririk.

- İlk iş gününüz necə keçmişdi? Həyəcan vardımı?

- İlk iş günüm həyatımdakı ən həyəcanlı günlərdən biri idi, çünki artıq mühazirə dinləmək və seminarlara hazırlaşmaqla keçən tələbəlik günlərinin sonuna gəldiyimi ilk dəfə həmin an anlamışdım. Həmin gün mənim üçün daha məsuliyyətli və diqqətli olmağı tələb edən günlərimin başlanğıcı idi.

- Gömrük xidmətində çalışmaq hansı məsuliyyəti yaradır?

- Gömrük xidməti digər fəaliyyətlərdən daha çox məsuliyyət və diqqət tələb edir. Gömrük orqanı əməkdaşı etik və əxlaqi normalara ciddi əməl etməli, qanuni tələbləri dəqiq bilməli və yerinə yetirilməməsindən irəli gələn məsuliyyətləri dərk etməlidir. Sadəcə xidməti vəzifə ilə bağlı deyil, xidmətdən kənar davranış qaydalarına da fikir verməlidir.




 
Bölməyə aid digər xəbərlər
19.11.2019
“İctimai birliyimiz məhkumların yeni peşələrə yiyələnməsi prosesində fəal iştirak edir”
18.11.2019
Nazim Süleymanov: “Yurçeviçi kim gətiribsə, o da çıxsın cavab versin“
18.11.2019
Cəlil Məmmədquluzadənin nəticəsi: “Babamın Azərbaycan xalqı üçün böyük şəxsiyyət olduğunu bilmirdim” - VİDEO
18.11.2019
“Müxalifətin Almaniyada “mühacir biznesi” ilə məşğul olması çox böyük ikrah və nifrət hissi doğurur”
14.11.2019
Bölgə müəllimləri yeni layihələr reallaşdırırlar

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10948

1 Bölgə müəllimləri yeni layihələr reallaşdırırlar
2 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
3 Bakıda Milli Qəhrəman Albert Aqarunovun heykəlinin rəsmi açılışı olub
4 Prof. Aziz Sancar’dan Özbekistan’a çikarma: Hayalim Türk Birliğini görmek
5 “Siqaretdən, alkoqollu və enerjili içkilərdən uzaq durun, təbiətdə çox olun, çox gəzin”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info