Çoban qovurma
Tarix: 19.11.2019 | Saat: 02:51:00 | E-mail | Çapa göndər



İstəkli yemək və yeməkbişirmə həvəskarları, bu gün “Türkiyə mətbəxi” silsiləsindən sizə kiçik fərqlərlə Türkiyənin az qala hər yerində bişirilən bir ət yeməyi təqdim edəcəyik. Yeməyin adı çoban qovurmadır.


İstəkli yemək və yeməkbişirmə həvəskarları, bu gün “Türkiyə mətbəxi” silsiləsindən sizə kiçik fərqlərlə Türkiyənin az qala hər yerində bişirilən bir ət yeməyi təqdim edirik. Yeməyin adı çoban qovurmadır. Bu, hazırlaması asan və ləzzətli bir yeməkdir. Çobanlar kəndlərindən uzaqdaykən bu yeməyi rahatca hazırlaya bildikləri üçün sonradan hər kəs ona “çoban qovurması” deyib. Xüsusən pomidor və bibərin bol və təzə olduğu yay aylarında bu yemək daha dadlı alınır.

“Çoban qovurma”nı etmək üçün nələr lazımdır, onları sadalayaq:

1 xörək qaşığı kərə yağı,
1 xörək qaşığı günəbaxan (ayçiçek) yağı,
750 qr. quzu əti,
15-20 ədəd arpa, yəni xırda soğan,
4-5 diş sarımsaq,
4-5 ədəd acı yaşıl bibər,
3 ədəd pomidor,
1 stəkan ət suyu,
quru kəklikotu,
1 soğanın suyu,
30 milli litr alma sirkəsi,
Zövqə görə duz, qara bibər və qırmızı toz bibər.

Kiçik (quşbaşı) doğranmış ətləri bir qabın içinə qoyun, üzərinə soğan suyu, alma sirkəsi, duz və qara bibər əlavə edib qarışığı soyuducuda 20 dəqiqə saxlayın. Bu arada günəbaxan və kərə yağlarını tavaya tökün istilənsin. Bayaqkı qarışığı soyuducudan çıxarıb suyunu süzün, yağda 15 dəqiqə orta odda qovurun. Sonra arpa soğan və diş sarımsaqları əlavə edin, qarışdıra-qarışdıra 5 dəqiqə qovurmağa davam edin. Daha sonra iri doğranmış bibərləri qarışığın üzərinə töküb yenə 5 dəqiqə qovurun. Küp doğradığınız pomidorları da əlavə edərək əvvəlki şəkildə qarışdırıb qovurmağa davam edin. Ət suyu və quru kəklikotundan başqa digər ədviyyatları üzərinə töküb qazın odunu azaldın. Ətləri qazanda qapağı bağlı olaraq yumşalana qədər təxminən 40 dəqiqə bişirin. Qazın üzərindən götürdükdən sonra kəklikotunu səpin, isti-isti süfrəyə gətirin. Nuş olsun.




 
Bölməyə aid digər xəbərlər
07.07.2020
Sarayın ləzzətləri: heyva dolması
03.07.2020
Asan plov -VİDEO
30.06.2020
Çaxoxbili -VİDEO
27.06.2020
Ev şəraitində Xan kababı-VIDEO
22.06.2020
Fərqli badımcan çığırtması-VIDEO

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11548

1 Karantin rejiminin bitdiyi günün səhərisi Azərbaycanda turizm bərpa oluna bilər
2 “Türkiyədə sənədsiz yaşayan soydaşlarımızın yanında olmağa çalışmışam”
3 “Zaman və düşüncələr” kitabı Azərbaycan dilində çapa hazırlanır
4 Türkiyə moda sənayesi 15 iyul - 14 avqust tarixlərində sərgidə
5 312 nəfər əcnəbi “Azərbaycan turizmi üzrə ekspert” statusunu qazanıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info