Sərraf Balaxan: “Namazov Qəmbər və Kərimlini zərərsizləşdirdi”
Tarix: 10.09.2013 | Saat: 20:17:00 | E-mail | Çapa göndər


Son bir ayda “milli şura” adlanan qondarma qurumda yaşanan olaylar bir daha onu göstərdi ki, 20 ildir müxalifətçilik missiyasını üzərinə götürüb, əslində isə müxalif mövqedən başqa hansı mövqeni desən sərgiləyən siyasi partiya və birliklər hələ də 90-cı illərin ab-havasındadırlar. İntriqalar, ittihamlar, şəxsi ambissiyaların önə çəkilməsi kimi halların müxalifətin inteqrasiyası kimi adlandırdıqları “milli şura”da qabarıq şəkildə çoxalması artıq adi hal alıb. Təsadüfi deyil ki, son günlər bu qurumda hamı bir-birini ittiham etməyə başlayıb. Elə bu səbəbdəndir ki, nəhayət qolunu çırmalayıb seçki hazırlığını aktivləşdirmək əvəzinə birliyin namizədi Cəmil Həsənli meydana atılaraq barışdırıcı şəxs kimi fəaliyyətə başlayıb.
Yeni Azərbaycan Partiyası(YAP) Gənclər Birliyi Ofisinin rəhbəri Sərraf Balaxan “Palitra”ya sözügedən olayları şərh edərək yaşanan siyasi proseslərin gülünc istiqamətə getdiyini dedi. O, yaxın zamanlarda bu qurumun daha böyük qalmaqallarla üz-üzə qalacağını da proqnozlaşdırdı: “Milli şura”nı bir müddət öncə bizim romantik müxalifətçilər ən uğurlu birlik adlandırırdılar. Bundan əvvəl yaratdıqları İctimai Palata kimi, onu da hətta and yerinə çevirmək cəhdləri oldu. Lakin reallıq onu göstərdi ki, “milli şura”nın milini kimsə üsulluca çəkib çıxardı. İndiki durumda şura səpələnmiş ilməni xatırladır. Rüstəm İbrahimbəyovun qurduğu ssenaridə “katalizator” kimi iştirak edən Eldar Namazov öz işinin öhdəsindən layiqincə gəldi. Aralarında olan dərin intriqa səbəbindən müstəqil şəkildə öz namizədliklərini irəli sürən İsa Qəmbər və Əli Kərimli qarşılıqlı reaksiya nəticəsində zərərsizləşdirildi. Birmənali olaraq deyə bilərik ki, o, bu işi ilə müxalifətin ətrafında toplanan, lakin böyük işlərdə etimad göstərilməyən azsaylı gənclərin ürəyincə olan bir hərəkət etdi. Hətta deyərdim ki, onların “xilaskar”ına çevrildi. Bütün bu işləri icra edən Eldar Namazov özü isə “katalizator” kimi kənarda qaldı. İndi “milli şura” öz funksiyasını yerinə yetirmədən məhv olma dövrünə qədəm qoyub. Antimilli müxalifət zərərsizləşdirilib, susdurulub, Eldar Namazov deyilənləri icra edib, haqqını alıb. Ortada isə qalıb Cəmil Həsənli”.
Sərraf Balaxan deyir ki, Cəmil Həsənlinin də işləri dolaşığa düşüb. Əslində isə o, tələyə salınıb. Seçkiyə narazılıqlarla gedən qurumun isə başının üzərindən qara buludlar əksik olmayacaq: “Hazırkı durumda “milli şura”nın vahid namizədi olan Cəmil Həsənli faktki olaraq vəzifə hərisi olan müxalifətin xəyallarını reallaşdırmaq üçün deyərdim ki, tələyə salınmış bir namizəddir. Bir səsi bir manatdan hesablayan “milli şura” isə öz mövcudluğuna bəraət qazandıracaq heç nəyə sahib olmayan bir təşkilatdır.
Cəmil Həsənlinin yüngülsaqqal edilib ora-bura göndərilməsi isə normal görünmür. Yəqin o, Lalə Şövkətlə görüşüb ACP-də görüşlər keçirib, liderləri barışdırmağa calışır. Ötən həftə Lalə Şövkətin nümayiş etdirdiyi mövqe “milli şura”da baş verənlərə bir güzgü tutdu. Qala deyib tərif etdikləri “milli şura”nın daxilində nələrin baş verdiyini aydınlığı ilə göstərdi. Bu məsələdə hətta Rüstəm İbrahimbəyov da Lalə Şövkətin tərəfində olduğunu bildirdi. Artıq olmayan bir şeyə nəzarətin də mümkünsüzlüyü və mənasızlığı etiraf olundu. Ortada qalan isə bəlkə də, namizəd olmağa qeyri-ixtiyari razılığını verən Cəmil Həsənli qaldı. Cəmil Həsənlinin Lalə Şövkətlə görüşməsinin arxasında özünü bu çirkabdan xilas etmə refleksi daha aydın duyulur, nəinki “milli şura”nı xilas etmək. Mövcud durumda aranı elə qatıblar ki, düzələn işə oxşamır. Çünki özləri də gözləmədən kənarda qalan və seyrçi mövqeyinə keçən AXCP və Müsavat partiyaları öz gizlin niyyətlərini yavaş-yavaş ortaya qoyurlar. Artıq hər bir partiyanın gənclər təşkilatları oynanılan oyundan xəbərdar olduğunu ortaya filmlərə ifşaedici dublyaj qoşmaqla qoyurlar. Düşünürəm ki, seçki kampaniyası başlanandan sonra yanaşma daha da kəskinləşəcək və düşdüyü durumu həzm edə bilməyən müxalifət özünü ölümdən xilas etmək üçün istənilən yola əl atacaq”.

Tural Tağıyev






 
Bölməyə aid digər xəbərlər
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10491

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info