Menemen necə bişirilir?
Tarix: 26.11.2019 | Saat: 01:31:00 | E-mail | Çapa göndər



“Türkiyə mətbəxi” silsiləsindən bu gün sizə Türkiyədə süfrələrin sevilən yeməklərindən biri olan menemeni təqdim edəcəyik.

Türkiyənin yemək mədəniyyətində qəhvəaltının yeri başqadır, bir parça çörək və ya kekslə olmaz.
Ənənəvi Türkiyə qəhvəaltısında qəhvə deyil, çay içilər. Çay içmək üçünsə fincan yerinə əsasən kiçik (armudu) şüşə stəkanlardan istifadə edilər. Qəhvə isə qəhvəaltını bitirdikdən sonra son nöqtəni qoymaq üçün içilən bir içkidir. Qəhvəaltı sözünün özündən də adının mənası anlaşılır.
Qəhvəaltıda çayın yanında nələr yeyir türklər? Başda pendir və zeytun. Bəli, bir çox mətbəx mədəniyyətində çərəz olaraq istifadə edilən zeytun Türkiyə qəhvəaltısının vazkeçilməz yeyəcəklərindən biridir. Pendirə gəlincə, hər növ pendir səhər yeməyinin əsas dadıdır. Masada nə qədər pendir olsa da, ağ pendir hər vaxt başdadır.

Türk üsullu qəhvəaltı çox zəngindir. Belə ki, süfrədə zeytun, pendir, kərəyağı, bal, cem, sosiska, kolbasa, fərqli şəkillərdə bişirilmiş yumurtalar, börek, qutab kimi xəmir işləri, qızartma tərəvəzlər, pomidor, xiyar, bibər və növbənöv göyərtilər ola bilir.
“Türkiyə mətbəxi” silsiləsindən bu gün sizə Türkiyədə süfrələrin sevilən yeməklərindən biri olan menemeni təqdim edəcəyik. Pomidor, bibər və bəzən soğan da istifadə edilərək hazırlanan bir növ omletdir menemen.
Beləliklə, menemeni bişirmək üçün nələr lazımdır, əvvəlcə onları sadalayaq:
4 ədəd pomidor,
1 ədəd soğan,
4 ədəd sivri nazik yaşıl bibər,
3 ədəd yumurta,
2 yemək qaşığı maye yağ,
çay qaşığının 3-də 1-i qədər duz və
bir o qədər də qara istiot.
Menemenin necə bişiriləcəyinə keçməzdən əvvəl bunu müəyyənləşdirək ki, soğanlı istəyəcəksiniz, ya soğansız? Bu mövzuda türklərin bir qismi menemenin qəti şəkildə soğanla bişirilməli olduğunu iddia edir, digər qisim isə onu soğansız istəyir.
Biz sizə soğanlı menemen təklif edirik, təbii ki, istəməsəniz, soğanı ləvazimat sırasından çıxara bilərsiniz.
İndi keçək menemeni bişirməyə. Əvvəlcə qabığını soyduğunuz soğan və pomidorları kiçik küplər halında doğrayın. Dənələrini çıxardığınız sivri yaşıl bibərləri ortasından və aypara şəklində kəsin.
Soğanı maye yağda bir tavada əvvəlcə 4-5 dəqiqə qovurun. Sonra üzərinə bibər, daha sonra pomidorları əlavə edin. Pomidorların suyunun çoxu çəkildimi, qarışığın üzərinə yumurtaları, duz və qara istiotu əlavə edib 3-4 dəqiqə bişirin. Artıq menemeni istədiyiniz nimçədə və şəkildə süfrəyə gətirə və yeyə bilərsiniz. Nuş olsun!




 
Bölməyə aid digər xəbərlər
26.05.2020
Qasımbəy yeməyi -VIDEO
20.05.2020
Qiyməli pendirli yemək resepti -VİDEO
15.05.2020
Qabırğa dolması
11.05.2020
Sarayın ləzzətləri: Yumurtalı çiy küftə
03.05.2020
“Lebeniye çorbası“

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərişıq“ bayram günlərində gücləndirilmiş iş rejimində çalışacaq
2 “Bu gün dövlətlə fermer arasında sıx bağlılıq yaranıb”
3 Dövlət Komitəsi: Oğuzda 12 yaşlı uşağın vəfatı ilə nəticələnən hadisə nəzarətdədir
4 Ombudsmanın Milli Preventiv Mexanizm fəaliyyəti çərçivəsində regionlarda başçəkmələr həyata keçirilib
5 İspaniya turizm mövsümünün bərpa tarixini açıqlayıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info